Wp/ryu/琉球口ぬ語音

琉球口ぬ語音（るーちゅーぐちぬぐいん）、実（じゅん）に使（ちか）ゆんでぃしぇー、外来語（ゆすくとぅば）、借（か）ゆるばす、うぬ語音（ぐいん）やうぬまーまーぬ語音とー、さんよーい、琉球語音（るーちゅーぐいん）ぬんかい変（け）えてぃ、使ゆる事（くとぅ）やん。例（たとぅ）れー、「警察」ゆ「きーさち」、「世間」ゆ「しきん」、「アメリカ」ゆ「アミリカ」、「オランダ」ゆ「ウランダ」んでぃち直（のー）する事やん。当（あ）たい前（めー）ぬ事、枕（まっくゎ）ぬ通（とぅ）いあらんむぬん、あせーあん。

琉球語音ぬ事おー、昔（んかし）から知（し）らっとーびーしが、うり、如何（ちゃー）すがんでぃゆる事にちーてー、わかしみん無（ね）えやびらん。うぬ故（ゆい）がやいびーら、折角（しっかく）ぬ沖縄口（うちなーぐち）ん借（か）い言葉（くとぅば）ぬ所（とぅくる）ん、またうぬ言葉（くとぅば）ぬ前後（めーうしる）まんぐらんでーが、後（あとぅ）ぬうんじゅみ、大和口風（やまとぅぐちふーじー）でけーなやい、まーぬ言葉がやら決（ち）わみ難（がた）さるむんないびーん。うんな事からん、うちなあぐちし、文言（むんぐん）書（か）ちゅしん、うけーがすらん分（わ）かやびらん。

うぬ事んまた、うちなーぐちが「独立言葉（どぅうたちくとぅば）」がやら「大和口（やまとぅぐち）ぬ方言（ほーげん）」がやら、わかしみんねーらんしとぅ似（に）ちが居（をぅ）ら分かやびらん。

３００年前（にんめえ）んじ組踊（くみをぅどぅ）作（ちゅーく）たる玉城張勲はじみ、彼（あ）りが後（あとぅ）ぬ組踊作家（くみをぅどぅいちゅーくやー）たーや、江戸世（いどぅゆー）ぬ大和口（やまとぅぐち）、いちゃさきーなーん借（か）やびたしが、何（ぬー）ぬうけー思（うみ）いんさんよーい、当（あ）たい前（めー）に琉球語音（るーちゅーぐいん）ぬんかい換（け）えやびたん。沖縄口（うちなーぐち）ぬどぅ自（どぅー）なーたー言語（くとぅあ）やるんでぃぬ思（うみ）いぬ根（にー）からーたくとぅどぅやたら筈（はじ）やん。

うんにいとぅ比（くな）びーねー、今（なま）あー、沖縄口（うちなーぐち）が自（どぅー）なーたー母国語（あんまーくとぅば）やんでぃぬ思（うみ）いや、無（ね）えらんなやーに、「大和口（やまとぅぐち）ぬ方言（ほーげん）」んでぃぬ考（かんげ）えなかい、まるかっとくとぅどぅやら筈（はじ）ん。