Wp/rsk/Ириней Тимко
| Ириней Тимко | |
|---|---|
| Народзени | 22. януара 1913. |
| Умар | 8. септембра 1986. (73) |
| Державянство | мадярске, югославянске |
| Язик творох | руски, українски |
| Школа | Ґимназия у Травнику, БиГ |
| Универзитет | Филозофия и теолоґия, Рим |
| Период твореня | 1938—1947, 1958—1986. |
| Жанри | компонованє, дириґованє, хороводство |
| Поховани | у Новим Садзе |
Ириней Тимко (*22. януар 1913—†8. септембер 1986), познати аранжер, хорски дириґент и композитор.
Биоґрафия
Ириней Тимко ше народзел 22. януара 1913. року у Коцуре. Оцец Иван (Янко), мац Мария, дзивоцке презвиско Шандор. Треци є по шоре од штирох братох и шицки штирме були священїки. Основну школу закончел у Коцуре, а ґимназию у Травнику. Филозофию и теолоґию Ириней Тимко закончел у Риме. Уж под час школованя пришол до вираженя його музични талант, та уж як богослов дириґовал зоз вельким хором українского колеґия у Риме.
Душпастирска и просвитна робота
За священїка Ириней Тимко бул пошвецени у Коцуре 2. юния 1938. року, нє оженєти. Пошвецел го крижевски владика др Дионизий Няради. После рукоположеня перше бул капелан у Прняворе (Босна), од 8. юния 1938. а вец од 10. октобра истого року бул капелан у Руским Керестуре. Ту попри священїцкей длужносци Ириней Тимко водзел и керестурски мишани хор перше при РНПД (по 6. април 1941. року), а вец при ОГМ (Орґанизациї грекокатолїцкой молодежи) (по 1944. рок). Єден час (1942-1944) и режирал театрални фалати керестурским дилетантом, преважно зоз шпиваньом, а водзел и дописовательство ужгородских новинох Неділя, у котрих єден бок бул друковани на язику бачванских Руснацох.
Роки стаґнациї
По законченю Другей шветовей войни наступел траґични период у живоце Иринея Тимка. Пре отворене нєскладанє зоз большевицку идеолоґию, тедишня локална власц го придала на суд и бул 1947. року осудзени на 12 роки гарешту (познєйше му зменшане на 10 роки), котри одшедзел у Сримскей Митровици. После виходу з гарешту вецей як єден рок бул у Крижевцох, у канцелариї владичества. И там основал и водзел мишани хор. Там видал и зборнїк церковних композицийох за мишани хор, а вец од найвисших церковних власцох у Риме достал розришенє од священства. Ириней Тимко ше врацел до Нового Саду, оженєл ше зоз Амалию Еделински зоз котру у малженстве виховал тройо дзеци. Тото му помогло зачувац людску присебносц, особне достоїнство и животни оптимизем.
Замерковани хороводитель и дириґент
Як над’звичайно образовани чловек, ерудит, Ириней Тимко цали свой творчи потенциял и роботну енерґию пошвецел виключно музики. Спочатку (1958) робел як инспициєнт Опери Сербского народного театра у Новим Садзе, алє ше и активно уключел до тедишнього новосадского КУД Максим Горки, дзе такой основал и мишани хор зоз котрим руководзел по конєц свойого живота. Дзекуюци йому, период 1964-1984 представя „златни период“ хорского шпиваня Русинох у Новим Садзе, алє и у Руским Керестуре и у Баня Луки, и там дириґовал Ириней Тимко.
Редактор у Радио Новим Садзе
Од 1969. року Ириней Тимко преходзи на длужносц редактора рускей народней музики у Радио Новим Садзе, дзе його творчи потенцияли ище баржей пришли до вираженя. Ту вон розписує аранжмани за нашо народни писнї, дириґує зоз тамбуровим и народним оркестром под час знїманя наших писньох на маґнетофонску пантлїку и пише замерковани етномузиколоґийни тексти до руских музичних емисийох.
Ириней Тимко бул нєзаменлїви у креированю репертоара новостворених композицийох и текстох, виведзених на Фестивалу Червена ружа, як музични фаховец.
Його дїялносц як композитора ище вше до конца нє спатрена и нє оценєна, и ище вше чека музичного фаховца котри би ше заинтересовал за тоту обласц дїялносци Иринея Тимка.
По своїх опредзелєньох Ириней Тимко бул цалого животa активист проукраїнскей ориєнтациї медзи войводянскима Руснацами.
Ириней Тимко умар 8. септембра 1986. року у Новим Садзе, а поховани є на Новим теметове.
Композициї
Червена ружа
| У народним духу | ||
|---|---|---|
| Рок | Наслов композициї | Автор текста |
| 1969. | Кед я пойдзем маршировац | народни |
| 1969. | Хижочко стара | Михайло Ковач |
| 1970. | Браца Русини | Ириней Тимко/Дюра Папгаргаї |
| 1972. | Ой, жалї пречежки | Михайло Ковач |
| 1972. | Очи | Мелания Кучмаш |
| 1972. | Пойдзем, мамо, пойдзем | Михайло Ковач |
| 1975. | Витор и тополя | Михайло Ковач |
| 1981. | Кажди дзень | Гавриїл Костельник |
| 1982. | Дує витор жимни | Ириней Тимко |
| 1986. | Рада бим ше женїц | народни |
Червене пупче
| Червене пупче | |||||||
|---|---|---|---|---|---|---|---|
| Рок | Наслов композициї | Автор текста | Рок | Наслов композициї | Автор текста | ||
| 1969. | Качур рибар | Михайло Ковач | 1978. | Вечарша писня | Ириней Тимко | ||
| 1969. | Ганча и ластовка | Михайло Ковач | 1978. | Сончок | Ириней Тимко | ||
| 1969. | Ми Титово пионире | Ириней Тимко – Лиско | 1978. | Кандур | Яким Олеяр | ||
| 1970. | Коминяр | Яким Олеяр | 1978. | Куковка | Ириней Тимко | ||
| 1970. | Фебруарски днї | Микола Скубан | 1978. | Даровита яр | Ириней Тимко | ||
| 1970. | Дїдово писмо | Мирон Будински | 1978. | Заяц и рак | Ириней Тимко | ||
| 1970. | Моєй Републики | Михайло Ковач | 1979. | Я пионир вредни, млади | Гавриїл Г. Надь | ||
| 1971. | Гунцут витор | Михайло Ковач | 1979. | Бичок и їжичок | Ириней Тимко | ||
| 1971. | Писня яри | Ириней Тимко | 1979. | Руменєц | Ириней Тимко | ||
| 1971. | Качка и квочка | Янко Фейса | 1979. | Житко | Ириней Тимко | ||
| 1971. | Малючки Владко | Янко Фейса | 1979. | У лєше вжиме | Мелания Павлович | ||
| 1971. | Хижочко стара | Михайло Ковач | 1980. | Идзе май | Ириней Тимко | ||
| 1971. | Лєтнї вечар | Ириней Тимко | 1980. | Купали кандура | Ириней Тимко | ||
| 1971. | Тисяч радосци | Ирина Гарди-Ковачевич | 1980. | Писня медведза | Ириней Тимко | ||
| 1972. | Упрекосна Марча | Ириней Тимко | 1981. | Малини | Ириней Тимко | ||
| 1972. | Курчатко и квока | Ириней Тимко | 1981. | Мак | Ириней Тимко | ||
| 1972. | Мачичка з платками | Ириней Тимко | 1981. | Иглочка | Ириней Тимко | ||
| 1972. | Под амрелом | Янко Фейса | 1981. | Весели май | Ириней Тимко | ||
| 1972. | О, яки красни тот швет | Михайло Ковач | 1982. | Яни мальовани | Ириней Тимко | ||
| 1973. | Ластовки, ластовки | А. Кандрач | 1982. | Когуцики | Ириней Тимко | ||
| 1975. | У дзбаночку млєчко | народни | 1982. | Бундаш Фицко | Ириней Тимко | ||
| 1977. | Тито и ми | Дюра Латяк | 1982. | Таньочка | Ирина Гарди-Ковачевич | ||
| 1977. | Ярнє слунко | Ириней Тимко | 1982. | Оленка | Ириней Тимко | ||
| 1977. | Писня вивирки | Ириней Тимко | 1982. | Брези, брезочки | Ириней Тимко | ||
| 1977. | Длугоноси коминяр | Ириней Тимко | 1982. | Витор и вода | Ириней Тимко | ||
| 1978. | Малючка лїпка | Ириней Тимко | 1982. | Били швет | Ириней Тимко | ||
| 1978. | Цо за жвир | Ириней Тимко | 1983. | Дуб и яр | Ириней Тимко | ||
| 1978. | Лєто | Ириней Тимко | |||||
Ґалерия
-
Активисти у спорту Руского Керестура 1943/44. року: стоя, з лїва, Дюра Варґа, Єфрем Колєсар, Евґений Джуня, Яким Олеяр, Юрай (Дюра) Сеґеди. Шедза, з лїва, Евґений Медєши, Яким Сабадош, Ириней Тимко, Цап, Йовґен Планчак.
Литература
- о. Проф. Др Роман Миз, Священїки дакедишнього Осєцкого викарията; видавателє: Парохия св. Петра и Павла, Нови Сад и Максима друкарня и видавательна хижа, Петроварадин, 2016, б. 310-311.
- Шветлосц ч. 1/2003, б/95-98.
Вонкашнї вязи
- Ириней Тимко (биоґрафия и список композицийох), Червена ружа 1962-2011, Том II, Завод за културу войводянских Руснацох, Нови Сад, 2014., б. 538
- Spomen-ploča muzičkim urednicima Radio Novog Sada, RTV Vojvodina, 17. jun 2019.
- Ириней ТИМКО, Новинарска асоцияция Руснацох, Руски вертикали, 28. децембер, 2017.