鳳凰木ん くぬ頃んじぇー 道側ーんかい 植ーらっとーし
ゆー 見ーじゅん
鳳凰ぬ 大大ーとぅ 羽 広ぎとーしんかい 似ちょーぬ葉
かんじんかい 似ちょーぬ 真っ赤ーら そーぬ うふぃなーぬ花 とぅ
あんしまた 沖縄ぬ 差し太陽んかい 当たらんぐとぅんち
涼さぬ 影ん 作てぃ とぅらすい 実とー 清らさぬ
また 涼さぎさーそーぬ 木やん
あんしが 夏ないねぇー 風吹ちぬ 危さぬ 枝打ち
さりーしが まんどーん
なるふどぅ 大風ぬ 来ーねー 枝ぬ 折ーりてー 裂きてーをぅいし
また 倒りてぃ 道ん 通ららんぐとぅ なとーし
うぬ んぶんぶーとぅそーぬ 姿型から 風にん 強さぬ
見ーじゅぐとぅ 危さぬはじ
枝びかー なとーぬ木 見んじゅせー 心痛みーすしが 沖縄や
枝葉ぬ 栄いしん 速さぬ 心ん治いん