Wp/ryu/令和

令和世 (rīwayū 大和口:令和、令和時代/rēwa, rēwajidai/) や、大和ぬ元号ぬ壱（てぃー）ちやん。

平成世ぬ後（あとぅ）。大化以降248番目ぬ元号。第126代天皇徳仁（今上天皇）が即位さたる2019年（令和元年）5月1日から今（なま）に至いん。

くまをぅーてー大和史ぬ時代区分に置（う）きる令和時代 (rīwajidē) んかいちーてぃん記述すん。

尚（のー）、以下ぬ西暦ぇー、ただし書ちぇねーん場合やむるグレゴリオ暦やん。

概要

令和

2019年（平成31年）4月30日午後5時から、退位礼正殿ぬ儀ぬ皇居宮殿正殿をぅーてぃー行（うく）ならりてぃ、くぬ日（ふぃー）ゆり、皇室典範特例法ぬ規定んかい基（むとぅ）ぢーてぃ、第125代天皇明仁ぬ退位さたん。また、うぬ翌日（なーちゃ）ぬ5月1日んかい皇太子徳仁親王ぬ第126代天皇んかい即位さたん。くぬ皇位ぬ継承受きてぃ、元号法ぬ規定んかい基（むとぅ）ぢーてぃ、元号「平成」から「令和」んかい改みらり、大和ぬ憲政史上初みてぃ、天皇ぬ皇位継承ぬ歴史上202年ぶりとぅないる天皇ぬ生前退位にゆる皇位ぬ継承んかい伴てぃ改元ぬ行ならったん。尚（のー）、皇太子徳仁親王ぬ即位礼正殿ぬ儀や10月22日んかい行（うく）ならりーん。