Wp/rwr/राजस्थान

राजस्थान जमीन रे हिसाब ऊं भारत रो हैंगाऊं मोटो राज्य है जिन्नी राजधोनी जैपर है। अठे घणे तरे री भाषा बोली जावे है। राजस्थान में घणाकार जणा खेती रो धन्दो ही करे है। इण राज्य रे गुजरात, मध्यप्रदेश, उत्तरप्रदेश, हरियाणा अर पंजाब राज्यों री सीमा लागे है।

राजस्थान री राजधोनी जैपर है। भौगोलिक विशेषताऊं अगर देखों तो पश्चिम में बहोत मोटा-मोटा धोरा (मरुस्थल) है। अठे अरावली नों री पर्वतमाला भी है।

इतिहास

पेहली री बातों रे अनुसार राजस्थान में क्षत्रिय राजपूत राजाओं रो शासन हुतो। जिणमें मेवाड़, जाळोर मुख्य हुता, केवे है कि राजपूत री अळग-अळग जातियों ने इण राज्य रे अळग-अळग जग्गा माथे खुद रो कब्जो कर दियो थो, पछे उन जगाओं रा नों भी बदळ दिया था। ऐ-ऐ राज्य हुता- उदेपुर, डूंगरपुर, बांसवाड़ा, प्रतापगढ़, जोधपर, बीकानेर, किशनगढ़, (जाळोर) सिरोही, कोटा, बूंदी, जैपर, अलवर, करौली, झालावाड़ और टोंक। अंग्रेजों रे जमाने में राजस्थान ने 'राजपुताणा' रे नाम सूं जाणता पर पछे नों बदल दियो थो।