Wp/rwr/चन्द्रगुप्त मौर्य

चन्द्रगुप्त मौर्य (जन्म ३४५ ई॰पु॰, राज ३२२-२९८ ई॰पु॰) भारत रा एक सम्राट हा। वै मौर्य साम्राज्य री स्थापना करया। मौर्य भारत रा निरा हिस्सावां ने पहली बार एक साम्राज्य में भेळा कर पाया।

सम्राट चंद्रगुप्त मौर्य रे राज्यारोहण री तिथि साधारणतया ३२२ ई.पू. निर्धारित करे, ने करीबन २४ बरस राज करया।

मेगस्थनीज चार बरस तक मौर्य सभा में राजदूत रे रूप में बैठिया हा। यूनानी ने लैटिन लेखां में चन्द्रगुप्त मौर्य ने क्रमशः सैंड्रोकोट्स ने एंडोकॉटस रे नाम ऊं जाणे।

चन्द्रगुप्त मौर्य प्राचीन भारत रे इतिहास रा एक निरा महत्व वाळा राजा हा। वैणा गुरु चाणक्य रे साते मिलने नवो साम्राज्य बणाया, राज्यचक्र रा सिद्धांत ने लागू करया, मोटी सेना रो निरमाण करया, ने खुद्रे नवा साम्राज्य री सीमावां ने बढ़ाया।

चन्द्रगुप्त मौर्य रे वंशज रे बारे में घणी जानकारी कोनि। जैन परिसिष्टपर्वन्‌ में लिखयोड़ो है कि वै मयूरपोषकों रे एक गाँव रे मुखिया ऊं सम्बन्ध हौ, पण मध्यकालीन अभिलेखां में लिखयोड़ो है कि वै सूर्यवंशी हा, ने बौद्ध साहित्य में लिखयोड़ो है कि वै क्षत्रिय हा। ग्रीक इतिहासकार जस्टिन रे अनुसार मौर्य साधारणजन्मा हा।

सिकंदर रे आक्रमण रे समय उत्तर भारत रो निरो हिस्सो धनानंद रे राज में हौ। पण धनानंद रे क्रुरता ने निरंकुशता रे कारण जनता वैणे साते सुखि कोनि ही। व्याप्त जणा री मदद रे साते चाणक्य ने चन्द्रगुप्त मौर्य नंद वंश रो खातमो करणी संकलप लीव्या।

हैंगाउ पैली वै पंजाब में यवन ने हटावण में लागा। सिकंदर रे मरणे थोड़ाइज समय पछे स्वतंत्र रो युद्ध चालू कर चुका हा।