Wp/rki/အစာငြင်းစိတ်ဝေဒနာ
အစာငြင်းစိတ်ဝေဒနာ ရေ စားသောက်ပုံမူမမှန်ရေ စိတ်ဝေဒနာတမျိုး ဖြစ်ပြီး လက္ခဏာအနိန်နန့် ကိုယ်အလေးချိန်ကျခြင်း၊ အစာစားရန် ငြင်းခြင်း၊ ကိုယ်အလေးချိန်တက်ဖို့ကို စိုးခြင်း၊ ပိန်စီရန်အလွန်အမင်းလိုလားခြင်း၊ ကိုယ်ခန္ဓာအား စိတ်တိုင်းမကျခြင်းရို့ ပါဝင်ရေ။ [1] အရိုးငြမ်းဖွဲ့ပုံပျက်ခြင်း၊ သန္ဓေမအောင်ခြင်း၊ နှလုံးထိနိန်ချိန်ခြင်းအပြင် အခြားရောဂါတိဖြစ်အောင် ဖိတ်ခေါ်တတ်ရေ ရောဂါမျိုးတည်း။
ဒေဝေဒနာဟိသူရို့မှာ အမြဲပင် ဆာလောင်စိတ်ဖြစ်နီကေလည်း ယင်းစိတ်ကို ထိန်းချုပ်ရရေကပင် အရသာတွိ့နေတတ်ဧ။ မိမိကိုယ်ကို အလွန်ဝရေ ထင်ကေလည်း တကယ်တမ်းမူ အလေးမပြည့်။ [2] ယကေလည်း အလေးမပြည့်ခြင်းကို လက်မခံဘဲ လက်ဟိအနေအထားမှာ ကျင့်သုံးနီရေ အစာလျှော့မှုကြောင့်ဟု ယုံကြည်နေတတ်ရေ။ [3] အစာတဖဲ့ချေသာ စားခြင်း၊ အချို့အစားအစာကိုသာ စားခြင်းရို့ ပြုရေ။ အလွန်အမင်းကျင့်သုံးသူရို့မှာ စားပြီးကေ လက်နှိုက်အန်ရေပင် ပြုတတ်ဧ။ ဝမ်းနှုတ်ဆေး အမြဲစားကာ ပိန်စီရန်အားထုတ်ရေတိလည်း ဟိရေ။ အမျိုးသမီးရို့တွင် ရာသီအလာ ရပ်ရေပင် ဖြစ်တတ်ဧ။ အလွန်ဆိုးဝါးရေ ဖြစ်စဉ်ရို့တွင် ဝေဒနာသျှင်ရေ နေ့စဉ်စားရဖို့ကိုပင် မစားတော့ဘဲ စိတ်ရောဂါကုဆရာဝန်ဧ လမ်းညွှန်ချက်ကို လျစ်လျူရှုလီရေ။ ယင်းအခါမျိုးတွင် လူနာသျှင်ရို့ဧခွင့်ပြုချက်ဖြင့် အစာပိုက်သွင်းရတော့ရေ။ [4]
အစာငြင်းစိတ်ဝေဒနာဖြစ်ရခြင်းအကြောင်းခံကို မသိရသေး။ ယဉ်ကျေးမှုဆိုင်ရာလက်ခံချက်တိရေပင် အဓိကကဏ္ဍအဖြစ်ရေ။ ဝေဒနာသျှင်အချို့မှာ ပိန်ခြင်းကို ရောဂါတိခြင်းထက် တန်ဖိုးထားသည့် လူ့အသိုင်းအဝိုင်းရို့ကြောင့်ဖြစ်ရေ။အရင်အရင်လုပ်ဖို့လိုရေ ကစားခုန်စားနီရာတိ၊ ပျောင်းပျောင်းပျော့ပျော့ဖြစ်သင့်ရေ အကအလှနီရာတိတွင် အတွိ့များရေ။ [5]
ကိုးကား
[edit | edit source]- ↑ "What are Eating Disorders?". NIMH. Archived from the original on 23 May 2015.
- ↑ Attia E (2010). "Anorexia nervosa: current status and future directions". Annual Review of Medicine. 61 (1): 425–35.
- ↑ Diagnostic and statistical manual of mental disorders : DSM-5 (5 ed.). Washington: American Psychiatric Publishing. 2013. pp. 338–345.
- ↑ "Force-Feeding of Anorexic Patients and the Right to Die Archived 23 November 2020 at the Wayback Machine." (PDF).
- ↑ Arcelus J, Witcomb GL, Mitchell A (March 2014). "Prevalence of eating disorders amongst dancers: a systemic review and meta-analysis". European Eating Disorders Review. 22 (2): 92–101.