Wp/rkt/সৰিয়া পৰা আকটা গেলাস
সৰিয়া পৰা আকটা গেলাস
সৰিয়া পৰা আকটা গেলাস
টুকুৰা টুকুৰি কাঁয়েচ
আৰ্ নেয়া বছৰ
কথাগুলা মুঁই নিজেই নুবুজুং
আৰ্ তোক তে কি
বুজাইম
কুঁআশাৰ আঁৰালত লুকিয়া থাকা মোৰ অতীত
শীতেৰ টোপাগুলানত মিসল হোয়া যাওয়া দুইটোপা চোঁখেৰ জল
আৰ্ তোৰ চোঁখেৰ কাজল
কথাগুলা আন্ধাৰকো কোবাৰ পাং নাই
আৰ্ তোক তে কি কৈম
নদীখানে ফেঁকুৰে
জলকুমাৰীয়ে কাপুৰ বদলায়
আথানি কুমাৰে
ভেবা লাগিয়া দেখিয়া ৰয়
বৰ্শীত যুদি মাছেৰ বদল সাপ ধৰে
সাপে যুদি মোক দংশন কৰে
ঐখান যুদি ঢোৰা সাপ হয়
কথাগুলান কালিঘুঁকিৰ গোলাৰ
কৰুণ কান্দোন
কথাগুলান হিজ্লা পাতাৰ থাকিয়া সৰা
শীতেৰ টোপাল
আকদিন হিজলটাৰ তলত বসিয়া
তোৰ জৈন্যে চিঠি লেখ্ছিলুং
আমাৰ ৰক্তয় কুনোদিনেও নালেখিব প্ৰেমেৰ পত্ৰ
যেঠেই লাগিয়া থকা
ৰং গুলান
চেল্কিয়া খাং
দিনগুলান কঠিন হবো
নেটত আবদ্ধ হবো
নিষিদ্ধ ৰাত্তিৰ আল্লাপ
কথাগুলান মৰা শগুণেৰ নিনাদ
মুঁই নিজেই নাবুজুং
আৰ্ তোক তে কি বুজাইম !