Wp/rki/သောမတ် ကရန်းမား
ဗြိတိသျှ နိုင်ငံသမိုင်းတွင် ထင်ယှားရေ ကန်တာဗါရီ ဂိုဏ်းချုပ် သောမတ် ကရန်း မားရေ ၁၄၈၉ ခု ဇူလိုင်လ ၂ ရက်နိတွင် နော့တင်ဂမ်ရှိုင်ယာနယ်တွင် ဖွားမြင်ရေ။ ကိမ်းဗရစ်တက္ကသိုလ်၊ ဂျီးဆပ် ကောလိပ်ကျောင်းတွင် ပညာသင်ကြားခပြီးနောက်၊ ၁၅၂၃ ခုနှစ်တွင် ဗရင်ဂျီဘုန်းကြီးအဖြစ်ကို ခံယူပြီးကေ တိမကြာမီ အယူ ဝါဒပညာရပ်ဆိုင်ရာ ပါရဂူဘွဲ့ကို ရလီရေ။ ယင့်ခါတွင်တက္ကသိုလ်၌ အယူဝါဒပညာရပ်ဆိုင်ရာ စာစစ်သူ ဖြစ်လာဧ့။
၁၅၂၉ ခုနှစ်တွင် ကရန်းမားရေ နယ်တစ်နယ်သို့ လားရောက်ခရာ၌ အဋ္ဌမ ဟင်နရီဘုရင်နန့် ကံအားလျော်စွာ တွေ့ဆုံ ခရေဟု ဆိုဧ့။ ယင့်ခါ အဋ္ဌမဟင်နရီဘုရင်ရေ ပထမမိဖုရား အာရဂွန် မင်းသမီး ကက်သရင်းကိုကွာပနာအန်းဗူးလင်း အား လက်ထပ်ရန်အရီးတွင် အယူဝါဒဆိုင်ရာ အချုပ်အတည်းတိကြောင့် စိတ်ရူပ်ထွီးနေခိုက် ဖြစ်လီရေ။ ကရန်းမားနန့် တွေ့ဆုံခရာတွင် ပထမမိဖုရားကို ကွာသျှင်းနိုင်ရေ နည်းလမ်း တိကို ကရန်းမားက ပြောပြခရေ။ ယင့်ခါတွင် ဘုရင်ရေ သဘောကျပနာကရန်းမားအား သူဧ့ထံတွင် အမှုထမ်းစေပြီး ကေ မိဖုရားကြီးကက်သရင်းအား ကွာသျှင်းနိုင်ရီးအတွက် ဆောင်ရွက်စေလီရေ။ ရှေးဦးစွာ ကရန်းမားရေ ကွာသျှင်း နိုင်ကြောင်းနန့် ကျမ်းစာတိမှ အထောက်အထားတိ ရယူပြီး နောက်၊ ကျမ်းတစ်စောင်တစ်ဖွဲ့ ပြုပြီးကေ ကိမ်းဗရစ်နန့် အောက်စဖို့ တက္ကသိုလ်တိသို့ တင်ပြဆွေးနွေးခလီရေ။ ၁၅၃ဝ ပြည့်နှစ်တွင် ရောမမြို့သို့ အင်္ဂလိပ်သံအဖွဲ့နန့်အတူ လားရောက်၍၊ မိဖုရားကြီးအား ကွာသျှင်းရီးကို ဇာချင့်တိပိုင် သဘောထားကြသောကို စနည်းနာခလီရေ။ ၁၅၃၁ ခုနှစ် တွင် ဥရောပတိုက် နိုင်ငံအသီးသီးဟိ တက္ကသိုလ်တိသို့ လား ရောက်ကာ မိဖုရားကြီးနန့် ကွာသျှင်းရီးကို ဝါဒ ဖြန့်ယင်း၊ ထိုကိစ္စတွင် မည်သို့သဘောထားသောကို စုံစမ်းခလီရေ။ [1]
ကိုးကား
[edit | edit source]- ↑ မြန်မာ့စွယ်စုံကျမ်း၊ အတွဲ(၁)