Wp/rsk/Др Александр Дмитриєвич Дуличенко
Template:Wp/rsk/Db-author {{subst:Wp/rsk/Proposed deletion|concern=We have completed the same topic. This topic is incomplete, of poor quality and should be deleted. The Title itself with the written title Dr. is wrong, too.}}
Др Александр Дмитриєвич Дуличенко (30. октобер 1941. року), фаховец з обласци общого язикознавства (обща теория язика, социолинґвистика, етнолинґвистика, интерлинґвистика и др.) и славянскей филолоґиї, и експерт у обласци славянских микроязикох
Др Александр Д. Дуличенко[edit | edit source] | |
|---|---|
| Народзени | 30. октобер 1941. року |
| Державянство | Совєтски Союз, Естония, Русия |
| Язик творох | русийски, есперанто, естонски |
| Школа | Штредня школа у Новоалексеєвскей |
| Универзитет | Филолоґийни факултет у Ашхабаду |
| Обласц науки | обща теория язика, социолинґвистика,
етнолинґвистика, интерлинґвистика, славянски микроязики |
| Наукови ступень | Доктор наукох |
| Припознаня | Орден Билей Гвизди, 4-го ряду[1] |
Биоґрафия
[edit | edit source]Александр Дмитриєвич Дуличенко народзени 30. октобра. 1941. року у месце Новоалексеєвская у Русиї, Краснодарски край.[2] Року 1959. закончел штредню школу у Новоалексеєвскей. Од 1961. до 1966. студирал русийску филолоґию на филолоґийним факултету у Ашхабаду, главним варошу тедишнєй совєтскей републики Туркмениї (тераз нєзависна держава Туркмения).
Робел як преподавач русийского язика у месце Ґара Векил у Ашхабадскей обласци у Туркмениї (1966–1968, 1970–1976), як асистент на катедри за общу и русийску линґвистику на Самаркандским универзитету (варош Самарканд) у републики Узбекистану (тераз нєзависна держава Узбекистан) (1968–1970). Од 1976. року роби на Тартуским универзитету (варош Тарту) у Естониї: од 1976. до 1980. року доцент, од 1982. рядови професор катедри за русийски язик, од 1992. рядови професор и шеф катедри за славянску филолоґию.[3]
Александр Д. Дуличенко фаховец з обласци общого язикознавства (обща теория язика, социолинґвистика, етнолинґвистика, интерлинґвистика и др.) и славянскей филолоґиї.
Школяр є академика Н. И. Толстоя. Як студент ше почал дописовац зоз Малацком зоз Савиного Села, хтори му писал же є Руснак. Други Руснак з хторим ше А. Д. Дуличенко длуго дописовал, бул писатель Василь Мудри зоз Шиду. Вон ше заинтересовал за нашу народносц и наш язик а професор акад. Н. И. Толстой му суґеровал же би почал виучовац наш язик, цо вон и зробел и уж 1968. обявел першу статю о нїм, а року 1974. на Институту за славистику и балканистику Академиї наукох СССР у Москви одбранєл кандидатску (докторска нєгабилитацийна) дисертацию Литературни руски язик Югославиї (фонетика и морфолоґия).
Наукова робота
[edit | edit source]Интересованє А. Д. Дуличенка ше преширело и на други мали славянски литературни язики, хтори вон наволал микроязики: кашубски у Польскей, ґрадищанскогорватски у Австриї, молизкославянски у штреднєй Италиї, резиянски у Италиї при Удине, болгарски у Банату, ляшски у Шлезиї, чакавски, кайкавски, словенски у Прейґмурю, сербсколужицки, карпатскорусински и др. Року 1981. на Институту за язикознавство Академиї наукох Билорускей ССР у Минску одбранєл габилитацийну докторску (докторска II) дисертацию Славянски литературни микроязики.
Окрем того А. Д. Дуличенко пише и о „вельких” славянских язикох: русийским, сербским/горватским/бошняцким, словенским. Потераз обявел понад 500 науково роботи на 20 европских язикох. З общого и славянского язикознавства тримал преподаваня и на универзитетох / факултетох у Новим Садзе, Сараєву, Краснодару (Русия), Душанбеу (Таджикистан), Хелсинкию и Туркуу (Финска), Лозани и Цириху (Швайцарска), Ґетинґену, Триру, Сарбрикену, Ґрейфсвалду, Келну, Гейделберґу (СР Нємецка), Ополу (Польска), Москви, Ростову и др. У школским 2002/2003. року тримал преподаваня о славянских микроязикох (медзи нїма и о руским язику) у Триру (СР Нємецка).
Членство у фахових и наукових орґанизацийох
[edit | edit source]Предсидатель є Националного комитета Славистох Естониї, член Рускей матки, Дружтва за руски язик, литературу и културу, Кашубского института у Ґданьску (Польска), член Accademia Internazionale delle Scienze (Сан Марино), New York Academy of Sciences, Universala Esperanto Asocio и др.
Редактор є и видаватель двох серийних публикацийох Тартуского универзитета — Interlinguistica Tartuensis (од 1982) и Slavica Tartuensia (од 1985).
Авторски кїжки
[edit | edit source]На руским язику потераз му обявени два кнїжки: зборнїк статьох о руским язику Jugoslavo-Ruthenicа (Нови Сад, „Руске слово”, 1995) и Кнїжка о руским язику (Нови Сад, „Руске слово”, 2002). Окрем того, сам пририхтал и обявел архивни рукопис Г. Костельника Жалосцинки — серенчи и милей (Нови Сад, „Руске слово”, 1994).
Окрем спомнутих двох кнїжкох на руским язику А. Д. Дуличенко написал и тоти кнїжки:
1. Славянские литературные микроязыки. Вопросы формирования и развития (Таллин, 1981. — 323 б.);
2. Международные вспомогательные языки (Таллинн, 1990. — 448 б.);
3. Русский язык конца XX столетия (Slavistische Beiträge. Bd. 317, München, 1994. — XII, 347 б.);
4. Этносоциолингвистика ‘перестройки’ в СССР (Slavistische Beiträge. Bd. 378, München, 1994. — VII, 583 б.).
Литература
[edit | edit source]1. Дюра Папгаргаї: Кнїжка паметаня о руским мену и язику (др Александер Д. Дуличенко: Кнїжка о руским язику), Studia Ruthenica, чис. 8, 2001-2003, б. 75
2. Др Юлиян Рамач: Универзитетски проф. др Александер Д. Дуличенко, Studia Ruthenica, чис. 8, 2001-2003, б. 79
3. Др Юлиян Рамач и мр Гелена Медєши: Нова кнїжка др Александра Д. Дуличенка о руским язику, Studia Ruthenica, чис. 14, 2009, б. 49-51.
4. Др Михайло Фейса: Jugoslavo-Ruthenica II: Роботи з рускей филолоґиї и историї др Александра Д. Дуличенка, Studia Ruthenica, чис. 14, 2009, б. 52-53.
5. Блаженка Хома Цветкович, Язични нїтки двох линґвистох, др Александер Д. Дуличенко о роботох Миколи М. Кочиша, Studia Ruthenica, чис. 16, 2011, б. 75-82.
6. Дюра Латяк, Мойо контакти зоз др Александром Д. Дуличенком, Studia Ruthenica, чис. 16,2011,б. 83-91.
Studia Ruthenica, зборнїк роботох Дружтва за руски язик, литературу и културу
Др (А) Олександер Д. Дуличнко: Несколко слов о преводах прозы Михала Ковача на украинский язык, Studia Ruthenica, чис. 1, 1988-1989, б. 41. - 47.
Др Александер Д. Дуличенко (Тарту, Естония): Руски язик и култура висловяованя - о учебнїкох Миколи М. Кочиша, Studia Ruthenica, чис. 3, 1992-1993, б. 38. - 44.
Др Александер Д. Дуличенко (Тарту, Естония): Руска филолоґия - сучасни стан и перспективи, Studia Ruthenica, чис. 3, 1992-1993, б.б. 73 - 76.
Др Александер Д. Дуличенко: Рецензия на Сербско-руски словнїк хтори пририхтала ґрупа авторох под руководством и редакцию др Юлияна Рамача, Studia Ruthenica, чис. 5, 1996-1997, б. 19
Др Александер Д. Дуличенко (Тарту, Естония): Потомок роду Толстойових, Studia Ruthenica, чис. 5, 1996-1997,б. 83-87
Др Александер Д. Дуличенко: Михайло Врабель и його „Искренное слово кь Бачванскимь‚ Русинамь“, Studia Ruthenica, чис. 7, 1999-2000, б. 31.35.
Др Александер Д. Дуличенко: Язик и язичне питанє (Под)карпатскeй Руси, Studia Ruthenica, чис. 10, б. 2005, б 37-50.
Др Александер Дмитриєвич Дуличенко, Югославянско-русински/южнорусински у контексту язикох сучасней Микрославиї, Studia Ruthenica, чис. 15,2010, б. 27-54.
Др Александер Д. Дуличенко: Феномен славянских микрофилолоґийох у сучасней славистики, Studia Ruthenica, чис. 18, 2013, б. 35-47.
Kunnap, Ago; Kuznetsov, S. N.; Lehfeldt, Werner (2006), Mikroiazyki, Iazyki, Interiazyki : Sbornik V Chest Ordinarnogo Professora Aleksandra Dmitrievicha Dulichenko, Tartu: Tartu Ulikool, Slaavi Filoloogia Oppetool, ISBN 9949-11-444-6.
Вонкашнї вязи
[edit | edit source]Творчосц, гласнїк Дружтва за руски язик и литературу
Др Александер Д. Дуличенко:Прегляд сучасних питаньох виучованя язика югославнских Руснацох,Творчосц чис. 1, 1975, б. 14-24.
Др Александер Д. Дуличенко:Библиоґрафия повойнових роботох з язика югославнских Руснацох,Творчосц чис. 1, 1975, б. 24-27.
Др Александер Д. Дуличенко:Ґу синтакси припадкох у язику югославнских Руснацох,Творчосц чис. 3, 1977, б. 14-19.
Др Александер Д. Дуличенко:Нормователь и преучователь литературного язика югославнских Руснацох,Творчосц чис. 4, 1978, б. 7-26.
Др Александер Д. Дуличенко:Ґу еволуциї синтаксичней системи литературного язика югославнских Руснацох и принципом єй описованя,Творчосц чис. 4, 1978, б. 26-40.
Др Александер Д. Дуличенко:З морфолоґиї руского язика, Творчосц чис. 5, 1979 , б. 3-8.
Др Александер Д. Дуличенко:Линґвистични кредо Миколи М. Кочиша,Творчосц чис. 5, 1979, б. 49-50.
Др Александер Д. Дуличенко:Литературни язик югославянских Руснацох на универзитетским преподаваню, Творчосц чис. 7, 1981, б. 3-5.
Др Александер Д. Дуличенко:Ище раз о рускей ґлотоґенези, Творчосц чис. 8, 1982, б. 58-61.
Др Александер Д. Дуличенко:Система и специфика злучнїцких конструкцийох з початкову компоненту „ЖЕ“, Творчосц чис. 9, 1983, б. 31-38.
Др Александер Д. Дуличенко:Сербскогорватски елементи у язику югославянских Руснацох, Творчосц чис. 10, 1984, б. 23-71.
Др Александер Д. Дуличенко:Руски язик и литература прицагую увагу, Творчосц чис. 10, 1984, б. 75-76.
Др Александер Д. Дуличенко:Гавриїл Надь и його доприношенє розвою руского язика, Творчосц чис. 11, 1985, б. 18- 27