Wp/rsk/Звонимир Павлович
Звонимир Павлович (*15. юлий 1955. - †14. януар 2022. ), ґлумец-аматер, режисер и драматурґ
Звонимир Павлович[edit | edit source] | |
|---|---|
| Народзени | 15. юлия 1955. року |
| Умар | 14. януара 2022. року (67) |
| Державянство | югославянске, сербске |
| Язик творох | руски |
| Школа | Ґимназия „Йован Йованович
Змай“ Нови Сад |
| Период твореня | 1977-2021 |
| Жанри | ґлума, режия, драматурґия |
| Поховани | Новосадски городски теметов |
Биоґрафия[edit | edit source]
Звонимир Павлович ше народзел 15. юлия 1955. року у Руским Керестуре у службенїцкей фамелиї. Родичи, оцец Янко и мац Мелания родз. Джуня ше пошвидко преселєли до Нового Саду, та Звонимир там закончел основну и штредню школу, а тиж и студирал историю на Филозофским факултету у Новим Садзе. Робел перше у новинскей хижи „Дневник“, а вец у фирми „.Фри прес“.
Родичи Звонимира Павловича Янко и Мелана Павловичово були активни театрални аматере и тоту їх любов пренєсли и на сина Звонимира. Уж 1975. року як ґимназиялєц у новосадскей ґимназиї „Йован Йованович Змай“ участвовал у заєднїцким драмским проєкту матурантох. Свойо театралне знанє Звонимир Павлович усовершел у Драмским студию АРТ „Дядя“ 1976. и 1978. року. Перше ґлуму, а вец и режию.
Опробовал ше и як драмски писатель. НВУ „Руске слово“ му обявела штири драмски тексти под насловом „Клїтка за щешлївих“ 2011. року, а 2013. року у часопису „Шветлосц“ обявел драму “Зазбероваче труплох“ инспировану зоз траґичну судьбу др Гавриїла Костельника, зачатнїка нашей уметнїцкей литератури и автора першей рускей ґраматики. У 2018. року часопис „Шветлосц“ му обявел и драму „Бабушка“, по мотивох Т. Кушнера и Ф. Кафки, котру истого року прапремиєрно поставел на сцену у РКЦ у Новим Садзе, а вец на 50. Драмским мемориялу.
Ширшей явносци є познати и як телевизийни ґлумец. Участвовал у вецей бавених телевизийних програмох, як автор телевизийних сценарийох и як режисер радио драмох. Бул єден з найпознатших руских режисерох-аматерох, котри провадзел сучасни театрални тренди у нас и у швеце, и любел експериментовац на сцени.
Найвецей награди достал за ґлуму на Покраїнским фестивалу малих и експерименталних сценох у Панчеве.
Звонимир Павлович умар 14. януара 2022. року у Новим Саду. Поховани є на новосадским городским теметове.
Театрална активносц Звонимира Павловича[edit | edit source] | |||||||
|---|---|---|---|---|---|---|---|
Ґлумел у фалатох:[edit | edit source] |
Рок | Театрални фалат
|
Надпомнуце
| ||||
| Рок | Театрални фалат
|
Улога
|
1990. | С. Бекет: КОНЄЦ ПАРТИЇ | |||
| 1980. | Д. Ковачевич: РАДОВАН ТРЕЦИ | Келнер | 1993. | С. Мрожек: ТАНҐО | |||
| 1982. | Дю. Папгаргаї: ТЕЛЕФОН МОЙ ПРИЯТЕЛЬ | Мойсей | 1995. | С. Мрожек: СКРАВЕЦ | |||
| 1983. | А. Жари: КРАЛЬ ИБИ | Оцец Иби | 1996. | А. Б. Руцанте: МУШКА | |||
| 1984. | Ґ. Стефановски: ХАЙ-ФАЙ | Мойсей | 1998. | Ф. Диренмат: СИНДРОМ | |||
| 1985. | С. Стратиєв: АВТОБУС | Нєодвичательни | 2002. | З. Павлович: ЗАБАВА | Драматизация З. Павлович | ||
| 1989. | Ґ. Михич: БИДНИ МАЛИ ГЕРЧКИ | Други | 2003. | Дж. Ливинґтон: АЗ ЄСМ | |||
| 1990. | С. Бекет: КОНЄЦ ПАРТИЇ | Хам | 2008. | Ю. Надь: МАЧКА | По текстох Ю. Надя | ||
ТВ филм
|
2013. | Ю. Надь: МАЧКА | По текстох Ю. Надя | ||||
| 1980-тих | Мирон Канюх: "Ратунок", режисер Зоран Шарич | ТВ Нови Сад | 2014. | Христо Бойчев: ОРКЕСТЕР ТИТАНИК | Драмски студио РКЦ, Нови Сад | ||
| Режирал фалати: | Orkestar Titanik | ||||||
| Рок | Театрални фалат
|
2015. | Танкрет Дорст:"DIE KURVE"/АБО "КРИВИНА" | ||||
| 1986. | К. и Й. Чапек: ИНСЕКТИ | 2016. | Миро Ґавран: БОЖЕСКА НОЦ | ||||
| 1987. | Н. Дудаш - З. Павлович: ЗАБРАНЄНА РЕПРОДУКЦИЯ | 2018. | Т. Кушнер и Ф. Кафка: БАБУШКА | З. Павлович (по мотивох Т. Кушнера и Ф. Кафки) | |||
| 1988. | Б. Грабал - В. Нїват: ТАНЄЧНА ШКОЛА ЗА ОДРОСНУТИХ | 2019. | З. Павлович: ПОТВОРИ | ТВ Войводина, май 2019. | |||
| 1989. | Ґ. Михич: БИДНИ МАЛИ ГЕРЧКИ | 2019. | З. Павлович: ПОТВОРИ | знїмок зоз премиєри 1. марца 2019. | |||
Литература[edit | edit source]
1. Зазбероваче труплох Драми
Вонкашнї вязи[edit | edit source]
1. Интервю з причину Звонимир Павлович
2. Портрет Звонимира Павловича у ТВ сериї Мой швет
3. Zvonimir Pavlović / Dramski studio RKC u Novom Sadu Dramatické štúdio RKC v Novom Sade