Wp/rki/သစ်ပိုး
သစ်ပိုးဟုခေါ်ရေ ပိုးတစ်မျိုးကို ဥယျာဉ်ခြံ တိထဲတွင် တွိ့မြင်ရတတ်ရေ။ ထိုသစ်ပိုးမျိုးရေ ပိုးမွှားငယ်တိ၊ ပိုးနသံကောင်တိနန့် ခပ်ဆင်ဆင်တူကေလည်း အမှန်စင်စစ် ကရပ်စတေးဆီး မျိုးပေါင်းတွင် အပါအဝင် ဖြစ်ရေ။
မျိုးစဉ်မှာ အိုင်ဆိုပိုဒါဖြစ်ရေ။ အလျား လက်မဝက်ခန့် ဟိပနာ ခြောက်ခြောက် အခွံမာဖုံးအုပ် လျက် ဟိရေ။ သစ်ပိုးတိကို ကျောက်တုံးကျောက်ခဲတိ၊ သို့မဟုတ် သစ်ဆွီးအောက်တိတွင်၎င်း၊ သစ်ပုတ် သစ်ဆွီးရို့အထဲတွင်၎င်း တွိ့နိုင်ရေ။ အခြား အိုက်ဆိုပိုဒါ တိ ဖြစ်ရေ အကောင်ရို့နန့် မတူရေ အချက်မှာ ထိုသစ်ပိုးမျိုးရေ ကုန်းပေါ်၌နေနိုင်ပနာ လီကိုရှှုနိုင်ခြင်းဖြစ်ရေ။ ထိုသစ်ပိုးမျိုးတွင် ခြီအစုံ ခုနစ်စုံပါဟိပနာ အားလုံးမှာ တညီတညွတ်တည်း ဖြစ်ကတ်ရေ။ ခြီထောက်တိကို အမှတ်မဲ့ ကြည့်ကေ ကိုယ်နံဘေးမှ ထွက်နီရေဟု ထင်ရကေလည်း အမှန်စင်စစ် ရင်ဘတ်ဆီမှ ဖြာထွက်နီကတ်ခြင်းသာ ဖြစ်ရေ။ခြီထောက်တိအပြင် ခေါင်း၌ အမ္မွေးအမှင်တိလည်းဟိပြီးကေ အမြင်သန်ရေ မျက်စိတစ်စုံလည်း ဟိရေ။ ဝမ်းပိုက်အာက်တွင် အပြားချပ်ကလေးတိပိုင်ဖြစ်နီရေ အဂ‡ါရို့ ဟိရေ။ ထိုအဂ‡ါရို့ဖြင့် အသက်သျှင်နေနိုင်ရန် လေကိုရှှုကတ်ရေ။
သစ်ပိုးအမရို့ရေ ဥတိကို အခြားနီရာတိတွင် ဇာအခါမျှ အုမချဘဲ ရင်ပတ် အောက်၌ဟိရေ အိတ်ထောင့်ငယ်ထဲသို့သာ ဥထည့်ကတ်ရေ။ ဥမှ ပေါက်လာ သည့် သစ်ပိုးအကောင် ငယ်လေးတိရေ အကောင်ကြီးတိ နန့် နောက်ဆုံး ခြီအစုံတစ်စုံမပါသည့် အချက်မှလွဲပနာ သဏ္ဌာန် ချင်း တထေရာတည်းပင် တူကတ်ရေ။ ထိုအကောင်ချေရို့တွင် ပထမဆုံးအကြိမ် အရီလဲပြီးမှ ခြီထောက် ခုနစ်စုံ ပြည့်လာရေ။
သစ်ပိုးကောင်ချေတိ ကြီးထွားလာပုံမှာ ကကောင်း လျင်မြန် လှဧ။ယင့်ချင့်ကြောင့် ဥယျာဉ်အတွင်းဟိ သစ်ပင်ရို့မှ အဆီအနှစ်တိကို မမြန်ဆဆန် စားသုံးတတ်ကြအတွက်နန့် ထိုသစ်ပိုးရို့အား အထူးဂရုစိုက်ပနာ သုတ်သင်ပစ်ရန် လိုအပ်လီရေ။ သစ်ပိုးရေ နီရောင်မကြိုက် အတွက်နန့် ညဉ့်အချိန်တိ၌သာ ထွက်လေ့ဟိရေ။
ရိုးရိုးသစ်ပိုးအပြင် အခြား သစ်ပိုးတစ်မျိုးလည်း ဟိသေးဧ။ ထိုအမျိုးရေ ပိုးနသံကောင်ပိုင်သူရို့အား ထိလိုက်ကေ ခွေလိပ် လားတတ်ကတ်ရေ။ ယကေလည်း သူရို့ကား ပိုးနသံကောင်တိ မဟုတ် ကြချေ။[1]
ကိုးကား
[edit | edit source]- ↑ မြန်မာ့စွယ်စုံကျမ်း၊ အတွဲ(၁၃)