Wp/rsk/Лувр

Музей Лувр Musée du Louvre
Музей Лувр
Основани	1793.
Локация	Париз, Французка
Координати	48.860395° С; 2.337599° В
Колекция	рижни уметнїцки дїла
Число предметох	35.000 виложене 445.000 вкупно
Нащивителє	8,3 милиона (2007) 8,5 милиона (2008) 8,5 милиона (2009) 10,2 милиона (2018)
Директор	Лоранс де Кар
Кустос	Marie-Laure Rochebrune
Адреса	Улїца Риволи 99, 75001 Париз
Веб-сайт	www.louvre.fr

Лувр (фр. Musée du Louvre) єден од найвекших и найпознатших и музейох на швеце. Находзи ше на правим побрежю рики Сени у Паризу, у першим арондисману. У музею виложене скоро 35.000 предмети, од праисториї по 19. вик. Константна постановка виложена на поверхносци од 60.600 m². Вкупне число предметох хтори припадаю музею 380.000. Лувр найнащивенши музей на швеце, хторого през роботни днї просеково нащиви 15.000 туристох дньово, од чого 65% страни туристи.

Музей Лувр ше находзи у палати Лувр (Palais du Louvre) хтора започата зоз будованьом твердинї у позним 12. вику под час панованя Филипа II. Остатки твердинї обачлїви у пиньвици музея. Тот будинок вецей раз преширйовани и так ше формовала палата Лувр хтора була хаснована як француски двор. Палата Лувр ма 3 кридла: Ришелє, Виши и Денон.

Року 1682. Луй XIV вибрал дворец у Версаю як свою резиденцию, та Лувр остал место дзе була виложена кральовска колекция уметнїцких предметох. Од 1692. ту була змесцена збирка античних скулптурох. Истого року у Лувру почала робиц Кральовска академия малярства и скулптурства (Académie Royale de Peinture et de Sculpture). На преширйованю Лувра робели вельо значни архитектове (Леско, Ди Серсо, Лемерсє, Ле Во, Перо, Висконти, Ґужон и др). Под час французкей револуциї Национална скупштина Францускей 1791. року одредзела най палата Лувр будзе музей у хторим ше буду викладац национални ремек-дїла.

Музей отворени 10. авґуста 1793. року кед виложени 537 малюнки, од хторих векшина припадала конфискованому кральовскому и церковному маєтку. Пре стурктурни пробелеми будинку Лувр бул заварти од 1796. по 1801. Кед Наполеон пановал колекциї були звекшани, та музей наволани по нїм (Musée Napoléon). После Наполеоново пораженя при Ватерлоу велї украднути дїла були врацени предходним власнїком. Колекция збогацена под час панованя Луя XVIII и Шарла X, док под час Другого французкого царства музей достал 20.000 нови експонати. После того ше збирки константно збогацовали зоз донациями и даркунками. Од 2008. року колекциї подзелєни на 8 кустоски оддзелєня: єгипетски старини, блїзковосточни старини, гречески, етрурски и римски старини, исламска уметносц, скулптури, декоративни уметносци, малярство, ґрафики и рисунки.

Музей

Панорамски попатрунок на Лувр 1908.

Тот музей ма єдну од найбогатших уметнїцких збиркох на швеце. У нїм ше находза вецей як 38.000 уметнїцки дїла виложени на 72.735 m², а преценює ше же би нащивительом требало коло пейц тижнї же би на одвитуюци способ шицко опатрели. Вецей як 8 милиони нащивительох, Лувр найнащивенши музей на швеце.

У музею єст нєприкосновена и найобсяжнєйша збирка єгипетскей и античней уметносци уключуюци греческу, етрурску, римску, исламску и ориєнталну уметносц. У нїм ше находзи и збирка уметнїцких предметох и стилских стварох зоз обисца, як и нєпреценїва ґалерия малюнкох шицких европских народох и уметнїцких часох по конєц 19. вику. Найпознатше уметнїцке дїло хторе виложене у Лувру то Да Винчийов малюнок Мона Лиза.

Хронолоґийна ґалерия вибраних дїлох

• 
  Писар из Сакари, Треца династия старого Єгипту
• 
  Гамурабийов законїк
• 
  Вавилонски лєв
• 
  Ника зоз Самотраки
• 
  Милоска Венера, коло 130-100. п. н. е.
• 
  Ян ван Айк, Мадона канцелара Ролина, коло 1435.
• 
  Леонардо да Винчи, Мона Лиза
• 
  Ганс Голбайн Младши, Еразмо Ротердамски
• 
  Дюзепе Арчимболдо, Яр, коло 1573.
• 
  Пророкованє (Каравадьо), коло 1598.
• 
  Петер Паул Рубенс, Корунованє Мариї де Медичи
• 
  Рембрандт, Двойни портрети Мартена Солманси и Опєн Копит, коло 1634.
• 
  Жорж де ла Тур, Маґдалена покаятелька, коло 1643.
• 
  Рембрандт, Автопортрет
• 
  Антонис ван Дайк, Чарлс I Ст'юарт
• 
  Жак-Луй Давид, Горацийова пришага
• 
  Антонио Канова, Амор и Психа
• 
  Жан Оґист Доминик Енґр, Велька Одалиска, 1814.
• 
  Ежен Делакроа, Шлєбода водзи народ, 1830.

Референци

1. „Louvre's 8.3 Million Visitors Make It No. 1 Museum Worldwide - Bloomberg”
2. „Exhibition and museum attendance figures 2009”
3. „10,2 millions de visiteurs au Louvre en 2018”. Louvre.fr (на язику: французки).
4. „Œuvres”. Musée du Louvre.
5. „Louvre Museum”. Inexhibit.
6. „Louvre Website- Chateau to Museum, 1672 and 1692”. Louvre.fr.
7. „Louvre Website- Chateau to Museum 1692”. Louvre.fr.

Литература

• Alderson, William T.; Alexander, Edward (1996). Museums in motion: an introduction to the history and functions of museums. Walnut Creek, Calif: Published in cooperation with the American Association for State and Local History [by] AltaMira Press. ISBN 978-0-7619-9155-7. OCLC 33983419.
• Ahlund, Mikael (2000). Islamic art collections: an international survey. Richmond, Surrey, England: Curzon. ISBN 978-0-7007-1153-6. OCLC 237132457.
• Bierman, Irene A (2003). Napoleon in Egypt. Ithaca Press. ISBN 978-0-86372-299-8.
• Bowkett, Stephen; Porter, Tom (2004). Archispeak: an illustrated guide to architectural terms. London: Spon Press. ISBN 978-0-415-30011-7. OCLC 123339639.
• Carbonell, Bettina (2004). Museum Studies: An Anthology of Contexts. Blackwell Pub. ISBN 978-0-631-22825-7. OCLC 52358814.
• Edwards, Henry Sutherland (1893). Old and New Paris: Its History, Its People, and Its Places. Paris: Cassell and Co.
• Hannan, Bill and Lorna (2004). Art for Travellers: France. Northampton, Massachusetts: Interlink Books. ISBN 978-1-56656-509-7. OCLC 51336501.
• Lasko, Peter (1995). Ars Sacra, 800–1200. Yale University Press. ISBN 978-0-300-06048-5. OCLC 231858991.
• McClellan, Andrew (1999). Inventing the Louvre: Art, Politics, and the Origins of the Modern Museum... Berkeley: University of California Press. ISBN 978-0-520-22176-5. OCLC 40830142.
• Mignot, Claude (1999). The Pocket Louvre: A Visitor's Guide to 500 Works. New York: Abbeville Press. ISBN 978-0-7892-0578-0. OCLC 40762767.
• Mroue, Haas (2003). Frommer's Paris from $90 a Day. Frommer's. ISBN 978-0-7645-5806-1. OCLC 229256386.
• Miltoun, Francis (1910). Royal Palaces and Parks of France. L.C. Page & Co.
• Lunn, Martin (2004). Da Vinci code Decoded. New York: Disinformation. ISBN 978-0-9729529-7-2. OCLC 224340425.
• Nave, Alain (1998). Treasures of the Louvre. Barnes & Noble Publishing. ISBN 978-0-7607-1067-8. OCLC 40334510.
• Nora, Pierre; Kritzman, Lawrence D. (1996). Realms of Memory. New York: Columbia University Press. ISBN 978-0-231-10926-0. OCLC 234041248.
• Oliver, Bette Wyn (2007). From Royal to National: The Louvre Museum and the Bibliothèque Nationale. Lexington Books. ISBN 978-0-7391-1861-0. OCLC 70883061.
• Popkin, Jeremy D (2015). A Short History of the French Revolution, 6th ed. Yale University Press. ISBN 978-0-205-96845-9.
• Rickman, Gregg (1999). Swiss Banks and Jewish Souls. Transaction Publishers. ISBN 978-1-56000-426-4. OCLC 40698624.
• Rogers, Elizabeth A. (2001). Landscape design: a cultural and architectural history. New York: Harry N. Abrams. ISBN 978-0-8109-4253-0. OCLC 186087857.
• Strathern, Paul (2009). Napoleon in Egypt. Bantam. ISBN 978-0553385243. OCLC 299706472.
• Sturdy, David (1995). Science and social status: the members of the Académie des sciences 1666–1750. Woodbridge, Suffolk, U.K.: Boydell Press. ISBN 978-0-85115-395-7. OCLC 185477008.

Вонкашнї вязи

• Лувров веб-сайт (язик: французки)
• Лувров веб-сайт (язик: анґлийски)
• История Лувра
• Слика централней пирамиди
• Вецей як 10.000 слики