Wp/rsk/Снупи

Снупи
Снупийов музей у Токию
Основни информациї
Роки	1950-2006
Податки о подоби
Файта	пес
Род	хлопски
Податки о креациї
Здумал	Чарлс М. Шулц

Снупи (анґл. Snoopy) то подоба пса зоз стрипу Чарли Браун и Снупи шоу. Обдумал го Чарлс М. Шулц (анґл. Charles M. Schulz). Жридлова идея за Снупия бул Спайк, Шулцов пес зоз дзецинства. После успиха стрипа, зявели ше и рисовани епизоди (1965-2006) у хторих Снупийови глас пожичел Бил Мелендез.

Подоба

Снупи ше перши раз зявел у стрипу 4. октобра 1950. року. Мено му описане и обявене 10. новембра истого року. Першираз ше випросцени зявел 9. януара 1956. року у епизоди дзе ше корчолял на залядзеним озеру. Йому Шулц сцел дац мено „Снифиˮ, алє ше предумал. На самим початку Снупи нє припадал Чарлийови Браунови. Снупи ма и домашнього любимца, птичку Вудсток хтора жовтей фарби.

Снупийова фамелия

• Спайк – Снупийов старши брат хторому Снупи барз вери.
• Олаф – Снупийов младши брат. Вон елеґантно пополнєти.
• Енди – тиж Снупийов брат. Йому Снупи баш и нє вери.
• Марблс – Снупийов младши брат. Досц є нєзвичайни.
• Бела – Снупийова младша шестра. Барз є шумна и розуми ше до моди.
• Ровер – Снупийов брат.
• Моли – Снупийова шестра.
• Бакстер – Снупийов оцец.
• Миси – Снупийова мац.

Снупийова хижка за пси

Його хижка вельо векша од нука як цо випатра звонка. Хижка ма ґарадичи и долу ше находзи телевизор, клима, столни тенис, билияр, библиотека, итд. Хижку вибудовал Чарли Браун, Снупийов власнїк.

Жридла

1. Schulz, Charles M.: Around the world in 50 years: Charlie Brown's anniversary celebration. Andrews McMeel Publishing. 1994. ISBN 978-0-8362-1766-7. бок 11.
2. Schultz, Charles M.: Celebrating Peanuts: 60 Years. Andrew McMeel Publishing. 2009. ISBN 978-0-7407-8548-1. бок 4.