Wp/rsk/Микола Д. Олеяр


Микола Д. Олеяр

Народзени	21. фебруара 1910.
Умар	януар 1944. (34)
Державянство	австроугорске, югославянске
Язик творох	руски
Школа	Ґимназия, Вербас
Универзитет	Превни факултет, Беоґрад
Период твореня	1931—1942.
Жанри	право, публицистика
Поховани	умар у Жаблю

Микола Д. Олеяр (*21. фебруар 1910—†януар 1944), правнїк, публицист и културни дїяч русийскей националней ориєнтациї медзи войводянскима Руснацами.

Биоґрафия

Микола Д. Олеяр (Николай Д. Олеяров) ше народзел 21. фебруара 1910. року у Барбитону, Огайо, у Зєдинєних Америцких Державох. Ґимназию закончел у Вербаше (1923-1931) а студиї на Правним факултету Беоґрадского универзитета (1931-1935).

Ище док студирал заинтересовал ше за социялистични рух у Русиї и критиковал улогу хтору бавели грекокатолїцки священїки, окреме гевти українскей ориєнтациї, у културним живоце Руснацох. Таки попатрунки го наведли же би ше уключел до руху хтори основал русофилски и секуларно ориєнтовани Културно-просвитни (национални) союз югославянских Русинох Заря.

По законченю студийох (1935) Олеяр почал робиц як правнїк у Новим Садзе, алє остал активни у Союзу як редактор (1936-1937) його новинох хтори пременовал на Русска заря. Микола Д. Олеяр бул прешвечени же Руснаци у Войводини, як и Русини у карпатскей дїдовщини, премали же би ше розвили до плодней националносци. Таке становиско могло випатрац и звишне понеже вон верел же Русини, без огляду дзе жию, конар русийскей националносци. Тоти попатрунки були зарисовани у даскелїх статьох хтори обявел у рускей преси, як и у общей историї русийского/общеруского народу (История русского народа, 1934), у хторей дал опис карпатскей и войводянскей русинскей историї, як додаток ґу предреволуцийней историї русийского царства.

И попри тим же Микола Д. Олеяр бул прихильни ґу социялизму а критични спрам капитализма и роснуца фашистичних режимох у Европи, вон ше нє складал зоз политику КПЮ. Кед Мадярска реанектовала Войводину, грожене му зоз гарештованьом, нєпостредно пред його шмерцу.

Микола Д. Олеяр умар у януаре 1942. року у Жаблю (Мадярска, Югославия).

Литература

Јулијан Тамаш: Русинска књижевност, Матица српска, Нови Сад, 1984. стр. 82

Николай Д. Олеяров: Исторiя русского народа, КПСЮР, Редакция Русскей зарї, Нови Сад, 1934.

Дюра Латяк: Руске слово 1945-1985, НВРО Руске слово, Нови Сад, 1985, б. 23

Вонкашнї вязи

Репринт кнїжочки Исторiя русского народа, автор репринта и уводного слова Юлиян Колєсар, Монтреал, Канада