Wp/rki/အာလူးစားသူတိ
ပန်းချီကားကို ၁၈၈၅ ဧပြီလတွင် ဒတ်ချ်လူမျိုး ပန်းချီဆရာကြီး ဗင်းဆင့်ဗန်ဂိုးလ်မှ ရေးဆွဲခရေ။ ဂုအခါ ပန်းချီကားရေ နယ်သာလန်နိုင်ငံ၊ အမ်စတာဒမ်မြို့ဟိ ဗင်းဆင့်ဗန်ဂိုးလ်ပြတိုက်တွင်ထားဟိရေ။ ပန်းချီကားရေ စားပွဲတစ်ခုဧ ပတ်ပတ်လည်တွင် အာလူးစားနီကတ်ရေ တောင်သူလယ်သမားငါးယောက်ဧ ပုံကိုရေးဆွဲထားရေ ဆီဆေးပန်ချီကား တစ်ချပ်ဖြစ်ရေ။
ပန်းချီဧ ဆိုလိုရင်း[edit | edit source]
သုံးယောက်ဖို့ မိန်းချေတိဖြစ်ကတ်ပြီးကေ ကျန်နှစ်ယောက်ရေ ယောက်ျားလေးတိဖြစ်ကတ်ရေ။ ပန်းချီကားရေ တောင်သူလယ်သမားငါးယောက်ဧ ညစာကို လက်တိ့ဆန်ဆန် သဇာဝကျကျ ဖော်ပြထားခြင်းဖြစ်ရေ။ ငါးယောက်ထဲမှ အများစုရေ အာလူးစားနီကတ်ရေ။ ညာဘက်မှ အမျိုးသမီးကြီးရေ ကော်ဖီရောင်နန့် ဆင်တူရေ လက်ဖက်ရည်ကြမ်းကို ငှဲ့နီပြီးကေ အားလုံးဖို့ ဦးထုပ်တိ၊ ခေါင်းစည်းတိ၊ ထူပြီးကေရှည်ရေ အဝတ်အစားတိကို ဝတ်ဆင်ထားကတ်ရေ။ အားလုံးဖို့ အဖေို့င်ခန်းလေးထဲတွင် ဟိနီကတ်ရေ။ တစ်ခုတည်းရေအလင်းရောင်ဖို့ မျက်နှာကြက် ထုတ်တန်းတွင် တွဲလောင်းချထားရေ မီးအိမ်ချေမှ ဖြာကျနီရေ အလင်းရောင်ချေဖြစ်ရေ။ မီးအိမ်ချေရေ ပန်ချီကားဧ အလယ်တည့်တည့်လောက်တွင်ဟိနီပြီးကေ ဒေမီးအိမ်ချေကြောင့်ရာ တစ်ခန်းလုံးလင်းနီခြင်းဖြစ်ရေ။
ပန်းချီကားရေ အဖေို့င်ဆန်ရေ အရောင်တိသုံးထားရေ်ငြားလည်း တောင်သူလယ်သမားတိဧ မျက်နှာရေတောက်ပနီပြီးကေ ၎င်းရို့စိတ်ထဲဟိ ရောယှက်နီရေ အတွင်းစိတ်ခံစားမှုတိကို ဖော်ပြနီရေ။ မျက်နှာအမူအရာတိရေ တစ်ခုခုကိုအလေးအနက်ထားနီပြီးကေ တည်ငြိမ်နီရေကို တိ့ရရေ။ နောက်တစ်ချက်အနီနန့် ၎င်းရို့ မပျော်မရွှင်ဖြစ်နီရေကို ၎င်းရို့မျက်နှာတိမှ ဖော်ပြနီရေ။ မျက်နှာပေါ်တွင် တစ်ခုခုကို စိတ်ထဲဖို့ အကောင်းနန့်အဆိုးဒွန်တွဲပြီးကေ ဒွိဟဖြစ်နီပုံ၊ တစ်ခုခုကို မယုံကြည်ရေ ပုံမျိုးလည်းတိ့ရရေ။ အားလုံးရေ တစ်ယောက်နန့်တစ်ယောက် စကားပြောဆိုခြင်းမဟိ ၎င်းရို့အတိးကမ္ဘာလေးထဲတွင် တစ်ခုခုကိုတိးနီကတ်ရေ။
ယင်းရို့ရေ ကြမ်းတမ်းရေ ပုံစံမျိုးဟိနီပြီးကေ ဒေအရာဖို့လည်း လယ်သမားတိဧ အထင်ရှားဆုံး ဝိသေသလက္ခဏာတစ်ခုကို ပုံဖော်ထားခြင်းဖြစ်ရေ။ အာလူးစားရန် ဆန့်ထုတ်ထားရေ လက်တိကို ကြည့်ခြင်းအားနန့် အားလုံးရေ ပိန်ပြီးကေ အသားအရေဖို့လည်း ကြမ်းတမ်းနီရေကို တိ့ရရေ။ ယကေလည်းပုံစံတိရေ တမင်သက်သက် ပုံဖော်ယူထားရေ ပုံမပေါက်ရာ အရမ်းကိုသဇာဝဆန်နီရေ။ ဗန်ဂိုးလ်ရေ ဒေပန်းချီကားတွင် ဆင်းရဲသားတောင်သူတိဧ ကြမ်းတမ်းလှရေ သာမန်ဘဝလေးကို ပုံဖော်လိုရေဖို့ သိသာရေ။
အရောင်အသုံးပြုပုံ၊ အထားအသိုအခင်းအကျင်းနန့် ပန်းချီကားအပေါ် သက်ရောက်မှု[edit | edit source]
ပန်းချီကားတစ်ခုလုံးကို အဖြူအဖို့းသာ အသုံးပြုထားရေ။ အသုံးပြုထားရေ အရောင်တိဖို့ရေ ငြိုးငယ်ခြင်း၊ စိတ်ဓာတ်ကျခြင်းတိကို ဖော်ပြရေ အညိုရောင်၊ အနက်ရောင်ပိုင်ရေ အရောင်မှိန်မှိန်တိကိုသာ အဓိကအသုံးပြုထားရေ။ မြေကြီး အရောင်နန့် ဆင်တူရေ အညိုရောင်ရေ လယ်သမားတိဧ နီလောင်နီရေ မျက်နှာနန့် ကြမ်းတမ်းမှုကို အဓိကပုံဖော်ပီးထားရေ။ သူရို့တိဟာတစ်နီ့တစ်နီ့ နီရာင်အောက်ဖို့ အလုပ်လုပ် ကတ်ရရေအတွက်အညိုရောင်ကိုအဓိကအသုံးပြုပြီးကေ သူရို့ဧပုံကို ပုံဖော်ထားစော်ဖြစ်ပါရေ။ ဒေအရောင်တိ ကြောင့်ရာပန်းချီကားဟာလည်း အရမ်းကိုသဇာဝဆန်နီပါရေ။
ဒေပန်းချီကားဟာလက်တိ့ဆန်ပြီးကေနည်းနည်းလေးမှချဲ့ကားထားခြင်းမဟိရေပုံပေါက်နီပါရေ။ လယ်သမားတိယင့်နီ့စဉ်ဘဝကိုလဲ ကွင်းကွင်းကွက်ကွက် ကိုမြင်စေပါရေ။ သူရို့တိဧမျက်နှာတိကိုလည်း အသေး စိတ်ကြည့်ကြည့်လိုက်ပါ။ အပေါ်ကမီးအိမ်ဧအလင်းရောင်အလိုက် မျက်နှာပေါ်ဖို့ဖေို့င်ရေအခြမ်းကဖေို့င်နီပါရေ။ အရမ်းကိုအသေးစိတ်ပါရေ။
ဒေပန်းချီကားယင့်အထားအသိုအခင်းအကျင်းကလဲ လုံးဝကိုစနစ်ကျပါရေ။ သူရို့တိနီရာယူထားစော်ကို ကြည့်ခြင်းအားနန့် ပန်းချီကားဟာနှစ်ဘက်မျှတာကိုတိ့ရပါရေ။ စားပွဲဧတစ်ဘက်တစ်ချက်ဖို့ မျက်နှာချင်းဆိုင် ထိုင်နီရေ လူနှစ်ယောက်ဆီဟိရေ။ အလယ်ကကျောပီးထားရေ ကောင်မလေးက ထိုနှစ်ဖွဲ့ကို အလယ်ကနီ နှစ်ခြမ်းခွဲထားသယောင်ဖြစ်နီရေ။ သူရို့အားလုံးဟာ ပေါင်းစည်းရေပုံလည်းပေါက်ရေ။ သူရို့အားလုံးဟာ အရမ်းကပ်ကပ်ကြီးလဲ ထိုင်မနီကတ် ဘူး။ သက်တောင့်သက်သာလည်းဖြစ်ရေပုံပေါ်ရေ။ ပန်းချီကားတစ်ခုလုံးမှ ာအလဟဿနီရာမပါဘူး။ နီရာအားလုံးကို မျှတရေပုံစံဖြစ်အောင်ဆွဲထားရေ။
မျက်နှာကျက်ကလည်း လယ်သမားတိနန့်အရမ်းကိုနီးကပ်နီရေ။ အခန်းကအရမ်းကိုသေးပြီးကေတော့ ဟောင်းနွမ်းစုတ်ပြတ်နီရေ။ ထိုင်နီရေသူရို့တိကိုစာဖတ်သူစိတ်ထဲမှ ာမတ်တပ်တစ်ချက်လောက်ရပ် ခိုင်းကြည့်လိုက်ပါ။ အမိုးကအရမ်းနိမ့်နီတော့သက်တောက်သက်သာတော့ဟိဖို့မဟုတ်လောက်ဘူးနီာ်။ ဒေအမိုးနိမ့်နိမ့်လေးလုပ်ထားရေ အချက်ကရာ ပန်းချီကားကို တိတ်ဆိတ်ပြီးကေအေးအေးစက်ဖြစ်နီစေပါရေ။
သဇာဝကျမှု[edit | edit source]
ပန်းချီကားတွင်ပါဝင်ရေ လူ၊ နီရာ၊ ပစ္စည်း တိအားလုံးရေ တိကျမှန်ကန်ရေအပြင် သဇာဝဆန်လွန်းလှရေ။ လယ်သမားတိဧ ခန္ဓာကိုယ်အစိတ်ပိုင်းမှအစ အပိုအလိုမဟိ ပီပြင်အောင် ဂရုတစိုက် ရေးဆွဲထားရေကို တိ့မြင်ရရေ။ ယင်းရို့ဧ ပုံစံနန့် အာလူး၊ ခွက်၊ စားပွဲ တိကို သုံးဖက်မြင် ပုံစံနန့် ရေးဆွဲထားရေကိုလည်း တိ့ရရေ။ ဒေပိုင်ရေ အချက်တိမှလည်း ပန်းချီကားကို ပြီးကေပြည့်စုံအောင် ပံ့ပိုး ပီးနီရေ။ အသုံးပြုထားရေ အရောင်တိဖို့လည်း နီရာအလိုက် မှန်ကန်မှုဟိပြီးကေ လက်တိ့ဆန်ရေ။ အလုပ်ကြမ်းတိကို နီရောင်အောက်တွင် လုပ်ထားရရေကိုသိသာအောင် မျက်နှာနန့် လက်တိကို မြေကြီးအ ရောင်ဆန်ရေ အညိုရောင်ကိုသုံးထားရေ။
ပန်းချီကားဧ တစ်ခုတည်းရေအလင်းရောင်ကိုလည်း ထုတ်တန်းတွင်ဆွဲထားရေ မီးအိမ်ချေမှ နီယူထားရေ။ ယင်းချင့်အပြင် အလင်းအဖေို့င် အသုံးပြုထားရေဖို့လည်း အထင်ကြီးလောက်ပါရေ။ လူတိအပေါ်ဖို့ ထင်ရှားအောင်ရေးဆွဲထားခြင်းက နောက်ခံအရောင်တိနန့်လည်းကွဲပြားနီစေပါရေ။ ပြင်ပလက်တိ့ ဘဝဖို့ လယ်သမားမိသားစု ထမင်းဝိုင်းတစ်ခုကိုလားလည်လို့ အပြင်ဖို့မြင်ရရေအများုင်းဖြစ်အောင် အပြစ်ရှာမရအောင်ရေးဆွဲထားစော်ပါ။
အရောင်မှိန်မှိန်တိအသုံးပြုထားခြင်းကလဲ ဆင်းရဲသားမိသားစုဧဘဝကိုပီပီပြင်ပြင်ဖော်ပြနီပါရေ။ ပတ်ဝန်းကျင်သွင်ပြင်အခြီအနီ၊သူရို့တိဧစိတ်ခံစားမှုတိကိုလည်းအရောင်တိနန့်စနစ်တကျဖော် ပြခတာပါ။ ယင်းချင့်ကြောင့်လည်းရာဒေပန်းချီကားကြည့်လိုက်သူတိုင်းကို တကယ့်သဇာဝဆန်ရေလယ်သမား တိယင့်နိစ္စဒူဝဘဝကို မြင်သာစေတာပါ။ ဒေပန်းချီကားကအရမ်းကိုပြည့်စုံလွန်းလို့လည်း ကမ္ဘာကျော် ခတာပါ။ [၁]
ကိုးကား[edit | edit source]