Wp/rkt/মুঁই খুজিয়া থাকা মুখখান হঠাৎ বিছ্ৰিয়া পালুং
মুঁই খুজিয়া থাকা মুখখান
হঠাৎ বিছ্ৰিয়া পালুং
মুঁই খুজিয়া থাকা মুখখান
কুনো হিন্দুৰ নাহায়
মুঁই খুজিয়া থাকা মুখখান
কুনো মুছলমানেৰ নাহায়
মুঁই খুজিয়া থাকা মুখখান
আকজন মানুসেৰ মুখ
যেইখান মুখ
মুখেৰ ফাঁকেৰ মুখা নাহায়
যেইখান মুখ কুনো মানুসেৰ নাহায়
যেইখান মুখ মানুসেৰ উপৰেৰ মানুসেৰ
হয়,
এমন আখান মুখেৰেয়
অপেক্ষাত আছিলুং মুঁই
কৌটি কৌটি বছৰ ধৰিয়া
হঠাৎ লাগাল পালুং অ'ক
কুনো আকটা ভিৰেৰ মাজত
(সবিশেষ পৰে হৈবে
পৰে আকদিন কৈম)