Wp/rki/Wikipedia:ဇာပိုင်တည်းဖြတ်ဖို့လဲ
ဝီကီးပီးဒီးယား စာမျက်နှာအများကို တည်းဖြတ်ခြင်းက လွယ်ကူပါရေ။ ဝီကီးပီးဒီးယား အသုံးပြုသူတိ အနိန်နန့် နည်းလမ်းနှစ်မျိုးကို အသုံးပြုပြီးကေ တည်းဖြတ်နိုင်ပါရေ။ ရိုးရှင်းရေ wiki markup (wikitext) ကို အသုံးပြုပြီးကေ တည်းဖြတ်ခြင်းနန့် နည်းလမ်းသစ် VisualEditor (VE) ကို သုံးပြီး တည်းဖြတ်ခြင်း ရို့ ဖြစ်ပါရေ။ ဒေစာမျက်နှာက ရှင်းပြချက်တိနန့် ဗွီဒီယိုလမ်းညွှန်တိက အများဆုံးအသုံးပြုနီကတ်တေ wikitext တည်းဖြတ်ခြင်းအတွက် ပြီးကေ ပြောပြထားပါရေ။ VisualEditor အသုံးပြုခြင်းနန့် ပတ်သက်ပနာစာမျက်နှာဧ့ အောက်ဆုံးအပိုင်းမှာ ဆက်ကြည့်ပီးပါ။
တည်းဖြတ်မှုကို လိ့ကျင့်ဖို့အတွက် sandbox ကိုလားပြီးကေ "ပြင်ဆင်ရန်" ခလုတ်ကို နှိပ်လိုက်ပါ။ စာမျက်နှာပေါ်ဟိ စာသားတိ ပါဝင်ရေ တည်းဖြတ်ပြင်ဆင် နိုင်ဖို့ အကွက်ချေကို ပြသပီးပါလိမ့်မေ။ တစ်ခုခုကို ရိုက်ထည့်လိုက်ပါ ယပိုင်မဟုတ်ကေ ယင်းနီရာမှာ မြင်ရရေ စာသားကို ပြောင်းလဲလိုက်ပါ။ ပြီးကေဒေစာမျက်နှာကို သိမ်းရန် ကိုနှိပ်ပြီးကေ ဇာပိုင်ပြောင်းလဲ လားလဲ ဆိုစွာ ကြည့်လိုက်ပါ။
Edit tab
ပုံမှန်အားဖြင့် ဝီကီးပီးဒီးယား စာမျက်နှာထိပ်နားမှာဟိရေ ပြင်ဆင်ရန် ကို နှိပ်ပြီး ပြင်ဆင်နိုင်ပါရေ။ ယပိုင်ဆိုကေ သင်ကြည့်နီရေ စာမျက်နှာက စာသားတိကို ပြင်ဆင်လို့ရရေ အနေအထားနန့် ပြသပီးဖို့ ဖြစ်ပါရေ။ ယင်းနီရာမှာ အကွက်ထဲက သင်ပေါင်းထည့်လိုရေ စာသားကို ရိုက်ထည့်ပြီးကေလည်းကောင်း၊ စာသားတိ ပုံစံချဖို့ wiki markup သုံးပြီးကေလည်းကောင်း၊ ပုံတိ ဇယားတိကိုလည်း ထည့်သွင်းနိုင်ဖို့ ဖြစ်ပါရေ။
ပြင်ဆင်ခြင်း အနှစ်ချုပ်
ပထမဆုံးအနိန်နန့် သင်စာမျက်နှာတစ်ခုကို တည်းဖြတ်တိုင်း ကောင်းမွန်ရေ ကျင့်ဝတ်ကို ပြသရေအနိန်နန့် တည်းဖြတ်အကွက်ဧ့ အောက်က အကျဉ်းချုပ် ဆိုရေ အကွက်မှာ သင်ပြင်ဆင်ပြောင်းလဲ လိုက်စွာအတွက် ရှင်းလင်းချက်ကို ထည့်သွင်းနိုင်ပါရေ။ သင့်ရှင်းပြချက်ကို တတိုချေနန့်လိုရင်း ရီးစွာ ကောင်းပါရေ။ နမူနာအနိန်နန့် စာလုံးပေါင်းပြင်ဆင်စွာအတွက်"typo" လို့ရာ ရိုက်ထည့်ရုံနန့် လုံလောက်ပါရေ။ အလားတူ သင့်ပြင်ဆင်မှုက အရေးမကြီးရေ ပြင်ဆင်မှုလောက်ရာဆိုကေ "အရေးမကြီးရေ ပြင်ဆင်မှု ဖြစ်ရေ" ဆိုရေ အကွက်ချေကို နှိပ်ပီးလိုက်ပါ။
နမူနာပြသရန်
ဒုတိယအနိန်နန့် ပြောရကေ သင်စွာ နမူနာပြသရန် ခလုတ်ကို အသုံးပြုသင့်ပါရေ။ ပြင်ဆင်ရေ အကွက်ထဲမှာ ပြောင်းလဲမှုတိ လုပ်ပြီးလားကေ ဒေစာမျက်နှာကို သိမ်းရန် အစား Show preview ကို နှိပ်လိုက်ပါ။ ယင်းချင့်စွာ သင်ပြင်ဆင်လိုက်ပြီးကေ ဇာပိုင် မြင်တွိ့ရဖို့လဲဆိုစွာ သင်အမှန်တကယ် မသိမ်းရသိမ်းခင် ပြသပီးစွာ ဖြစ်ပါရေ။ ကျွန်တော်ရို့အားလုံး အမှားတိ လုပ်မိတတ်ကတ်ပါရေ။ ယင်းချင့်ကြောင့် အခြားသူတိ မမြင်ခင် အမှားတိကို ရှာတွိ့နိုင်အောင် ဒေခလုတ်ချေက ကူညီပီးပါလိမ့်မေ။ Show preview ကို အသုံးပြုခြင်းနန့် ပြင်ဆင်မှုကို နမူနာကြည့်နိုင်ပိုင် စာမျက်နှာ ရာဇဝင် ကိုလည်း မရှုပ်ပွစီပါ။
စာမျက်နှာ သိမ်းဆည်းခြင်း
အကျဉ်းချုပ်မှာ ဖြည့်ပြီးရာလား? နမူနာ ကြည့်ပြီးရာလား? ယပိုင်ဆိုကေ နောက်ဆုံးအဆင့်အတွက် သင်အဆင်သင့် ဖြစ်နီပါရာ။ ဒေစာမျက်နှာကို သိမ်းရန် ခလုတ်ကို နှိပ်လိုက်ပါ။
မီဒီယာဖိုင်တိ
ရုပ်ပုံတိ၊ အသံတိနန့် ဗွီဒီယိုတိ ပါဝင်ရေ ဆောင်းပါးတိက ကကောင်းကောင်းပါရေ။ ဝီကီးပီးဒီးယား ယပိုင်မဟုတ်ကေ Wikimedia Commons ပေါ်မှာ ဟိနန့် နီရေ ဖိုင်ကို "[[file:fileNAME|thumb|ဖော်ပြချက်]]" ဆိုရေ ရိုးရှင်းရေ ကုဒ်နန့် ထည့်သွင်းနိုင်ပါရေ။ "thumb" ကို အသုံးပြုခြင်းက မူလပုံဧ့နမူနာပုံသေးကို ပြသပီးမှာ ဖြစ်ပါရေ။ နမူနာပုံသေးဧ့ အရွယ်အစား၊ ထားဖို့ နီရာ စရေ ရွေးချယ်စရာတိ ဟိပါသိမ့်ရေ။
လော့ဂ်အင်ဝင်ထားရေ အသုံးပြုသူတိကရာ သင့်တော်ရေ ဖိုင်အမည်နန့် ပုံတိကို တင်နိုင်ပါရေ။ ပုံမတင်ခင် ပထမဆုံး ဆုံးဖြတ်ရဖို့စွာကတော့ခါ ပုံဧ့မူပိုင်ခွင့် အခြီအနီ ဖြစ်ပါရေ။Wikimedia Commons ဧ့ဖိုင်တင်ပီးရေ ဝိဇတ် နန့် ဝီကီးပီးဒီးယားဧ့ဖိုင်တင်ပီးရေ ဝိဇတ် ရို့က မီဒီယာဖိုင် တင်ဖို့ အဆင့်ဆင့်ကို လမ်းညွှန်လားပါ လိမ့်မေ။ တင်လိုက်သမျှဖိုင်တိ အားလုံးကို ဝီကီးပီးဒီးယားနန့် Wikimedia Commons နှစ်ခုအကြား အပြန်အလှန်ပုံပွားပီးဖို့ ဖြစ်ပြီး တစ်ဖက်နန့်တစ်ဖက် ရှာဖွီနိုင်ဖို့ ဖြစ်ပါရေ။
ဆောင်းပါးတိကို အမည်ပြောင်းလဲခြင်း
ယင့်ပိုင်မဟုတ်ကေ ဆောင်းပါးတစ်ခုစွာ အမည်မှားပီးထားရေလို့ သင်ယုံကြည်ခပါက ကျေးဇူးပြုပြီးကေ ဆောင်းပါးဟောင်းက စာသားတိ အကုန်ကူးပြီး ဆောင်းပါးအသစ်တစ်ခု မလုပ်လိုက်ပါကေ့။ — ယင်းပိုင်လုပ်လိုက်ကေ အရင်တည်းဖြတ်မှတ်တမ်းတိ ကွဲထွက်လားပါလိမ့်မေ။ ကကောင်းမမွန် ပြီးပြည့်စုံစီဖို့ နည်းလမ်းကတော့ စာမျက်နှာ ထိပ်က ရွှိ့ရန် ခလုတ်နန့် အမည်သစ်ကို ရွေ့ပြောင်းနိုင်ပါရေ (ယင်းပိုင်လုပ်ဖို့ မှတ်ပုံတင်ထားဖို့တော့ လိုပါဖို့)။ တကယ်လို့ သင်စွာ ရွိ့ပြောင်းခြင်းကို ပထမဆုံး လုပ်ဆောင်စွာဆိုကေတော့ ကျေးဇူးပြုပြီးကေ ရွေ့ပြောင်းစာမျက်နှာက သတိပီးချက်တိကို သေချာစွာ ဖတ်ရှုပီးပါ။ စာမျက်နှာ အမည်ရွေးချယ်စွာနန့် ပတ်သက်ရေ စည်းကမ်းသတ်မှတ်ချက်တိကို Wikipedia:ဆောင်းပါးခေါင်းစဉ်တိ မှာ ဖော်ပြပီးထားပါရေ။ ယင့်ပိုင်မဟုတ်ကေ "သံတူကြောင်းကွဲ" စာမျက်နှာ ဖြစ်နီကေ ဆိုကေတော့ Wikipedia:သံတူကြောင်းကွဲ ကို ဖတ်ရှုခြင်းက အကောင်းဆုံး ဖြစ်ပါဖို့။
ဆောင်းပါးတိ ဖန်တီးခြင်း
ဆောင်းပါးသစ် တစ်ခု ကို မစတင်မီ ဝီကီးပီးဒီးယားဧ့ ထင်ရှားအရေးပါမှု လိုအပ်ချက်တိ ကို နားလည်ထားဖို့ လိုပါမေ။ တတိုချေပြောရဖို့ဆိုကေ ဆောင်းပါးတစ်ခုအတွက် စာပီတိုက်ကြီးတိ၊ သတင်းစာတိ၊ မဂ္ဂဇင်းတိ၊ စကောလားဂျာနယ်တိ နန့် ယုံကြည်ရရေ ဝက်ဘ်ဆိုဒ်တိ အစဟိရေ ယုံကြည်စိတ်ချရရေ ရင်းမြစ်တိ စုဆောင်းထားဖို့ လိုပါဖို့။ ဝီကီးပီးဒီးယားပေါ်က သတင်းအချက်အလက် တိစွာ အတည်ပြုနိုင်ခြင်း ဟိရမှာ ဖြစ်ပါရေ။
ကာကွယ်ထားရေ စာမျက်နှာတိ
အချို့စာမျက်နှာတိကို တည်းဖြတ်ပြင်ဆင်လို့မရအောင် ကာကွယ်ထားပါရေ။ ယင်းနီရာမှာစာမျက်နှာတိမှာ ပြင်ဆင်ရန် အစား ရင်းမြစ်ကို ကြည့်ရန် ဆိုစွာရာ ဟိပါရေ။
နောက်ပြန်ပြင်ခြင်း
သင့်ဧ့ တည်းဖြတ်ပြောင်းလဲမှုကို တခြားတခြား တည်းဖြတ်သူက နောက်ပြန်ပြင်လားခကေ ပြောင်းလဲမှုတိကို ဆွေးနွေးချက် စာမျက်နှာမှာ ဆွေးနွေးပီးပါ! ဆွေးနွေးခြင်း မပြုလုပ်ဘဲ ထပ်ခါ တလဲလဲ ပြောင်းလဲမှုတိကို ပြုလုပ်နီကေ ဆိုကေတော့ နောက်ထပ် တည်းဖြတ်လို့ မရအောင် ပိတ်ပင် ခံရနိုင် ပါရေ။
VisualEditor
VisualEditor ဆိုစွာက wikitext markup တိ သိထားစရာ မလိုဘဲ တည်းဖြတ်နိုင်ရေ နည်းလမ်းဖြစ်ပါရေ။