Wp/rki/အခြီခံအရောင်
အခြီခံအရောင် (primary color)[edit | edit source]
အရောင်ကို အနီ အဝါ အပြာ မှအခြီခံကာစတင်ဖြစ်ပေါ်လာရေ။ ယင့်ချင့်ကြောင့် အနီ အဝါ အပြာကို အခြီခံအရောင် (First color) ဟုခေါ်ရေ။
ဒုတိယအရောင်[edit | edit source]
အခြီခံအရောင် သုံးရောင်ကိုအချိုးဆတူပေါင်းစပ်ခြင်းနန့်ထပ်မံထွက်ပေါ်လာရေ color တိကို ဒုတိယအရောင် (secondary color) ဟုခေါ်ရေ။
ဥပမာ - အနီ+အဝါ =လိမ္မော်
၁ : ၁
အဝါ+အပြာ =အစိမ်း
၁ : ၁
အပြာ+အနီ =မရမ်း
၁ : ၁
ထပ်မံပြီးကေထွက်လာရေ လိမ္မော်၊ အစိမ်း ၊ မရမ်း ရို့ရေ ဒုတိယအရောင်တိ ဖြစ်ရေ။
တတိယအရောင်[edit | edit source]
အခြီခံအရောင် သုံးရောင်ကိုအချိုး၂ဆ၁ဆနန့်ပေါင်းစပ်ပါက တတိယအရောင် (Third color) ရဟိဖို့။
ဥပမာ - (၁) အနီ+အဝါ =နီလိမ္မော်
၂ : ၁
အနီနန့်အဝါကိုဆတူပေါင်းစပ်ပါက လိမ္မော်ရပြီးကေ အနီ၂ဆအဝါ၁ဆနန့်စပ်ရေအခါ နီလိမ္မော် အရောင်ကိုရဖို့ဖြစ်ရေ။
ဥပမာ - (၂) အနီ+အဝါ =ဝါလိမ္မော်
၁ : ၂
အနီ၁ဆအဝါ၂ဆနန့်စပ်ရေအခါ ဝါလိမ္မော် အရောင်ကိုရဖို့ဖြစ်ရေ။
ဥပမာ - (၃) အဝါ+အပြာ =ဝါစိမ်း
၂ : ၁
အဝါ၂ဆ အပြာ၁ဆနန့်စပ်ရေအခါ ဝါစိမ်း အရောင်ကိုရဖို့ဖြစ်ရေ။
ဥပမာ - (၄) အဝါ+အပြာ =ပြာစိမ်း
၁ : ၂
အဝါ၁ဆ အပြာ၂ဆနန့်စပ်ရေအခါ ပြာစိမ်း အရောင်ကိုရဖို့ဖြစ်ရေ။
ပြာစိမ်း အရောင်ဖို့ CMYK color mode ထဲမှ C (Cyan)ဧအရောင်ဖြစ်ရေ။
ဥပမာ - (၅) အပြာ+အနီ =ပြာမရမ်း
၂ : ၁
အပြာ၂ဆ အနီ၁ဆနန့်စပ်ရေအခါ ပြာမရမ်း(ခရမ်း) အရောင်ကိုရဖို့ဖြစ်ရေ။
ဥပမာ - (၆) အပြာ+အနီ =နီမရမ်း
၁ : ၂
အပြာ၁ဆ အနီ၂ဆနန့်စပ်ရေအခါ နီမရမ်းအရောင်ကိုရဖို့ဖြစ်ရေ။
နီမရမ်းအရောင်ဖို့ CMYK color mode ထဲမှ M (Megenta) ဧအရောင်ဖြစ်ရေ။
Third color - နီလိမ္မော် ၊ ဝါလိမ္မော် ၊ ဝါစိမ်း ၊ ပြာစိမ်း ၊ ပြာမရမ်း ၊ နီမရမ်း
First color ၊ Secondary color ၊ Third color အားလုံးပေါင်းကေအရောင်(၁၂) ရောင်ရဖို့။ထိုအရောင်(၁၂) ရောင်ကို (Hue) ရောင်စဉ်တိဟုခေါ်ရေ။
အရောင်ဧ လည့်ပတ်ပုံ (Rotate of Color)[edit | edit source]
အရောင်သီအိုရီဖို့ အနီမှစပြီးကေ CW(Colckwise) နာရီလက်တံအများုင်း လှည်ပတ်ရေ။
အနီ » နီလိမ္မော် » လိမ္မော် » ဝါလိမ္မော် » အဝါ » ဝါစိမ်း » အစိမ်း » ပြာစိမ်း » အပြာ » ပြာမရမ်း » မရမ်း » နီမရမ်း »
Hue Slide Bar အကြောင်း[edit | edit source]
Color picker box ထဲမှ color circle ကိုညာဘက်ဆုံးသို့ရွေ့ပါ။ Hue slide bar မှTraingle လေးကိုအောက်မှအပေါ်သို့ဖြည်းဖြည်းချင်းစီတက်ကြည့်ပါ။
အနီ » နီလိမ္မော် » လိမ္မော် » ဝါလိမ္မော် » အဝါ » ဝါစိမ်း » အစိမ်း » ပြာစိမ်း » အပြာ » ပြာမရမ်း » မရမ်း » နီမရမ်း » ..၎င်းအများုင်းအစဉ်လိုက်မြင်ရဖို့။
Hue slide bar ရေ Color Theoryဧလှည့်ပတ်ပုံအများုင်းစီစဉ်တကျထားခြင်းဖြစ်ရေ။Hue slide bar တွင် အရောင် ၁၂ရောင်သာပါရေ။
အဖြူ ၊ အနက်နန့် မီးခိုးတိ (Tone color)[edit | edit source]
Hue - ရောင်စဉ်
Saturation - အသွေးအနုအရင့်
Brightness - အလင်းအဖေို့င်
အဖြူ အနက် နန့် မီးခိုး ရို့ရေ အရောင်တိဟုခေါ်လို့မရပါ။၎င်းရို့အားTone color ဟုခေါ်ရေ။အဖြူ နန့် အနက် ကို Saturation ဟုခေါ်ရေ။
အရောင်တစ်ခု အား saturate ပြုလုပ်ခြင်းနန့် ထိုအရောင်မှ အနုအရင့် ဖြစ်လာခြင်းကိုခေါ်ရေ။
ဥပမာ - အနီရောင်ကို အဖြူဘက်ခြမ်းသို့ ရွေ့ကေပန်းရောင် (pink) အနက်ဘက်ခြမ်းသို့ရွေ့ကေနီညို (deep red) ကိုရဖို့ဖြစ်ရေ။ ထိုနည်းနန့် Hue ၁၂ရောင်လုံးအား saturate ပြုလုပ်ခြင်းနန့်နောက်ထပ်အရောင်ပေါင်းတိစွာရဟိဖို့ဖြစ်ရေ။
မီးခိုးရောင်တိ (Brightness)[edit | edit source]
မီးခိုးရောင် အား Brightness ဟုခေါ်ရေ။အဖြူ နန့် အနက်ပေါင်းကေမီးခိုးရဖို့။အဖြူ နန့် အနက် ကတ်ားဟိမီးခိုး အဆင့် သတ်မှတ်ချက်ဖို့ ၉ဆင့်ဟိရေ။
ဥပမာ - မီးခိုး ကို အဖြူဘက်ခြမ်းသို့ ရွေ့လျှင်Silver အရောင်ရပြီးကေ အနက်ဘက်ခြမ်းသို့ရွေ့ကေGray အရောင်ကိုရဖို့။
မီးခိုးဖို့အလင်းအဖေို့င်ဖြစ်သနန့် မီးခိုးဘက်သို့ လာရေအရောင်တိဖို့မှိုင်းရေ။အရောင်တိကို အနုအရင့် အလင်းအဖေို့င်တိပြုလုပ်ပီးခြင်းနန့် နာဖို့မသိနိုင်ရေအခြား color code တိစွာထွက်လာရေ။
ဆန့်ကျင်ဘက်အရောင်တိ (opposite color)[edit | edit source]
မျက်နှာချင်းဆိုင်တည့်တည့်တွင်ဟိရေ အရောင်ကို opposite color ဟုခေါ်ရေ။
ဥပမာ - အနီဧမျက်နှာချင်းဆိုင်အရောင်ဖို့ အစိမ်းဖြစ်သနန့် အနီနန့်အစိမ်းဖို့ opposite color ဖြစ်ရေ။
နီလိမ္မော် ဝါလိမ္မော် ရို့ပိုင်အရောင်တိဧ opposite color ကိုမသိပါက နာဖို့ကိုပြောင်းပြန်ပြန်လုပ်ကာတွက်ကြည့်လို့ရရေ။
ဥပမာ - နီလိမ္မော် ပြောင်းပြန်တွက်ကြည့်ပါ - လိမ္မော်ဧ opposite ဖို့ အပြာ ဖြစ်ပြီးကေ အနီဧ opposite ဖို့ အစိမ်း ဖြစ်ရေ။ယင့်ချင့်ကြောင့် နီလိမ္မော်ဧ opposite color ဖို့ ပြာစိမ်း ဖြစ်ရေ။
အနီ - အစိမ်း အဝါ - မရမ်း
အပြာ - လိမ္မော် နီမရမ်း - ဝါစိမ်း
နီလိမ္မော် - ပြာစိမ်း ဝါလိမ္မော် - ပြာမရမ်း
မိတ်ဖက်အရောင် (Harmony Color)[edit | edit source]
တစ်ခုကျော် Color တိရေ Harmony Color ဖြစ်ရေ။
ဥပမာ - အနီရောင် ဧတစ်ခုကျော်အရောင်ဖို့ မရမ်း နန့် လိမ္မော် ဖြစ်ရေ။ အရောင်တစ်ခုစီတွင် သူ့ဧမိတ်ဖက်အရောင်ဖို့ နှစ်ခုစီဟိရေ။
Cool Color & Hot Color[edit | edit source]
Color Theoryအတွင်းဟိအရောင်၁၂ရောင်ကို ၆ရောင်စီပိုင်းခြားကာ Cool & Hot ခွဲခြားထားရေ။
အဝါမှနီမရမ်းထိ (ဘယ်ဘက်ခြမ်း) ရေ Hot Color (အရောင်ပြင်း) ဖြစ်ရေ။
ဝါစိမ်းမှမရမ်းထိ (ညာဘက်ခြမ်း) ရေ Cool Color (အရောင်အေး) ဖြစ်ရေ။ [1]
ကိုးကား[edit | edit source]
- ↑ ပန်းချီသင်တန်းမှ