Wp/rkt/আদিত্য কিৰণ কোচ
কাইলকা সমায়েৰ মংগাত
কায়বা আত্মহত্যা কইৰবে
আদিত্য কিৰণ কোচ
কাইলকা সমায়েৰ মংগাত
কায়বা আত্মহত্যা কইৰবে
আজি যেই কথা ভাবিয়া পাগল উইঞা
আৰ এমন কৰি আগতো কয় একবাৰ ভাবছে
অইজন্যে তুলি নিবেৰ লাগা হইছে
কয় একটা আন্দৰেৰ দুৰ্ঘটনাক
(এমনেই আদৰেৰ যেই আদৰত নেকি
উইঞা হাৰেয়া ফেলাইছে নিজেৰ অন্তৰখানক)
তাৰ পাছতো কতো জাগাত গেইছে উইঞা
আৰ অটাই থাকি কুড়ি আনছে বিস্ফোৰণত
ছিট্কি পৰি থাকা
কয় একটা শুকিয়া ঝাইয়া লাগা সপোনেৰ
টুকুৰা
অই টুকুৰা কয়টা নিয়া মত্ত উইঞা
উইঞাৰ আগফালে পাছফালে কোনো পাকে
দেখাৰে সমায় নাই
উইঞাক অনেক সমায়েৰ দৰকাৰ
কিন্তুক উইঞাৰ যিখিনা সমায়
তাৰ বেছিভাগেয় ছাড়ি আইসছে
কোনবা অতীতেৰ কোনো খোক্সাত
কিন্তুক তাও উইঞাক অনেক সমায়েৰ দৰকাৰ
যেইটা আৰ সম্ভৱ নাহয়।