Wp/rsk/Стара хижа у Руским Керестуре
Стара хижа у Руским Керестуре
Стара хижа у Руским Керестуре[edit | edit source] | |
|---|---|
| |
| Общи информациї | |
| Место | Руски Керестур |
| Општина | Кула |
| Держава | Сербия |
| Час наставаня | Друга половка 18. вику |
| Тип културного добра | Памятнїк култури од
велькей значносци |
| Компетентна установа
за защиту |
Покраїнски завод за защиту
памятнїкох култури www.pzzzsk.rs |
Стара хижа у Руским Керестуре, населєним месце на териториї општини Кула, збудована на початку другей половки 18. вику, нєодлуга по приселєню Руснацох до того валалу. Хижа представя нєрухоме културне добро як памятнїк од велькей значносци.
Випатрунок хижи[edit | edit source]
Хижа збудована од набиваней жеми, ма кров на три води хтори закрити зоз надом зоз наглашено длугшу стреху на боку хижи дзе двор. То такволана шлєпа хижа, зоз узшу чолну часцу вона патри до двора, до слунка, а задок хижи, без облакох, патри на улїчку, з чим вона упутює на факт же настала скорей як формовани улїчки у населєню.
Єй просторна структура штиродїлна: госцинска або "чиста" хижа, кухня зоз отвореним комином, задня хижа дзе ше бивало и комора за хтору мож предпоставиц, на основу типского проєкта за приселєнцох, же то першобутно бул хлїв. Явянє хлїва як окремней просториї у рамикох хижи указує на нєсиґурносц часу у хторим настала тота, у основи розвита, ровнїнска хижа Войводини з периоду колонизациї. Як вредни приклад народного будовательства тота хижа представя свидоцтво о часу кед ше присельовали Руснаци 1751. року та надалєй, як и о вибудови самого валала.
Хижа од 1965. року под защиту держави.
Санация и реставрация[edit | edit source]
Санацийни и конзерваторско-реставраторски роботи на нєй окончени 1995. року з нагоди 250-рочниїци приселєня Руснацох. Тот обєкт култури ознова темельно реставровани 2018. року кед положени нови падлаш, нови кров зоз наду, позамасцана и омалтерована нукашньосц и жем долу, и шицко обилєне. Положени и нови дзвери и нукашнї и вонкашнї и облаки, а тиж и звонка хижа обилєна на било. З вонкашнього боку од улїци и од сушеда направени нови мурик з валькох.
Опатриц ище[edit | edit source]
Список нєрухомих културних доброх од велькей значносци у Войводини
Списак памятнїкох култури у Заходнобачким округу
Вонкашнї вязи[edit | edit source]
Зачувац памятнїк на приселєнє - Рутенпрес, 11. август 2017.
Потребни стародавни предмети - Руске слово, рок LXXIV число 40. (3805), Нови Сад, 5. октобер 2018, бок 9.
До найстаршей хижи будзе требац стари предмети - Рутенпрес, 6. октобер 2018