Wp/rki/သျှင်ပေါလု

စိန့်ပေါလ်(သျှင်ပေါလု)

စိန့်ပေါလ် (St.Paul)၊ သျှင်ပေါလု ရေ ယေရှုခရစ် နန့်ခေတ်ပြိုင်ပင် မွေးဖွားရေ။ ယကေလည်း ယေရှုခရစ်ထက် အသက်ငယ်ရေ ဟုခန့်မှန်းရေ။ အချို့က ဆောလ် (Saul) ဟုလည်းခေါ်ကတ်ရေ။ ခရစ်ယာန်ဘာသာတွင် ကျမ်းပြုအကျော်အမော်တစ်ဦးအဖြစ် အတိကအသိအမှတ်ပြုရေ။ တမန်တော်အဖြစ်နန့်လည်း ကျော်ကြားရေ။ ပေါလ်ကို ဂနိ တူရကီနိုင်ငံဖြစ်လာမည့် စီလီစီယာ(Cilicia)တွင် အေဒီ ၄ ခုနှစ်ခန့်ကဖွားမြင်ရေ။ရောမလူမျိုး နာမည်ခံ ဂျူးလူမျိုးဖြစ်ရေ။ ငယ်စဉ်ကပင် ဟီးဘရူးစာပေကို သင်ကြားတတ်မြောက်ခပြီး နာမည်ကျော် ဂျူးပညာပီးကြီး ဂါမာလီရယ်(Gamaliel)ထံတွင် တပည့်ခံရန် ဂျေရုဆလင်မြို့သို့လားရောက်နေထိုင်ခဖူးရေ။

ယေရှုခရစ် ကားစင်အတင်ခံရပြီး နောက်ဆက်တွဲဖြစ်ပေါ်လာသည့် အယူဝါဒသစ်ကို နှိပ်ကွပ်မှုတိတွင် နှိပ်ကွပ်သူတိဖက်မှ ရပ်တည်အားပီးခရေ။ တနည်းဆိုရလျှင် ခရစ်ယာန်ရို့ကို မိစ္ဆာအဖြစ် သတ်မှတ်သူအတိထဲတွင် ပါဝင်သူဖြစ်ရေ။ ယကေလည်း ဒမာစကပ်မြို့(Damascus) သို့လားရာ လမ်းတွင် ယေရှုခရစ်ဧ လာရောက်စကားပြောကာ ရွီးချယ်ရေဟုဆိုရေ။ ထိုအချိန်မှစကာ အယူသစ်ကိုကန့်ကွက်သူတစ်ဦးရေ ထိုအယူသစ်အား အကြီးဆုံး အကျိုးပြုသူဖြစ်လာခရေ။ ခရစ်ယာန်ဘာသာဝင်ဖြစ်လာပြီး ကွယ်လွန်ချိန်ထိတိုင် မနေမနား ဟောပြောရီးသားမှုရို့ကို ဆက်တိုက်ပြုလုပ်ခရေ။ သက်ဆုံးတိုင် ခရစ်တော်ကဲ့သို့ ကျင့်ကြံနေထိုင်လားပြီး နောက်လိုက်အင်အားတိစွာရခရေ။ ဂျူးလူမျိုးတိ နန့်ပတ်သတ်လျှင် ၎င်းဧဟောပြောမှုတိမှာ မထိရောက်ဟု ဆိုကေလည်း အခြားရေလူမျိုးတိအပေါ်တွင် တိစွာ ဩဇာညောင်းသဖြင့် သူ့ကို ဂျူးမဟုတ်ရေလူမျိုးအပေါင်းရို့ဧတမန်တော် ဟုပင်တင်စားခေါ်ဝေါ်ကတ်ရေ။

ရောမအင်ပါယာ အရှေ့ပိုင်းသို့ ခရီးဝီး သာသနာပြုခြင်းကို သုံးကြိမ်ပြုပြီး နောက်ဆုံးအကြိမ်ဂျေရူစလမ်မြို့ သို့ပြန်အရောက်တွင် ဖမ်းဆီးခံရရေ။ရောမသို့ တရားရင်ဆိုင်ရန် ပို့ဆောင်ခံရပြီး နောက်ဆက်တွဲကို တိကျသေချာစွာမသိရပေ။ ၆၄ ခုနှစ်၊ရောမအနီးအပါးတွင် ကွပ်မျက်ခံရရေဟုသာ အကြမ်းဖျင်းပြောနိုင်တော့ရေ။

သာသနာပြုရာတွင်

1. အမှန်ပင် ကိုယ်ကျိုးစွန့်အနှစ်နာခံသူဖြစ်ရေ။ နောက်ဆုံး အသက်ပါစွန့်ရေ။
2. ဓမ္မသစ်ကျမ်းတွင် အတိဆုံးပါဝင်ရီးသားသူဖြစ်ရေ။ အဓိကရီးသားသူလည်းဖြစ်ရေ။ ဓမ္မသစ် ၂၇ ခန်းတွင် ပေါလ်ရီးရေမှာ ၁၄ ခန်းထက်မနည်းဟု ဆိုရေ။ ယကေလည်း ဘာသာရီးနန့် သမိုင်းသုသေတီရို့ ငြင်းခုံဆဲဖြစ်ရေ။ မည်သို့ဆိုစေ ဓမ္မသစ်ကျမ်း ပေါ်ပေါက်ရီးကို ဦးဆောင်ရီးသားသူအဖြစ် ကျေးဇူးတင်ပီးကတ်ရေ။

တနည်းဆိုရလျှင် ယေရှုခရစ်လက်ထက်က နှုတ်ဖြင့် မြွတ်ကြားခသည့် အဆုံးအမရို့ကို ပေါလ်လက်ထက်ရောက်မှ စာပေအက္ခရာတင်ရေဟုလည်း ဆိုနိုင်ရေ။ ယင့်ချင့်ကြောင့် ခရစ်ယာန်ဘာသာဝင်တိက စိန့်ပေါလ်(သူတော်စင်ပေါလု၊သျှင်ပေါလု)ရေ ခေါ်ဝေါ်ကိုးကွယ်ကြခြင်းဖြစ်ရေ။

ရည်ညွှန်းကိုးကား

• ကျော်စွာ(၁၀၀)-ဒေါက်တာသန်းထွန်း