Wp/ryu/ドラえもん

『ドラえもん』や大和国ぬ漫画ぬふぃとぅちやん。1969年から小学館ぬ雑誌っし連載さったん。大和うぅてー知名度ぬあい、登場キャラクターてぃがろー登場ふぃみち道具んでー、うぬ世界観（しけーか）が一般社会んかいふぃるく浸透そーん。海外やてぃん、あがりアジア、東南アジア中心んかい高さる人気誇いん。

あらすじ

のび太ー十歳ぬ小学生（しょうがくしー）ぬゐきがやまとぅんちゅっし、心（ちむ）ぬちむじゅらさぬ正直やいびーしが、怠惰でぃ不運でぃ体ぬよーさいびーん。あれーしばしば、無愛想っしいじみっくゎぬ剛田武（ジャイアン）んでぃ、裕福でぃ甘やかさったるゐきが童（わらび）ぬスネ夫（ジャイアンぬぐー）んかいみみがらりやびーん。同士（どぅし）っし同級生ぬ源静香とぅにーびちすんでぃぬのび太ぬ唯一ぬ夢（いめ）ー、そーらーさる学生（がくしー）やん出木杉英才ぬ存在にゆってぃ妨ぎらっとーん。

のび太ー、先生（しんしー）とぅうぬたいぬうややん野比玉子とぅ野比のび助から、成績ぬわっさっし常に叱責さりとーいびーん。 うりんかいん、あれー大学んかい入学さんくとぅくくむる失敗んかい陥い続きとーいびーん。ありぬあとぅあとぅぬ家人寿（やーにんじゅ）うっかとぅ貧困んかい陥りーる事業立ち上ぎーん。恋（くい）さる静香とぅにーびちするぬでーなく、ジャンぬ妹（うっとぅ）ぬジャイ子とぅにーびちすん。

のび太がうそーぐゎちうったいもーたいとぅ過ぐちょーとぅ、あったに、まーからとぅむなくありぬ未来告ぎーる声（くぃー）ぬちかりー、机ぬふぃちんじゃしーぬ中からドラえもんとぅ、のび太ぬんまがぬんまがぬセワシぬ現りたん。うんななちかさる未来けーいんでぃ、ドラえもん（マヤー型ロボット）とぅしてぃのび太ぬむとぅんかいそーてぃちゃるぬやたん。

ドラえもんーちゃーきのび太とぅかながなーとぅない、のび太んかいいっぺー肝心（ちむぐくる）ぬあいびーん。のび太がくまとーる時（とぅち）ぇー助（たし）きやびーしが、「ふぃみち道具」が無謀に使（ち）からりーるぬどぅきならんでぃしー、問題悪化さしみやびーん。のび太ー時々（とぅちどぅち）ばっぺーやびーしが、ドラえもんぬ助き借てぃ問題はんし、まくとぅしー、うふぉーくぬ経験学び、うじゅみ静香とぅにーびちするくとぅがなやびーん。

登場人物

詳細や「ドラえもんぬ登場人物一覧」んーちくぃみそーれー。

• ドラえもん
  • 主人公ぬてぃーち。未来ぬしけー（22世紀）ぬ青（おー）さるマヤーぬ形さるロボット（元（むとぅ）からーちーる）ー、うふぉーくぬ「ふぃみち道具」がいっちゃる四次元ぬポケット備えい、のび太ぬなちかさるうんすー回避するようなやびたん。耳（みみ）ぬゑんちゅんかい噛（か）なーさったるたみ、なちかしそうに泣ち、青（おー）くない、タヌキんでぃ思（うむ）らりーるくとぅがうふさたん。ゑんちゅぬうとぅるさくとぅ、どら焼ちがしちやいびーん。
• 野比のび太
  • くぬ作品ぬ主人公ぬてぃーち、ドラえもんぬ世話ぬ対象やん。小学校ぬ5年生とぅしてぃ、学業とぅスポーツぬ水準ーいっぺーふぃくく、先生（しんしー）んかい叱（ぬ）ららりたい、同士（とぅし）んかいみみがらりたいさびーん。源静香がしちやいびーん。ふぃーじーや臆病（しか）でぃ不用（ふゆー）でぃ、時々（とぅちどぅち）いっぺーいじとぅにじでーぬあいびーん。 どぅーぶみーさい、むただいしどぅーぬ悩みむとぅみやびーしが、善うくならんでぃ思（うむ）とーくとぅ他人助（たし）きやびーん。心（ちむ）ぬくまたん、共感的でぃ特性や、物事（むぬぐとぅ）好転しみーるたみぬ鎖（さーし）ぬっ子（くゎ）とぅないるくとぅがゆーあいびーん。 射撃、綾取い、ちゃーき眠（にーぶ）りんかいちちゅしがじょーじやいびーん。
• 源静香
  • のび太ぬ同級生やい同士（どぅし）。うふっちゅぬとぅち、のび太とぅにーびちさん（後（あとぅ）にゐきがん子（ぐゎ）ぬシオンスケ出産さびたん）。ぬちかじり、穏やかな態度っし、平和（ふぃーわ）愛（かな）するくとぅ学ばびら。入浴するぬがいっぺーしちでぃ（ふぃーじーや一日にいくけーぬん）、バイオリンふぃどぅく演奏さびーん（元（むとぅ）から設定さりやびらんやいびたん）。
• 剛田武
  • 激しさんやーそーぶんとぅ強（ちゅー）さるたきふどぅ。歌てぃ料理するぬがしちやいびーしが、歌ーいっぺーみーぐりさいびーんしが、どぅーやわかやびらん。んーみー愛（かな）し、あんまーうじとーいびーん。力んかいぬ欲求満たすんでぃどぅしみみじゅるぬがしちでぃ、とぅちどぅち前にんじやびーん（あんしとぅちどぅち勇敢でぃ正しさる側面示さびーん）。
• 骨川スネ夫
  • チチニぬぐとーるちらとぅ髪型ぬ特徴やいびーん。財産ぬうふくあてぃ家人寿（やーにんじゅ）っし生（ん）まりー、ゆすぐにぬあちねーむんがいっぺーしちやいびーん。ぶみーさい、くざかしさるくとぅさいするぬがしちでぃ、いっぺー自惚りーん。常に剛田武にゆってぃみみがらりやびーん。

「ふぃみち道具」

「ドラえもん」が四次元ポケットから取り出ちゃいするくとぅっし登場すん。

人気ぬあん「ふぃみち道具」

• 『もしもボックス』：「むしか」んでぃ想像するくとぅ、現実なちくぃーる道具やいびーん。くーさるにげーからまぎさる野望までぃ、うりむる叶いてぃむらいーんでぃしーねー、ゆくん欲張りなてぃしまいがーたー。
• 『タイムマシン』：過去にん未来んかいん、ちゃーる時代んかいん行かってぃしまいる夢（いみ）ぬマシンやいびーん。
• 『どこでもドア』：使い方やどぅーやっさん。行ちぶさるばす想象しじょー開きーんがなでぃ、目的地んかい到着なやびーん。
• 『タケコプター』：竹とぅんぶイメージさる外観っし、くーてーんちーこーいりゆーやいびーしが、ちぶるんでーんかい装着するくとぅでぃどぅーやっさぬんかい空とぅぶるくとぅがなやびーん。じちぇー、空ぬ中てーんでぃなく水（みじ）ぬ中やてぃん使用ないるそうやいびーさ。
• 『人生やり直し機』：うぬ名ぬ通り、うびてぃがろー能力保持さるまま、戻（むどぅ）いぶさる年齢んかいむどぅてぃ人生やり直しーる機械やいびーん。
• 『タイムふろしき』：ちちだるむんぬ時間進みたい巻ち戻（むどぅ）ちゃいする風呂敷っし、表面や時間ぬ進行、裏面や時間ぬ巻きむどぅしぬ機能ぬあいびーん。にんじんぬケガ治（の）ーちゃい、古さるむんみーむんなちゃいんでぃ、使い道ぬうふさいびーん。
• 『グルメテーブルかけ』：くりふぃるぎてぃ、噛（か）みぶさるむん注文しーねー、うぬ料理ぬ出現するテーブルクロス。料理ぬ味んいっぺーまーさんでぃぬくとぅ。料金ぬ発生さんぐーとぅーでぃ、くりちょーんあれー一生噛（か）むるぬんかいくまやびらんやー。
• 『ほんやくコンニャク』：くり噛（か）むるくとぅにゆり、えーてぃぬ言葉（くとぅば）ぬ翻訳さりてぃちかりー、どぅーぬくとぅばんえーてぃんかい翻訳さりてぃちかりーるようなやびーん。人間（にんじん）てーんでぃなく、いちむしてぃがろーロボットとぅぬ会話んかいん有用。会話てーんでぃなく文字ん分かいるようなやびーん。
• 『アンキパン』：教科書てぃがろーノートんでー暗記しーぶさるむん転写しかみねー、内容うぬままうびーるくとぅがないる食パンやいびーん。ただし、暗記ないる量ーパンぬ分量とぅ比例するたみ、どぅーぬ噛（か）まりーんがなぬキャパシティーん考慮さんだれーなやびらん。

映画

Template:Main ドラえもん映画作品っしぇー、『ドラえもん』ぬアニメ映画作品あちかいん。

シリーズー1980年に始まい、すぬ後（あとぅ）めーにん1本ぬ映画ぬ公開さりやびたん。 くぬシリーズー、めーにん数百万人ぬ視聴者とぅ数十億円ぬ興行収入維持そーいびーん。2013年ぬ総視聴者数ー公式に1億人くぃー、しけーっし最む売りとーるやまとぅぬアニメーション映画シリーズとぅなとーいびーん。なま、興行収入ぬ最むうふく、視聴者数が最むうふさる2D映画ー2018年ぬ『のび太の宝島』っし、53.7億円、470万人。

外部リンク

• ドラえもんチャンネル - 藤子プロ・小学館が運営する公式ホームページ
• テレビ朝日「ドラえもん」公式サイト
• 「映画ドラえもん」オフィシャルサイト
• 映画ドラえもん 公式サイト
• ドラえもんプラネット