Wp/rki/အစာအိမ်ကင်ဆာ
အစာချေမှုဖြစ်စဉ်အများစုရေ အစာအိမ်တွင်ဖြစ်ပေါ်ပြီး တစ်စိတ်တစ်ပိုင်းကြေညက်ရေအစာတိကို အူမကြီးတစ်လျှောက် ရွေ့လားကာ အရီကြီးရေအာဟာရဓာတ်တိကို ခန္ဓာကိုယ်အတွင်းသို့ ပေါင်းစည်းလားဖို့ဖြစ်ရေ။
အမေရိကန်ပြည်ထောင်စုတွင် အစာအိမ်ကင်ဆာရေ 14 ခုမြောက် အဖြစ်အတိဆုံးကင်ဆာအဖြစ် ရပ်တည်နေပြီး ဂျပန်နန့် တရုတ်နိုင်ငံပိုင် အရှေ့အာရှနိုင်ငံတိတွင် အဖြစ်အတိဆုံးဖြစ်ရေ။ အငန် သို့မဟုတ် ချဉ်ရေ အစားအစာတိ အတိအပြားပါဝင်ရေ ၎င်းရို့ဧ အစားအစာကြောင့် ဖြစ်နိုင်ရေ။ အစာအိမ်ကင်ဆာရေ ထိုင်းနိုင်ငံတွင်လည်း အဖြစ်တိပါရေ။
အစာအိမ်ကင်ဆာဖြစ်ပွားမှုရေ အစာအိမ်အတွင်းဟိ microaerophilic ဘက်တီးရီးယားတစ်မျိုးဖြစ်သည့် Helicobacter pylori နန့် ဆက်စပ်မှုဟိကြောင်း လေ့လာမှုတိက ဖော်ပြခရေ။ အစာအိမ်အနာနန့် နာတာရှည်အစာအိမ်ရောင်ခြင်းရို့ကို ဖြစ်စေနိုင်စွမ်းဟိရေ။ H. pylori ဟိသူတိရေ အစာအိမ်ကင်ဆာ ဖြစ်နိုင်ခြေ ပိုတိရေ။ အစာအိမ်ကင်ဆာဧ 90% ကျော်ရေ ဂလင်းဆဲလ်တိနန့် အစာအိမ်နံရံဧ နံရံတိကြားတွင် တွိ့ဟိရရေ။ ဂလင်းတိနန့်ဆက်စပ်နီရေကင်ဆာတိကို adenocarcinoma ဟုခေါ်ရေ။ အစာအိမ်အတွင်း မူမမှန်မှုတိကြောင့် ဖြစ်ပွားနိုင်သည့် အခြားကင်ဆာအမျိုးအစားတိမှာ lymphoma နန့် squamous cell carcinoma ရို့ဖြစ်ရေ
ရောဂါလက္ခဏာတိ
[edit | edit source]အစာအိမ်ကင်ဆာရေ တိကျရေ သို့မဟုတ် သိသာထင်ရှားရေ လက္ခဏာတိ မပြတတ်ပါ။ လူနာတိရေ ဝမ်းဗိုက်အပေါ်ပိုင်းဧရိယာတွင် နာကျင်ခြင်း၊ အစာစားချင်စိတ်မဟိခြင်း၊ ဆက်တိုက်အန်ခြင်း၊ ဗိုက်အောင့်ခြင်း၊ အစာလျှော့စားခြင်းရို့ကို ခံစားရနိုင်ရေ။ အစာအိမ်ကင်ဆာဧ လက္ခဏာတိရေ အစာအိမ်အနာ သို့မဟုတ် အစာအိမ်ရောင်ခြင်းဧ လက္ခဏာတိနန့် ဆင်တူနိုင်ရေကြောင့် တိကျရေရောဂါယှာဖွီရန် ပိုပနာခက်ခဲပါရေ။
အခြားရေ လက္ခဏာတိမှာ သွီးအန်ခြင်း၊ အစာမျိုရခက်ခဲခြင်း၊ အကြောင်းရင်းမဟိဘဲ ကိုယ်အလေးချိန်ကျခြင်း၊ အားနည်းခြင်းနန့် ဝမ်းဖို့းလားခြင်းရို့ ဖြစ်နိုင်ပါရေ။
အစာအိမ်ကင်ဆာရေ အစောပိုင်းအဆင့်တွင် မသဲကွဲရေ လက္ခဏာတိနန့် ညွှန်ပြမှုတိကြောင့် ပျံ့နှံ့ပြီးရေနန့် မကြာမကြာ တွိ့ဟိရရေ။
Endoscope ရေ အစာအိမ်ကင်ဆာဧ တည်ဟိမှုနန့် အဆင့်ကို ဆုံးဖြတ်ရန် ရောဂါဖြစ်ပွားမှုဧ 95% တွင် ရောဂါယှာဖွီရန် ထိရောက်မှုဟိပါရေ။ အသစ်ရေနည်းလမ်းတိတွင် EVS နန့်အတူ Ultrasound ပါဝင်ပြီး ကင်ဆာရေ lymph node တိ သို့မဟုတ် အနီးတစ်ဝိုက်နီရာတိသို့ ပျံ့နှံ့လားခြင်း ဟိ၊ မဟိနန့် ပတ်သက်ပနာ အသေးစိတ်အချက်အလက်တိကို ပီးစွမ်းနိုင်ပါရေ။ အခြားရောဂါယှာဖွီရီးနည်းပညာတိတွင် ကင်ဆာရေ အရီ သို့မဟုတ် အဆုတ်ပိုင်ရေ အရီကြီးရေအင်္ဂါတိသို့ ပျံ့နှံ့လားခြင်းဟိမဟိကို ဆုံးဖြတ်ရာတွင်လည်း ထိရောက်ရေ X-ray နန့် PET/CT စကင်န်တိကို အသုံးပြုခြင်း ပါဝင်ရေ။
ကုသမှု
[edit | edit source]ခွဲစိတ်ကုသခြင်းတွင် Subtotal (တစ်စိတ်တစ်ပိုင်း) gastrectomy ပါဝင်ရေ- ဒေနည်းဖြင့် အစာအိမ်ဧ အစိတ်အပိုင်းကိုသာ ဖယ်ရှားပြီး၊ တစ်ခါတစ်ရံ အစာပြွန်ဧ တစ်စိတ်တစ်ပိုင်း သို့မဟုတ် အူသိမ်ဧ ပထမပိုင်းကို ဖယ်ရှားရေ။ အနီးနားဟိ lymph node တိကို တစ်ခါတစ်ရံတွင် အခြားရေ အနီးနားဟိ အင်္ဂါတိနန့်အတူ ဖယ်ရှားပါရေ။ အခြားရွီးချယ်စရာမှာ Total gastrectomy ဖြစ်ရေ- ဒေခွဲစိတ်မှုတွင်၊ ခွဲစိတ်ဆရာဝန်ရေ အစာအိမ်အားလုံးကို ဖယ်ရှားပီးရေ။ အနီးနားဟိ lymph node တိကို ဖယ်ရှားပြီး တစ်ခါတစ်ရံ သရက်ရွက်နန့် အစာပြွန်၊ အူလမ်းကြောင်း၊ ပန်ကရိယနန့် အခြားအနီးနားဟိ အင်္ဂါအစိတ်အပိုင်းတိ ကိုလည်း ဖယ်ရှားပီးပါရေ။
ကင်ဆာပြန့်ပွားရေလူနာတိတွင် ခွဲစိတ်ကုသမှုခံယူခြင်းရေ ဖြစ်ရပ် ၃ ခုတွင် ၂ ခုတွင် ပြန်ဖြစ်လေ့ဟိရေ။ ကင်ဆာရေ ပြန်တက်လာပြီး lymph node သို့မဟုတ် အရီကြီးရေ အင်္ဂါတိသို့ ပျံ့နှံ့လားနိုင်ရေ။
B1 အဆင့်နန့်အထက်တွင် အစာအိမ်ကင်ဆာအတွက် ဓာတုကုထုံးနန့် ဓာတ်ရောင်ခြည်ကုထုံးကို အကြံပြုထားရေ (ကင်ဆာရေ နံရံအလွှာတိ သို့မဟုတ် lymph node တိအထိ ပျံ့နှံ့လားရေ)။ ဓာတုကုထုံးနန့် ဓာတ်ရောင်ခြည် ကုထုံးတိ ပေါင်းစပ်ခြင်းရေ အောင်မြင်ရေ ကုသမှု အခွင့်အလမ်း ပိုတိရေ။
အစာအိမ်ကင်ဆာအတွက် ပုံမှန်ဓာတုကုထုံးတွင် 5-FU ကို သွီးကြောထဲသို့ leucovorin ထိုးဆီးဖြင့် တွဲဖက်အသုံးပြုခြင်း ပါဝင်ရေ။ ဘေးထွက်ဆိုးကျိုးတိတွင် ပျို့အန်ခြင်း၊ ဝမ်းလျှောခြင်း၊ အရီပြားပြောင်းလဲမှုနန့် ခံတွင်းအနာတိ ပါဝင်ရေ။ oxaloplatin နန့် epirubicin ပိုင်ရေ အခြားရေ ဓာတုကုထုံးဆီးဝါးတိကို သုတေသနပြုလျက်ဟိရေ။ ယကေလည်း 5-FU နန့် leucovorin ထိုးဆီးတိရေ အစာအိမ်ကင်ဆာအတွက် စံပြုကုသမှုဖြစ်ရေ။[1]