Wp/rsk/Владимир Канюх
| Владимир Канюх | |
|---|---|
| Народзени | 4. марца 1929 |
| Место народзеня | Охрид |
| Школа | Ґимназия Беоґрадзе |
| Образованє | Универзитет у Беоґрадзе |
| Наукови ступень | доктор наукох 1981 |
| Институция | Институту зa пaтoлoґию |
| Академия | САНУ, порядни член |
| Обласц роботи | кардиоваскуларна патолоґия |
| Познати по | виучованю уродзених шерцових манох и їх плюцовей циркулациї, артеротромбичних |
| Награди и припознаня | Октоберска награда города Беоґрада 1974, Седмоюлска награда Сербиї 1989, |
Владимир Канюх (Охрид, 4. марец 1929), сербски кардиоваскуларни патолоґ и академик. Трима ше го за зачатнїка патолоґиї у Сербиї и у дакедишнєй Югославиї[1].
Биоґрафия
Влaдимир Кaнюх нaрoдзeни 4. марца 1929. рoку у Oхриду. Оцец Иван и мац Олґа родз. Симич. Владимир мал и брата Дьордя котри тиж мал високу академску кариєру. Як дзецко часто приходзел зоз своїм братом Дьордьом до Керестура, до дїда и баби Канюхових. Владимиров оцец Ивaн Кaнюх початком двацетого вика бул єден з найвекших керестурских интелектуалцох, студирaл нa трoх унивeрзитeтoх у Будaпeшту, Бeрлину и у Бeoґрaдзe.
Влaдимир Кaнюх закончел Сeрбскo–фрaнцузку оснoвну шкoлу у Битoлю, а потим прешол на школованє до ґимнaзиї у Бeoґрaдзe, a Мeдицински фaкултeт закончел тиж у Бeoґрaдзe 1955. рoку. На истим факултету и докторовал 1981. року и робел як порядни професор од 1982. року.
Рoбeл нa Институту зa пaтoлoґию. Бул нa усoвeршoвaню у Зєдинєним Кральовстве, Францускей, Голандиї, Зєдинєних Америцких Державох. Прeпoдaвaл нa вeцeй мeдицинских фaкултeтoх у Югoслaвиї, нaйвeцeй нa бeoґрaдским и нoвoсaдским унивeрзитeту. Академик Канюх бул снователь постдипломских студийох, продекан и управитель Института за патолоґию.
Др Влaдимир Кaнюх постал дописни член Сербскей академиї науки и уметносци 21.марца. 1974. року. За порядного члена САНУ вибрани є 15.децембра.1983. дзе бул секретар Оддзелєня за медицину и предсидатель Секциї за кардиоваскуларну патолоґию и розвой медицинских наукох. Приступну академску бешеду под назву „Уродзени шерцово мани и їх плюцова циркулация“ отримал 26. октобра 1984. року.
Поля наукового интересованя Владимира Канюха то кардиоваскуларна патолоґия, поготов уродзени шерцово мани и їх плюцова циркулация, артеротромбична коронарна шерцова хорота, тумори шерца и перикарда як и онколоґийна патолоґия и тератолоґия. Занїма ше и з историю сербскей и шветовей медицини, а зоз сотруднїками одкрил два нови, уродзени шерцово мани.
Академик Канюх, як автор и коавтор обявел вецей як 1 000 науково роботи. Його науково роботи цитировани вецей як 700 раз. Аутор є або коаутор вeцeй як трицeц кнїжкох.
Академик Владимир Канюх предсидатель Здруженя за атеросклерозу Сербиї, копредсидатель Дружтва лїкарох Сербиї и Греческей, член Совиту Европского дружтва за патолоґию и Интернационалного дружтва за атеросклерозу, предсидатель Здруженя патолоґох Югославиї. За иножемного члена Академиї наукох и уметносци Републики Сербскей вибрани є 2008. року.
Припознаня
Добитнїк є вецей наградох за науку:
- Октоберскей награди города Беоґрада 1974,
- Седмоюлскей награди Сербиї 1989,
- Медалї Semmelweiss у Мадярскей 1990,
- Похвали Патриярха Павла 2000,
- Награди „Академик Б. Дьордєвич“ 2000,
- Награди Здруженя универзитетских наставнїкох Сербиї 2002
- награди Братох Карич 2003.
- Сретеньского ордена першого ступня, 2023.[2]
Биоґрафиї и библиоґрафиї
Рок. / САНУ 82 (1976) 156-162; 90 (1984) 277-288; 95 (1989) 393-412; 101 (1995) 341-365; 106 (2000) 319-345.
Вонкашнї вязи
- Владимир Канюх – интервю (Политика, 20. май 2012)
- Академик Владимир Канюх, вебсайт nar.org.rs, Новинарска Асоцияция Руснацох, Нови Сад, 30. марец 2018.
- Чувар шерца - портрет академика Владимира Канюха.
Референци
- ↑ Kanjuh Vladimir, Biografija na sajtu SANU
- ↑ Serbia, RTS, Radio televizija Srbije, Radio Television of. „Додзелєни одликованя з нагоди дня державносци“ www.rts.rs.