Wp/ryu/Best Friend (Kiroroぬ曲)
「Best Friend」（ベスト・フレンド）ー、Kiroroぬ10枚目ぬシングル。2001年6月6日にビクターエンタテインメントから発売さったん。
概要[edit | edit source]
NHK連続テレビ小説『ちゅらさん』ぬ主題歌。ヒット曲とぅない、『第52回NHK紅白歌合戦』んかい出場さん。2002年12月発表ぬアルバム『Four Leaves Clover』んかえー、アレンジぬ異ないるバージョンぬ収録さったん。
ヴォーカルぬ玉城千春がはっちゃかたい落ち込だいするくとぅがうふさるどぅーちゃーなぐさみてぃくぃーる金城綾乃んかいんきてぃぬ感謝ぬうむい綴たる歌[1]っし「いちばんどぅしんかいうくいる歌」とぅしてぃ認知さりてぃうぅい、卒業式っし歌らりーるくとぅんうふさん。また、サビぬ歌詞やん「にふぇーでーびる、にふぇーでーびる、Best Friend」ぬ「にふぇーでーびる」ぬ部分「かりゆし」んかいけーてぃいちばんどぅしぬにーびちっし歌いしん定番化そーん。
2010年3月1日からフジテレビ系にてぃ4ゆる連続放送ぬオムニバスドラマ『卒うた』っし、くぬ曲テーマとぅさん第1ゆる「Best Friend」が志田未来主演っし放送さったん。
2016年公開ぬディズニーうゆびピクサーぬ劇場アニメ『アーロとぅいきがわらび』ぬやまとぅぐち吹き替い版エンディングテーマんかい「Best Friend」ぬ新録版が採用さったる[2]。
『ちゅらさん』にてぃ同曲ぬちからりーる際「かたくじら見ーまんとーくとぅってぃわれーがうっし、ちゃーぬぐとぅまんだちゃん」ぬ部分編集しー「ちゃーぬぐとぅちゅーくまんだちゃん」でぃぬオリジナルぬ歌詞ぬ流りーん。ロングVer流するばーやサビぬフルサイズっしちからっとーん。
脚注[edit | edit source]
- ↑ ”Kiroro、親友のサプライズ登場に涙「Best Friend」の秘話も告白”. Movie Walker (2016年2月22日). 2016年6月13日閲覧。
- ↑ “「アーロと少年」日本版エンディング曲はKiroroの「Best Friend」新録版”. 映画ナタリー (2016年1月11日). 2016年1月12日閲覧。