Wp/rki/Wikipedia:ဝီကီးပီးဒီးယားက ဇာဟုတ်ရေ
ရခိုင် ဝီကီးပီးဒီးယား ဆိုစွာ သုံးစွဲသူတိ စုပေါင်း ရီးသားကတ်ရေ အွန်လိုင်း စွယ်စုံကျမ်း တစ်ခုရာ ဖြစ်ပါရေ။ ဝီကီးလို့ ခေါ်ရေ ဝက်ဘ်ဆိုက် ပုံစံတစ်မျိုးကို အသုံးပြုပနာ ပူးပေါင်းရီးသားခြင်းကို အဆင်ပြေစီဖို့ စီမံထားခြင်းဖြစ်ပါရေ။ သုံးစွဲသူတိက နာရီအလိုက် ပြင်ဆင်မှုပေါင်း များစွာကို ပြုလုပ်ပနာ ရခိုင် ဝီကီးပီးဒီးယားကို ပိုပနာကောင်းမွန်အောင် ဆောင်ရွက်နီကတ်ပါရေ။
ရခိုင် ဝီကီးပီးဒီးယားစွာ အောက်ပါ ခေါင်းစဉ်တိကို ရီးသားဖို့ မဟုတ်ပါ
[edit | edit source]ရခိုင် ဝီကီးပီးဒီးယားစွာ အဘိဓာန် မဟုတ်ပါ
[edit | edit source]ရခိုင် ဝီကီးပီးဒီးယားစွာ အဘိဓာန် မဟုတ်ပါ။ အဘိဓာန်တွင် ပါဝင်ကူညီလိုပါကေ ဝိက်သျှန်နရီ တွင် ပါဝင် ကူညီနိုင်ပါရေ။
ရခိုင် ဝီကီးပီးဒီးယားစွာ ကိုယ်ပိုင် အတွေးတိကို ဖြန့်ဖြူးပီးရေ နီရာမဟုတ်ပါ
[edit | edit source]- မိမိဘာသာ ထုတ်ဖော်ထားရေ သီအိုရီတိ၊ ဥပဒေသတိ၊ ဖန်တီးတီထွင်ထားရေ စကားလုံးတိကို ထုတ်ဖော်တင်ဆက်ဖို့ နီရာမဟုတ်ပါ။
- မိမိဘာသာ တီထွင်ထားရေ ကိရိယာတိ ပရော့ဂျက်တိကို တင်ဆင်ပြသဖို့ နီရာမဟုတ်ပါ။ မိမိတီထွင်ထားရေ အရာဧ့ အကြောင်းအား နာမည်ဟိ သတင်းဌာနတစ်ခုမှ ပုံနှိပ် ဖော်ပြတင်ဆက်ခြင်း ပြုလုပ်ပြီးခကေ ဖော်ပြနိုင်ပါရေ။
- မိမိဘာသာ ရီးသားထားရေ ရသစာတမ်းတိ (Essays) တိကို ရီးသားဖို့ နီရာမဟုတ်ပါ။
- ဖိုရမ် မဟုတ်ပါ။ ဆောင်းပါးနန့်ပတ်သက်ပနာ ဆွီးနွီးချင်စွာ တိကို သက်ဆိုင်ရာ စာမျက်နှာဧ့ ဆွီးနွီးချက်တိတွင် ဆွီးနွီးနိုင်ပါရေ။ ယကေလည်း ဆွီးနွီးချက်တိကို ဆောင်းပါးတွင်း ထည့်သွင်းရီးသားခြင်းကို ယှောင်ကြဉ်ရပါဖို့။
ရခိုင် ဝီကီးပီးဒီးယားစွာ ပြဇာတ်မဟုတ်ပါ။ အရောင်းမြှင့်တင်ရီး နီရာမဟုတ်ပါ
[edit | edit source]ရခိုင် ဝီကီးပီးဒီးယားစွာ ဝါဒဖြန့်ဖို့၊ ကြော်ငြာဖို့၊ ကြွားဝါဖို့ နီရာမဟုတ်ပါ။
- စီးပွားရီး၊ နိုင်ငံရီး၊ ဘာသာရီး၊ အားကစားနန့် တခြားတခြား အရာတိ အတွက် ဝါဒဖြန့်ချီဖို့၊ လူယှာဖို့ နီရာမဟုတ်ပါ။ ဆောင်းပါး တစ်ခုတွင် ယင့်ချင့်တိပိုင် အရာတိကို ရီးသားနိုင်ကေလည်း ဘက်မလိုက်ပဲ ကြားလူအနိန်နန့် ရီးသားသင့်ပါရေ။ သင့်ဧ့ အကြိုက်ဆုံးအမြင်ကို လူအများအား သိစီလိုပါကေ ဘလော့ခ်တစ်ခုကို ကိုယ့်ဘာသာကိုယ် စတင်ရီးသားနိုင်ပိုင် သို့မဟုတ် ဖိုရမ်တိတွင် ဝင်ရောက် ဆွီးနွီးခြင်းဖြင့် အခြားသူတိကို သိအောင် လုပ်နိုင်ပါရေ။
- အချို့သော ခေါင်းစဉ်တိ အထူးသဖြင့် လက်ဟိ ဖြစ်ပျက်နီရေ အကြောင်းအရာတိနန့် နိုင်ငံရီး စသည်ရို့ရေ လူရို့ဧ့ စိတ်လှုပ်ယှားမှုကို ဖြစ်စီပိုင် သင့်အနှစ်သက်ဆုံးရေ ဘက်ကို သိသိသာသာ ဘက်လိုက်ပနာ ရီးသားခြင်း ဖြစ်စီနိုင်ပါရေ။ ရခိုင် ဝီကီးပီးဒီးယားစွာ သင့်ဧ့ အမြင်ကို ဘက်လိုက် ဖော်ပြန်ဖို့ နီရာမဟုတ်ပါ။ ဆောင်းပါးတိတွင် ဟိုဘက်ဒေဘက် နှစ်ဘက်စလုံး အမြင်ကို တင်ပြသင့်ပါရေ။ ယင့်အပြင် အချိန်ကြာကေလည်း အခြားသူတိအတွက် အကျိုးဟိမည့် ခေါင်းစဉ်မျိုးကို ရီးသားဖို့ လိုအပ်ပါရေ။ သတင်းသက်သက် ကို မရီးသားဖို့ မေတ္တာရပ်ခံပါရေ။
- သက်ဟိထင်ယှား ဟိနီရေသူတိဧ့ အကြောင်းကို ရီးရာတွင် ဆောင်းပါးဧ့ အရည်အသွီး အလွန်မြင့်မားဖို့နန့် တခြားလူပုဂ္ဂိုလ်ရို့ဧ့ ပရိုက်ဗေစီကို လေးစားဖို့ လိုအပ်ပါရေ။ သက်ဟိထင်ယှားလူရို့ဧ့ အတင်းအဖျင်းတိကို ဖြန့်ဖြူးဖို့နန့် အခြားသူတိဧ့ ဂုဏ်သရေကို ညှိုးနွမ်းစီဖို့ တမင်သက်သက် ရို့က်ခိုက်ခြင်းမျိုး မဖြစ်စီဖို့ လိုအပ်ပါရေ။
- မိမိဧ့ ကိုယ်ရီးအတ္ထုပ္ပတ္တိကို ရီးသားဖို့ နီရာမဟုတ်ပါ။ ရခိုင် ဝီကီးပီးဒီးယားတွင် ပါဟိရေ လူပုဂ္ဂိုလ်တိဧ့ အတ္ထုပ္ပတ္တိတိရေ ရခိုင် ဝီကီးပီးဒီးယားတွင် ပါဟိဖို့ ထင်ယှားအရီးပါမှု ၊ en:Wikipedia:Conflict of interest အစဟိရေ လမ်းညွှန်ချက်တိနန့် ကိုက်ညီရပါဖို့။ အရို့ချုံးပြောရကေ သတင်းစာ၊ ဂျာနယ်တိတွင် ကျယ်ကျယ်ပြန့်ပြန့် သတင်း အပို့မခံရသူ တစ်ယောက် အနိန်နန့် ရခိုင်ဝီကီးပီးဒီးယားတွင် အတ္ထုပ္ပတ္တိ ပါဝင်ဖို့ လိုအပ်ချက်နန့် မကိုက်ညီပါ။
- မိမိဧ့ ကိုယ်ပိုင် ကုမ္ပဏီ လုပ်ငန်း စသည်ရို့ကို ကြော်ငြာသည့် အနိန်နန့်မရီးသားဖို့ လိုအပ်ပါရေ။