Wp/ryu/千と千尋の神隠し

From Wikimedia Incubator
< Wp‎ | ryuWp > ryu > 千と千尋の神隠し
Sen to Chihiro no kamikakushi title.jpg

千と千尋の神隠し』(沖縄口ぬちむえー:千んでぃ千尋ぬむぬまいー)や、2001年に公開さったるやまとぅぬ長編アニメーション映画。原作・脚本・監督や宮崎駿

あらすじ[edit | edit source]

10歳ぬいなぐわらび・千尋(ちふぃる)ー、たいぬうやとぅまじゅんやーうーちー先ぬニュータウンんかいんでぃんかいる途中、森ぬ中ぬ奇妙なトンネルから通じーる無人ぬ街んかい迷い込むん。うまんかえー八百万ぬ神々ぬ住でぃうぅい、にんじんぬふぃさ踏み入りてーならんしけーやたん。街ぬふぃるまさる雰囲気んかいんびーる千尋ゆすんかい、探検くくちぬたいぬうやーかみむんぬ並ぶる無人ぬ飲食店見ーちきー、店員ぬちーねーちん払れーゆたさんでぃ勝手にてぃーちきてぃしまいん。たいぬうやぬ誘いくとぅわいちゅいっし散策そーたる千尋ー旅館ぬぐとーるまぎさる建物んかい辿いちち、橋ぬうぃーからはーえーする列車眺みとーたん。背後からぬ気配んかい気づちとぅんけーいねーいきがわらびぬ立っちうぅい、ちゅーさる口調っしちゃーきむどぅれーんでぃ言らったるたみたいぬうやかめーいしが店んかいあったーぬかーげーなく、丸々とぅくぇーたるぅわーぬ二ふぃちかみむんくゎい散らかちょーたん。千尋ぬたいぬうやー、神々んかいんじゃするかみむぬんかいてぃーちきたるたみばちとぅしてぃぅわーなさりてぃしまとーたん。千尋ーちゃる道むどぅらとぅすしが大河っし塞がってぃうぅい、ふにからうりてぃちゅーる怪物ぬぐとーる者ぬちゃーみーなちゃるくとぅっしくれーわっさるいみやんでぃ思い込むん。やないみぬちゃーいるくとぅにがてぃどぅーぬ消滅しーがーたーないしが、きっさぬいきがわらび・ハクんかいたしきらりーん。

ハクや、八百万ぬ神々ぬ客とぅしてぃ集いん「油屋」でぃぬ名ぬ湯屋(ゆや)っし働ちょーたん。油屋ぬぬーしぇー、えーてぃぬ名ぼーてぃ支配すん、うとぅるさる魔女ぬ湯ー婆婆(ゆばーば)っし、しぐとぅむたんむのーいちむしんかいけーらってぃしまいねー千尋んかいならーすん。千尋ー、やとぅてぃくぃーるよう湯ー婆婆んかい頼み込み、契約ぬ際に名ぼーられい「千(しん)」んでぃ新たに名付きらられい、油屋っし働ちゅるくとぅないん。ハクー、ふんとーぬなめーわしーねー元ぬしけーんかい戻りらんないんでぃゆしーん。ハクんまた名ぼーられい、どぅーぬ何者でぃあったぬが思い出しらじんかいうぅたん。やしが、あれーぬーんちが千尋ぬ存在知っちうぅい、どぅーぬなめーやわしてぃん千尋ぬくとーうびとーるぬやんでぃいーん。一方、千尋んかえーハクぬ正体んかい心当たりぬねーん。

ぅわーなさりてぃねーんたいぬうやたしきーるたみ油屋っし働ち始みたる千尋やたしが、あれーにんじんやんたみ油屋ぬ者ぬちゃーから疎まれい、強烈な異臭放ちゅる客ぬえーてぃまでぃはにえーじきらりーん。やしがありぬ実直な働きにゆり、客から大量ぬ砂金ぬ店んかいむたらさりーねー、千尋ーむるから一目いしらりーる存在ないん。千尋ーうぬ客からふしじなだーぐ受きとぅいん。

なーちゃ、ハクや湯婆婆ぬ言いちけいにゆり、ありとぅんかとーるたーちゅーぬんーみーぬ銭婆(じんにーば)から、魔女ぬ契約印盗みんじゃすん。やしが、強力な魔力むちゅる銭婆ーハクんかい魔法っし重傷かんだしみー、湯ー婆婆ぬいきがんぐゎやん坊(ぼう)んえんちゅんかいけーてぃしまいん。千尋ーハクんかいふしじなだーぐぬましみてぃたしきーしが、ハクーやふぁらちしまいん。千尋ーハクたしきーぶさる一心っし、危険顧みらじ銭婆ぬとぅくるんかいわびーが行ちゅるくとぅ決意すん。

うぬくる油屋っしぇー、カオナシでぃぬまじむんぬ従業員ぬみくでぃあまとーたん。カオナシー千尋から親切なさったるくとぅがあい、ちんてぃがろーかみむんっし千尋ぬ気ふぃかとぅすしが、ありが興味示さんたみ困惑しー、自身ぬ存在受き入りららりらんたんくとぅっし激怒すん。千尋ーふしじなだーぐカオナシんかいぬましみてぃ従業員吐ちんじゃさしみー、救出すん。はがまおじぃから列車ぬ切符受きとぅったる千尋ー、ぬーんちかたみてぃちゃるえんちゅなたる坊とぅ、千尋ぬ油屋から誘い出ちゃるカオナシ伴てぃ銭婆ぬやーちゅーん。銭婆ー千尋穏やかに受き入れい、千尋や銭婆んかい判子返却しーハクぬ行い謝罪しー、銭婆や千尋んかい旅ぬちりとぅうちゃーち人力っしくだるむらさちぬからじ留みうくいん。

一方、意識とぅいむどぅちゃるハクー、坊ぬ銭婆ぬ元んかいんじょーるくとぅ湯ー婆婆んかい伝いーん。ハクー、坊連り戻するくとぅ条件んかい千尋とぅたいぬうや解放するよう迫い、けーいる手段ぬねーらんたる千尋白るーぬかーぎっしんけーいがいちゅん。ハクー銭婆から許し得てぃ、千尋とぅまじゅん油屋んかいぬ帰路にちちゅん。うぬ途中っし、千尋ーどぅーぬくーさるくるにうてぃたん「川」がハクぬ正体やんくとぅんかい気づちゅん。ハクー、んぶっくぃーがーたーなたる千尋浅瀬んかい運び、たしきーあぎたるぬやたん。千尋ぬかーらぬなめー告ぎたるくとぅっしハクーどぅーぬなめーとぅいむどぅすん。

油屋んかいけーたるハクー、千尋とぅたいぬうや解放するよう湯ー婆婆んかい要求すん。従業員ぬちゃーんなまー千尋ぬ味方やんたみハクんかい賛同すん。味方ぬうぅらんない不機嫌ないる湯ー婆婆ー、油屋ぬ前にあちみたるぅわーぬ中からたいぬうや言い当てぃれーんでぃ難題課すん。千尋ーぅわーぬちゃー真剣に見ーちきーねーくぬ中んかいたいぬうやーうぅらんでぃ正解言い当てぃーん。湯婆婆ぬ目論見ーはんでぃー、契約書が消滅さるくとぅっし千尋や晴りてぃ自由ぬ身とぅない、従業員ぬちゃーんかい祝福されいがちー油屋ぬちゅん。

異しけーとぅにんじん界ぬ境界んかい辿いちちねー、以前ー大河んでぃ化ちょーたる帰り道ぬ大草原んかいむどぅとーたん。見送りんかいちゃるハクー千尋んかい、くぬさちんかえーちゅいっし行ちゅるくとぅ、くぬさちぬ帰り道っしとぅんけーてぃてーならんくとぅ、湯ー婆婆ぬ弟子やみてぃどぅーん元ぬしけーんかいむどぅいるちむりやんくとぅ伝えい、再会やくすくし別りーん。トンネルんじるかーとぅんけーてぃてーならんでぃぬハクぬ言い付きまむい大草原あっち続けいねー、にんじぬんかいむどぅたるたいぬうやぬトンネルぬ前っしぬーぐとぅんねーらんたんがぬぐとぅ待っちょーたん。思わじとぅんけーいがーたーないしが必死にしぬでぃとぅんけーらじ、トンネル抜ぎてぃ元ぬしけーんかいむどぅたる千尋ぬとぅんけーいねー、トンネルー最初んかいちゃるとぅちんでーたがいるかーぎんかい変わい、あれー異しけーぬうび失いん。やしが、銭婆からいーたるむらさちぬからじ留めートンネル抜ぎてぃんキラリとぅ輝ちょーたん。すぬ後、再び車んかいぬいやーうーちー先んかいんかいるとぅくるっしむぬがたえー幕くーいん。

登場ぬ人物[edit | edit source]

荻野 千尋(うぎぬ ちふぃる、大和口:うぎの ちひろ) / 千(しん、大和口:せん)
声 - 柊瑠美
ハク / ニギハヤミコハクヌシ
声 - 入野自由
湯婆婆(ゆばーば)
声 - 夏木マリ
銭婆(ぜにーば)
声 - 夏木マリ
釜爺(はがまおじぃ)
声 - 菅原文太
リン
声 - 玉井夕海