Wp/rsk/Орґона
| Орґона | |
|---|---|
.jpg) | |
| Наукова класификация | |
| Царство: | Plantae |
| Кладус: | Tracheophytes |
| Кладус: | Angiospermae |
| Кладус: | Eudicotidae |
| Кладус: | Asterids |
| Шор: | Lamiales |
| Фамелия: | Oleaceae |
| Подплеме: | Ligustrinae |
| Род: | Syringa Mill. |
| Файти | |
| ~20 | |
Орґона (лат. Syringa) то род коло 20 файти квитнїчки рошлїни хтори припадаю фамелиї маслинох (Oleaceae). Файта Syringa vulgaris найчисленши представнїк того роду[1]. Природни ареал розпрестартосци того роду то часци юговосточней Европи и Малей Азиї. Квитнє од априла по май.
Опис[edit | edit source]
Оргона то древко, висини до 10 метери, черякасте и припада лїсцопадней групи. Стебла им груби 30 центиметери у пречнїку. Лупа младнїкох меня випатрунок, структуру и фарбу док дозреваю, од желєнкастей и гладкей до цмейших ниянсох и з лупками. Пупча овални и маю шпиц на верху. Лїсца углавним шерцасти[2]. Лїсца без мохоткох, без зубчкох з шпицастим верхом и змесцени су на кратких конарчкох. Лїцо лїсца цмейшей желєней фарби у одношеню зоз спаком. Квети ше звичайно зявюю вяри, а кажди квет велькосци од 5 до 10 милиметери. Квитки нє поєдинєчни, алє су груповани до вельких ґириздових квиткох, длужини коло 20 центиметери. Погарикових лїсточкох єст 4 и вони зроснути, нєровней поверхносци, зоз 4 зубками розличней велькосци. Число венчикових лїсцочкох 4 и вони зросли и маю исте число нєєднаких зубкох як и погариково. Звичайна фарба венчикових лїсточкох лилова, алє ше тиж зявюю и целово, били и жовти, алє аж и вишньовей фарби, з интензивним пахом. Число прашнїкох 2. Плод му главка з шпицом на верху и отвера ше по длужини на два часци.
Бивальнїк[edit | edit source]
Тота файта часта на отворених бивальнїкох и ясних лєсох. Як декоративна рошлїна нєридко ше пестує у дворох и паркох.
Розшеванє и розмножованє[edit | edit source]
Розшева ше ентомофилно, з инсектами, док ше розмножує з нашеньом лєбо на веґетативних часцох рошлїни
Хаснованє[edit | edit source]
Пре свой красни випатрунок и пах квитка, орґона ше садзи у паркох по цалей Европи и Сиверней Америки. Зоз древа орґони ше можу правиц музични инструменти, алє є и барз нєзґодне бо кед ше почнє сушиц такой ше почнє кривиц и розпасмовйовац.
Вонкашнї вязи[edit | edit source]
Орґона на Викиодлоги
Референци[edit | edit source]
- ↑ „Jorgovan (Syringa vulgaris)”. Plantea (на језику: хрватски).
- ↑ „Безбрижни уз јоргован”. Лепа и срећна.