Wp/rki/အိုရှို
နာမည်ရင်းမှာ ဘဂဝံရှရီရပ်ဂျနီးရှ် (Bhaghwan Shree Rajnessh) ဖြစ်ရေ။ ၁၉၃၁ ခုနှစ်တွင်မွေးဖွားပြီး ၁၉၉၀ ခုနှစ် တွင်ကွယ်လွန်ရေ။ အိန္ဒိယနိုင်ငံမှ ဘာသာရီးဆိုင်ရာ အငြင်းပွားဖွယ်ရာ ဟောပြောသွန်သင်ပြသသည့် ဆရာတစ်ဦးအနိန်နန့် လူသိတိရေ။ အမေရိကန်၊ ဥရောပနန့်အာရှနိုင်ငံတိတွင် ထောင်ပေါင်းများစွာရေတပည့်သာဝကတိဟိခရေ။ သူ့ဖီလိုဆိုဖီတိရေ အနောက်တိုင်း နန့်အရှေ့တိုင်းဒဿတိကို ရောမွှေပေါင်းစပ်ထားခြင်းဖြစ်ရေ။ အထူးအနိန်နန့် ဈင်ဗုဒ္ဓဝါဒကိုအခြီခံသောကတိရေ။ သူဟောကြားသည့် တရားဒေသနာတိတွင် တရားထိုင်ခြင်း၊ အတ္တကိုပယ်ခွာခြင်း၊ ပုဂ္ဂလိက ဆန္ဒတိကိုစွန့်ပယ်ခြင်း၊ ဘဝအဓိပ္ပာယ်ကို စိတ်ကူးနန့်လက်တွိ့ပေါင်းစပ်စေခြင်းစသည့် ဦးတည်ချက်တိဖြင့် ဟောပြောသွန်သင်ဆုံးမလေ့ဟိရေ။
ဖီလိုဆိုဖီပညာကို Jabalpur တက္ကသိုလ်တွင် သင်ကြားခရေ။ ၁၉၅၅ ခုနှစ်တွင် ထိုတက္ကသိုလ်မှ ဘီအေဘွဲ့ကိုရဟိခရေ။ Saugar တက္ကသိုလ်တွင် M.A ဘွဲ့ကို ၁၉၅၇ ခုနှစ်တွင် ထပ်မံရဟိခရေ။ သူ့မူလနာမည်မှာ ချန်ဒရာမိုဟန်ဂျိန်း (Chandra Mohan Jain) ဖြစ်ပြီး၊ သူ့ကိုနောက်ပိုင်းတွင် ရဂျ်နီးရှ် ဟူ၍ခေါ်ကတ်ရေ။ ဘဂဝံ ဆိုရေမှာ ဟင်ဒီဘာသာစကားအရ "နတ်ဘုရား" ဟူ၍အဓိပ္ပာယ်ရရေ။ အိန္ဒိယ တစ်နိုင်ငံလုံးလှည့်လည်လားလာပြီး သူ့အတွေးအခေါ်တိကို ဟောပြောပို့ချခပြီး Pune (Poona) တွင် တရားစခန်းတစ်ခုဖွင့်လှစ်ခရေ။ ၁၉၇၀ အစောပိုင်းမှစပြီး သူဧ့ယုံကြည်မှုဆိုင်ရာသဘောထား၊ စိတ်ဝိညာဉ်ပိုင်းဆိုင်ရာ လွတ်လပ်သည့်အမြင်၊ လက်တွေ့ကျသည့် လိင်မှုဆိုင်ရာ အတွေးရို့ကြောင့် ဥရောပနန့် အမေရိကနိုင်ငံတိ အပါအဝင် ဘာသာဝင်ပေါင်း ၂၀၀၀၀၀ ခန့်အထိတိုးပွားလာရေ။
သူ့ကို အိန္ဒိယနိုင်ငံ Kuchwada တွင်မွေးဖွားခရေ။ ၁၉၆၆ ခုနှစ်လောက်ကတည်းက တက္ကသိုလ်ကိုစွန့်ခွာကာ နိုင်ငံအနှံ့ လှည့်လည်ပြီး ဘာသာရီးဆိုင်ရာ သူ့အယူအဆတိကို လွတ်လပ်စွာ လှည့်လည်ဟောပြောပို့ချခရေ။ သူမကွယ်လွန်မီကာလအထိ သူ့တရား စခန်းသို့ ပြည်တွင်းပြည်ပမှ စိတ်ပါဝင်စားသူတိ ထောင်ရေင်းချီပြီး လာရောက်ဖူးမြော်ရင်း တရားနာခကတ်ရေ။
သူဧ့ Ashram တရားစခန်းတွင် တရားအားထုတ်နိုင်ခြင်း၊ စိတ်တင်းကျပ်မှုတိ ခံစားရမှုတိကို ပြေရာပြေကြောင်းရင်ဖွင့်နိုင်ခြင်း၊ စိတ်တည်ငြိမ်ရာ တည်ငြိမ်ကြောင်း ဆောက်တည်ခြင်းတိကို ပြုလုပ်နိုင်ရေ။ စိတ်ပိုင်းဆိုင်ရာပြုပြင်ပြောင်းလဲမှုတိ သွန်သင်ဆုံးမမှုတိကို လူကြိုက်တိလှအနိန်နန့် နောက်လိုက်တပည့်သာဝကတိ အတော်လေးတိုးပွားလာရေ။ အနောက်တိုင်းမှ တပည့်သာဝကတိဆိုကေ သူရို့ဧ့ နာမည်တိကို အိန္ဒိယသက္ကတဘာသာဖြင့် နာမည်ပြောင်းကတ်ရေအထိ ဩဇာတိက္ကမကြီးထွားခရေ။ ယင့်ချင့်ပိုင်နာမည်ပြောင်းလိုက်ခြင်းဖြင့် သူရို့ဧ့စိတ်ဓာတ်တိ အသစ်တဖန်ပြန်လည်မွေးဖွားလာပြီဟူပနာယူဆကတ်ရေ။ ၁၉၇၀ ကာလတိအတွင်း သူ့တရားစခန်းတွင် တရားလာ အားထုတ်နေသူအချင်းချင်း အယူအဆတိကွဲပြားကာ တိုက်ခိုက်မှုတိဖြစ်ပွားခရေ။ ရပ်ဂျ်နီးရှ်ကလည်း ဒေကမ္ဘာလောကကြီးတွင် သူဧ့ တပည့်သာဝကတိရာကေ လွတ်မြောက်ကျော်လွှားနိုင်ရေဟူ၍မြင်လာရေ။
၁၉၈၁ ခုနှစ်၊ ဇူလိုင်လတွင် အမေရိကန်နိုင်ငံ Oregon နယ် Big Muddy Ranch သို့ ရောက်လာပြီးအခြီချရေ။ ၁၉၈၅ ခုနှစ် တွင် ရပ်ဂျ်နီးရှ်ဘုံရွာကြီးတစ်ခုကို သူဧ့တပည့်တိနန့်ထူထောင်ပြီး စုပေါင်းလယ်ယာလုပ်ငန်းတိကို စုပေါင်းလုပ်အားဖြင့် အကောင်အထည် ဖော်ရန် ကြိုးစားတည်ဆောက်ခ ရေ။ သူ့စီမံချက်တိရေ ငွေကြေးဆိုင်ရာပြဿနာ၊ ဥပဒေနန့်နိုင်ငံရီးဆိုင်ရာအခက်အခဲ၊ အဆိပ်ခပ်ခြင်း တယ်လီဖုန်းကြားဖြတ်နားထောင်ခြင်းစသည့် စွပ်စွဲချက်တိကြောင့် အကောင်အထည်မဖော်နိုင်လောက်အောင်ဖြစ်လာရေ။ ရပ်ဂျ်နီးရှ်ရေ အမေရိကန်နိုင်ငံမှ ၁၉၈၅ ခုနှစ် နိုဝင်ဘာလတွင် လူဝင်မှုကြီးကြပ်ရီး ဌာနအားလိမ်လည်ရေဆိုရေ စွပ်စွဲချက်ဖြင့် ရှောင်တိမ်းခရရေ။ ကမ္ဘာအနှံ့ခြီဆန့်ပြီး မူလအက်ရှ်ရမ် တရားစခန်းသို့ ၁၉၈၇ ခုနှစ်တွင်ပြန်ရောက်လာရေ။ နောင် ၂ နှစ်အကြာတွင် သူ့နာမည်ကို အိုရှိုဟူပနာပြောင်းလိုက်ရေ။ အိုရှိုဆိုရေမှာ အဓိပ္ပာယ်အမျိုးမျိုးသတ်မှတ်နိုင်ကေလည်း သူက သမုဒ္ဒရာအတွင်း ဘဝတွေအားလုံး သက်ဆင်းကွယ် ပျောက်ခြင်းဆိုရေ အဓိပ္ပာယ်ကိုယူထားရေ။
အက်ရှ်ရမ်တွင် တပည့်သာဝကပေါင်း ၁၅၀၀၀ အထိတိုးပွားလာရေ။ သူကွယ်လွန်သည့် ၁၉၉၀ နောက်ပိုင်းတွင် သူ့ပည့်တိရေ အက်ရှ်ရမ်တွင်ဆက်လက်နီထိုင်ပြီး အိုရှိုနိုင်ငံတကာဘုံအဖွဲ့ကို တည်ထောင်ခကတ်ရေ။ ဂနိတိုင် သူ့ဝါဒ သူ့သဘောတရား၊ သူ့ဖီလိုဆိုဖီတိကိုလေ့လာရန် တရားစခန်းသို့လာရောက်ခြင်း၊ တရားထိုင်ခြင်း၊ တရားမှတ်ခြင်းတိပြုလုပ်နေဆဲဖြစ်ကြောင်းသိရရေ။