Wp/rsk/Хор бечских хлапцох
Хор бечских хлапцох
Хор бечских хлапцох (нєм. Wiener Sängerknaben) то хор составени зоз гласох сопранох и алтох, зоз шедзиском у Бечу у Австриї. То єден зоз найпознатших дзецинских хорох на швеце. Дзеци углавним зоз Австриї, алє и зоз других державох.
Составени є зоз 100 членох помедзи 10 и 14 роки старосци. Хлапци подзелєни на штири хорски ґрупи. Кажда ґрупа достала мено спрам познатих австрийских композиторох: Брукнер, Гайдн, Моцарт и Шуберт. Тоти хорски ґрупи рочно виводза коло 300 концерти пред скоро 500.000 людзох. Кажда їх турнея тирва помедзи дзевец и єденац тижнї.[1]
История[edit | edit source]
Хор сучасни нашлїднїк хорох хлапцох бечского двора, хтори датую з конца штреднього вику. Хор, пре практични причини, основани зоз декретом цара Максимилияна I Габзбуршкого, 30. юния 1498. року у хторим розказує дворским службенїком, же би анґажовали учителя шпиваня, два баси и шейсцох хлапцох. Юрий Слатконя так постал руководитель ансамбла. Улога хора була же би ше обезпечело музичне провадзенє церковних мисох. Браца Йозеф Гайдн и Михаел Гайдн були члени хору Катедрали Святого Стефана. У тим чаше з хором руководзел Георґ Рутер II а хасновал го и за свойо обовязки на царским дворе хтори теди у хору нє мал хлапцох.
През велї вики, зоз хором робели познати композиторе, уключуюци Гайнрика Исака, Паула Гофгаймера, Йогана Фукса, Антония Калдеру, Кристофа Вилибалда Ґлука, Антония Салиєрия, Волфґанґа Амадеуса Моцарта, Франца Шуберта и Антона Брукнера.
.JPG)
Року 1920. после паду австрийского царства, Гофкапел (дворски оркестер) розформировани. Медзитим церковни пастор (протестански священїк), Йозеф Шмит, ше намагал же би ше традиция предлужела. Хор бечских хлапцох урядово основани 1924. року и теди то постала професийна музична ґрупа. Хор прилапел познате белаво-биле морнарске облєчиво, хторе заменєло царску воєну униформу кадетох.
Року 1961. Волт Дизни знял филм Ангели шпиваю, фиктивну драму о Хору бечских хлапцох у хторим вони и ґлумя. Филм зняти у Палати Ауґарден. Пре кинематоґрафски причини Дизни прешвечел австрийску владу же би дошлєбодзела хлапцом ношиц австрийски национални герб на першох своєй униформи. Тота традиция предлужена по нєшкaйши днї.
Джералд Вирт 2001. року постал уметнїцки директор хору. Од теди, хор ше стретал зоз критиками своїх музичних стандардох и зоз прициском модернизациї цо приведло до розтаргнуца зоз бечску державну оперу. Хор по першираз мушел поглєдац нових членох початнїкох, после того кед Йоан Голендер, управнїк опери основал ривалску хорску школу. Поносовал ше на пад стандарду и слабу комуникацию зоз хором. Вон гварел же державна опера обучовала хлапцох за одредзени улоги у представох, а на дзень виводзеня дознавали же су нєдоступни прето же одпутовали на турнею зоз хором. Подаєдних хлапцох ривалски хор баржей прицаговал пре опущеншу атмосферу, як и пре плаценє надополнєня за представи.[2] Пре таки обставини, Хор бечских хлапцох ше намагал вименїц свой имидж, та до своїх сценских наступох уключує поп музику, меняю традицийну морнарску униформу зоз 1920. року а тиж и танцую док шпиваю.[3]
Дискоґрафия[edit | edit source]
Крачунска музика[edit | edit source]
(ориґинални наслови)
- Frohe Weihnachten (2015)
- Wiener Sängerknaben Goes Christmas (2003)
- Frohe Weihnacht (Merry Christmas) (1999)
- Christmas in Vienna / Heiligste Nacht (1990)
- Merry Christmas from the Vienna Choir Boys (1982)
- Christmas with the Vienna Choir Boys (with Hermann Prey)
- Christmas with the Vienna Boys' Choir, London Symphony Orchestra (1990)
- Weihnacht mit den Wiener Sängerknaben (Hans Gillesberger 1980)
- The Little Drummer Boy (TV 1968)
- Die Wiener Sängerknaben und ihre Schönsten ... (1967)
- Frohe Weihnacht (1960)
- Christmas Angels (RCA Gold Seal)
- Silent Night
Поп музика[edit | edit source]
- I Am from Austria (2006)
- Wiener Sängerknaben Goes Pop (2002)
Други знїмки[edit | edit source]
- Orff: Carmina Burana (with André Previn and the Vienna Philharmonic Orchestra) (1994)
- Silk Road: Songs Along the Road and Time (Music from the Motion Picture) (with Yulduz Usmanova and Nursultan Saroy) (2008)
Вонкашня вяза[edit | edit source]
Референци [edit | edit source]
- ↑ Loof, Susanna (2002-12-08) [ https://news.google.com/newspapers?nid=1310&dat=20021208&id=jnkVAAAAIBAJ&sjid=0usDAAAAIBAJ&pg=5160,2119072] The_Register-Guard
- ↑ Chapman, Clare (2003-03-02) [ https://www.telegraph.co.uk/news/worldnews/europe/austria/1423519/TheVienna-Boys-Choir-seeks-new-recruits-for-the-first-time.html] The_Daily_Telegraph
- ↑ Leidig, Michael (2004-07-04) [ https://en.wikipedia.org/wiki/Vienna_Boys%27_Choir]