Wp/rsk/Мерни єдинки

Мерни єдинки

Мерни єдинки медзинародно прилапени велькосци за меранє з хторима ше окончує поровнованє даєдней физичней велькосци зоз мерним стандардом. У векшини жемох швета ше хаснує СИ метрични систем мерних єдинкох ( интернавионални систем, назва походзи од французкей назви Système international ). Друга система, хтора ше хаснує у ЗАД то анґлосаксонски систем мерох.

На приклад, длужина то физична велькосц. Метер то єдинка за длужину хтора представя напредок одредзену длужину. Кед ше пове 10 метери (або 10м) дума ше на длужину хтора 10 раз векша од дефинованей длужини такволаней метер. Меранє то поступок утвердзованя яка велька або мала физична велькосц у одношеню на основне референтне количество истей файти.

Метролоґия то наука хтора розвива национални и медзинародно прилапени мерни єдинки. У физики и метролоґиї, єдинки стандарди за меранє физичних велькосцох хторим потребни ясни дефинициї. Наука, медицина и инженєрство часто хасную векши и менши мерни єдинки од тих цо ше хасную у каждодньовим живоце.

Основни єдинки СИ системи

Медзинародна система мерних єдинкох ше состої од основних єдинкох хтори ше можу хасновац вєдно зоз одвитуюцима префиксами. Постоя седем основни єдинки хтори представяю розлични физични велькосци. Зоз тих основних єдинкох ше доставаю виведзени єдинки.

Основни СИ єдинки

Назва	Символ	Количество
метер	m	длужина
килоґрам	kg	маса
секунда	s	час
ампер	A	електрична струя
келвин	K	температура
кандела	cd	интензитет ошвиценя
Мол (єдинка)	mol	количество субстанциї

Префикс ше додава кед же хаснує векше або менше количество од ориґиналней велькосци. Одредзени су так же кажди шлїдуюци за 10 раз векши од претходного.

СИ префикси

1000m	10n	Префикс	Символ	Од[1]
10008	1024	йота	Y	1991
10007	1021	зета	Z	1991
10006	1018	екса	E	1975
10005	1015	пета	P	1975
10004	1012	тера	T	1960
10003	109	ґиґа	G	1960
10002	106	меґа	M	1960
10001	103	кило	k	1795
1000(2/3)	102	гекто	h	1795
1000(1/3)	101	дека	da	1795
10000	100	нєт	нєт	-
1000−(1/3)	10−1	деци	d	1795
1000−(2/3)	10−2	центи	c	1795
1000−1	10−3	мили	m	1795
1000−2	10−6	микро	µ	1960
1000−3	10−9	нано	n	1960
1000−4	10−12	пико	p	1960
1000−5	10−15	фемто	f	1964
1000−6	10−18	ато	a	1964
1000−7	10−21	зепто	z	1991
1000−8	10−24	йокто	y	1991
Метрични систем уведзени 1795. ориґинално зоз 6 префиксами.