Wp/rki/အသည်းကွဲခြင်း
အသည်းကွဲခြင်းရေ စိတ်ပိုင်းဆိုင်ရာ ခံစားရခြင်း တစ်မျိုးဖြစ်ရေ။ များရေအားဖြင့်ချစ်ဦးသူနန့် ကွေကွင်းရခြင်းကြောင့် ဖြစ်တတ်လီရေ။ ယင့်ချင့်အပြင် မိမိချစ်ခင်မြတ်နိုးရသူတိနန့် အကြောင်းအမျိုးမျိုးကြောင့် ကွဲကွာကြရရေအခါ အသည်းကွဲဝေဒနာကို ခံစားကြရလေ့ဟိရေ။ [1]
အသည်းကွဲဝေဒနာမှာ စိတ်ပိုင်းဆိုင်ရာခံစားရခြင်းဟု ဆိုနိုင်ကေလည်း ရုပ်ပိုင်းဆိုင်ရာ အကျိုးသက်ရောက်မှုတိကိုလည်း ဖြစ်ပေါ်စေကြောင်း တွိ့ဟိရရေ။ ယင့်ချင့်ကြောင့် အသည်းကွဲခြင်းရေ ကိုယ်စိတ်ကျန်းမာရီးကို ထိခိုက်စီနိုင်ရေဟု တနည်းဆိုနိုင်ရေ။
အသည်းကွဲခြင်းကြောင့် အလွန်အမင်း စိတ်ထိခိုက်ခံစားနီရရေ အချိန်တွင် ရင်ညွန့်နီရာနန့် ဝဲဘက်ရင်အုံနီရာတိတွင် နာကျင်ခြင်း၊ အောင့်ခြင်းတိကို ခံစားရလေ့ဟိရေ။
အသည်းကွဲခြင်းမှာ ခန္ဓာကိုယ်တွင်းဟိ အသည်းနှလုံး အမှန်တကယ် ကွဲအက်လားခြင်း မဟုတ်ကေလည်း နှလုံးသားအား အန္တရာယ်ဖြစ်စီနိုင်ရေ ဓာတ်သတ္တိတိကို ခန္ဓာကိုယ်မှ ပိုမိုထွက်ဟိစီရန် ဦးနှောက်မှ လှုံ့ဆော်မှုကို ဖြစ်စေရေဟု ဆိုထားရေ။ သုတေသနရလဒ်တိအရ ခန္ဓာကိုယ် ထိခိုက်ရေအချိန်တွင် လှုပ်ရှားနီရေ ဦးနှောက်အစိတ်အပိုင်းရေ အသည်းကွဲရေအချိန်တွင်လည်း လှုပ်ရှားဆောင်ရွက်နီရေဟုဆိုရေ။ ထို့အတွက်ကြောင့် ရင်ဘတ်အောင့်ခြင်း၊ နာကျင်ခြင်း ဝေဒနာတိကို ခံစားရခြင်းဖြစ်နိုင်ရေဟု ဆိုရေ။
အသည်းကွဲခြင်းကြောင့် လူမှုဆက်ဆံရီးနယ်ပယ်တွင် စိတ်ဖိစီးမှုတိနန့် စိတ်ဓာတ်ကျခြင်းတိ ကြုံတွိ့ရနိုင်ရေ။ အချို့သူတိရေ အသည်းကွဲဝေဒနာကို ခဏတာမျှသာ ခံစားရလေ့ဟိပြီးကေ ၎င်းတိမှာ များရေအားဖြင့်ချစ်ရသူတိနန့် ကွေကွင်းရခြင်းအပေါ်တွင် အကောင်းမြင်စိတ်နန့် ရှုမြင်တတ်ကတ်သူတိ ဖြစ်ကတ်ရေ။ ယကေလည်း ဒေပိုင့်ရေသူတိမှာ အနည်းစုသာဖြစ်ကတ်ပြီးကေ ကျန်သူတိမှာ စိတ်ဖိစီးမှုဒဏ်ကို ကာလတာရှည် ခံစားရလေ့ဟိရေ။
အိပ်မပျော်ဖြစ်ရခြင်းမှာလည်း အသည်းကွဲခြင်းဧ လက္ခဏာတစ်ရပ်ပင်ဖြစ်ရေ။ ချစ်သူစွောင်းဧ အကြောင်းအား မကြာခဏ စဉ်းစားမိနေခြင်း၊ အတွေးနယ်ချဲ့ပနာ နောင်တရမိနေခြင်းတိရေ အိပ်မပျော်ဖြစ်စေရရေ အကြောင်းတိဖြစ်ရေ။
အသည်းကွဲခြင်းဝေဒနာကြောင့် နှလုံးရောဂါ၊ စိတ်ကျရောဂါ၊ အိပ်မပျော်ရေရောဂါနန့် အခြားပြဿနာတိ ကြုံတွိ့ရနိုင်ရေအတွက်နိန့် ကျန်းမာရီးအတွက် အသည်းကြီးလှလီရေ။
အသည်းကွဲခြင်းဝေဒနာမှ ကေမြန်စွာ သက်သာလာစီရန် သင့်တင့်ရေအတွေးတိကို မွေးမြူကာ ကိုယ်လက်လှုပ်ရှားအားကစားခြင်းတိနန့် ကျန်းမာရီးညီညွတ်စီရေ အစာအာစွာရတိကို စားသုံးသင့်ကြောင်း အကြုံပြုထားကြလီရေ။
ကိုးကား[edit | edit source]