Wp/rkt/মহাবীৰ চিলাৰায়
চিলাৰ়ায় বা বীৰ় চিলাৰ়ায়এৰ় (জন্ম:১৫১০ - মৃত্যু:১৫৭১) প্ৰকৃত নাম আছিল শুক্লধ্বজ। উঞাৰ় বাপ ষষ্ঠদশ শতিকাৰ় কমতা ৰ়াজ্যেৰ় প্ৰতিষ্ঠাপক বিশ্বসিংহ, মাতৃ পদ্মাবতী আৰ্ ভাই ৰ়াজা নৰ়নাৰ়ায়ণ। উঞায় নৰ়নাৰ়ায়ণেৰ় সুদক্ষ সেনাপতি আছিলেক। উঞায় চিলাৰ় মতো কৰ়িয়া ছোঁ মাৰ়িয়া যুদ্ধ কৰ়ছিল, ঐজৈন্যে উঞাক চিলাৰ়ায় বুলিয়াও জানা যায়।[1] চিলাৰ়ায়ে দেওয়ান বা মন্ত্ৰীৰ় কামো কৰ়ছিলেক, ঐজৈন্যে উঞাক মানুষে চিলাৰ়ায় দেওয়ান ক'ছিল। উঞাৰ় বীৰ়ত্ব আৰ্ পাৰ়দৰ্শিতাৰ় ফলতে কোঁচ সৈন্যয় ভূটীয়া, কছাৰ়ী আৰ় আহোম সৈন্যক অনেক কয়খান যুদ্ধত পৰ়াস্ত কৰ়ছিল। উঞাৰ় জন্মদিন মাঘী পূৰ্ণিমাৰ় দিনটা বীৰ় চিলাৰ়ায় দিবস হিসাবে পালন কৰ়া হয়।[2]
| চিলাৰ়ায় | |
|---|---|
| ৰ়াজত্বকাল | নৰ়নাৰ়ায়ণ |
| মাও | পদ্মাবতী দেবী |
| বাবা | বিশ্বসিংহ |
| উল্লেখনীয় কৰ্মৰ়াজি | সেনাপতি |
জন্ম আৰ় বংশ পৰ়িচয়
[edit | edit source]ইতিহাসত পাওয়া যায় যে, কোঁচ ৰ়াজ্যেৰ় প্ৰতিষ্ঠাতা বিশ্ব সিংহয় ১৯ জন কুমাৰ়ীক বিয়া কৰ়াছিল। কুমাৰ়ী গুলানেৰ় ভিতৰ়ত জ্যেষ্ঠ জন নেপালেৰ় আছিল– তাৰ় পুত্ৰ নৰ়সিংহ। গৌড়েৰ় দুইজন কুমাৰ়ী আছিল: হেমপ্ৰভা আৰ় পদ্মাবতী দেবী। নৰ়নাৰ়ায়ণ হেমপ্ৰভাৰ় পুত্ৰ আৰ় শুক্লধ্বজ পদ্মাবতীৰ় পুত্ৰ আছিল। বিশ্ব সিংহেৰ় মুঠ ১৯ জন পুত্ৰ আছিল বুলিয়া বুৰ়ঞ্জীত পাওয়া যায়।
শিক্ষা
[edit | edit source]নৰ়নাৰ়ায়ণ আৰ্ চিলাৰ়ায়ে বাল্য কালত বাৰ়ানসী ক্ষেত্ৰত মায়া অটাই ব্ৰহ্মানন্দ বিশাৰ়দ নামেৰ় একজন সন্ন্যাসীৰ় ওচৰ়ত বিদ্যা গ্ৰহণ কৰ়ছিলেক। বাৰ়াণসীত ইমৰ়াগুলানে হিন্দুৰ় বেছিভাগ ধৰ্মগ্ৰন্থ আৰ্ যুদ্ধ শিক্ষা গ্ৰহণ কৰ়িয়া সউগগুলা বিষয়তে পৰ়িপক্ব হয়া উঠছিলেক।
পিতৃৰ় মৃত্যু
[edit | edit source]১৫৩৩ চনত নৰ়নাৰ়ায়ণ আৰ্ চিলাৰ়ায়েৰ় পিতৃ বিশ্ব সিংহেৰ় মৃত্যু হয়।
মৃত্যু
[edit | edit source]১৫৭১ খ্ৰীষ্টাব্দত চিলাৰ়ায়েৰ় গংগাতীৰ়ত বসন্ত ৰ়োগত মৃত্যু হয়।
বীৰ় চিলাৰ়ায় বঁটা
[edit | edit source]বীৰ় চিলাৰ়ায়ৰ স্মৰ়ণত, ২০০৫ চনেৰ় থাকিয়া অসম সৰ়কাৰ়ে উঞাৰ় জন্মদিনটা বীৰ় চিলাৰ়ায় দিবস হিসাপে উদযাপন কৰ়িব বুলিয়া আনুষ্ঠানিক ভাবে ঘোষণা কৰ়ে। চিলাৰ়ায় দিবসত অসম সৰ়কাৰ়ে বন্ধ ঘোষনা কৰ়ে । তাৰ়োপৰ়ি, সাহসিকতাৰ় পৰ়িচয় দেওয়া লোকক বীৰ় চিলাৰ়ায় বঁটা প্ৰদান কৰ়া হ'ব বুলি ঘোষণা কৰ়ছিল।
বাহ্যিক সংযোগ
[edit | edit source]তথ্যসূত্ৰ
[edit | edit source]