Wp/rki/လဲ့ဆန်းဗုဒ္ဓရုပ်ပွားတော်

လဲ့ဆန်းဗုဒ္ဓရုပ်ပွားတော်

လဲ့ဆန်းဗုဒ္ဓရုပ်ပွားတော် (အင်္ဂလိပ်: Leshan Giant Buddha; ရိုးရှင်းတရုတ်: 乐山大佛; ရိုးရာတရုတ်: 樂山大佛; ပင်ယင်: Lèshān Dàfó) ရေ ၂၃၃ ပေ (၇၁ မီတာ) ရှည်ရေ ကျောက်ဆင်းတု ဖြစ်ရေ။ ထန် မင်းဆက်ကာလ ၇၁၃ နန့် ၈၀၃ အကြားမှာ တည်ခရေ။ ကျောက်ထရံကို မျက်နှာပုံစံ ထွင်းထုထားရေ။ တရုတ်နိုင်ငံ တောင်ပိုင်း စီချွမ်ပြည်နယ်ဟိ မင်မြစ်နန့် တာ့တုမြစ်ရို့ ဆုံရာမှာ တည်ဟိရေ။ ကျောက်ဆင်းတုရေ အော်မေတောင်နန့် မျက်နှာချင်းဆိုင်ကာ တည်ဟိရေ။ မြစ်ရေရေ ရုပ်ပွားတော်ဧ ခြေတော်တိအောက်မှ စီးဆင်းပြီးကေ ဟိရေ။ ကမ္ဘာပေါ်မှာ အကြီးဆုံးနန့် အရှည်ဆုံး ဗုဒ္ဓကျောက်ဆင်းတု ဖြစ်ရေ။

အော်မေတောင် သဘာဝနီရာရေ လဲ့ဆန်းရုပ်ပွားတော် ဟိရေ နီရာဖြစ်ရေ။ ယင်းနီရာကို ယူနက်စကိုက ကမ္ဘာ့အမွေအနှစ်နီရာတစ်ခုအဖြစ် ၁၉၉၆ ခုနှစ်ကတည်းက သတ်မှတ်ခရေ။

ထိခိုက်ပျက်စီးမှု

ရုပ်ပွားတော်ရေ လျင်မြန်စွာ တိုးတက်လာရေ နယ်ပယ်မှ ထုတ်လွှတ်ရေ ညစ်ညမ်းမှုတိကို ခံခရရေ။ ဆင်ဟွာသတင်းအေဂျင်စီက ယင်းဒေသဟိ တရုတ်နိုင်ငံဟိ သဘာဝနန့် အမွေအနှစ်နီရာတိ၊ လဲ့ဆန်းရုပ်ပွားတော်ရို့ရေ ရာသီဥတု၊ လေညစ်ညမ်းမှု၊ ခရီးလားထူထပ်မှုရို့ကြောင့် ထိခိုက်ပြီးကေဟိရေဟု ဆိုရေ။ အစိုးရကမူ ပြန်ပနာထိန်းသိမ်းရေ လုပ်ငန်းတိဆောင်ရွက်ဖို့ဟု ကတိပေးခရေ။

အရွယ်အစား

ရုပ်ပွားတော်ဧ ခြေဖဝါးတော်တစ်ဖက်နားမှာအမျိုးသားတစ်ဦးကို တွေ့ရပုံ

၂၃၃ ပေ မြင့်မားရေ ရုပ်ပွားတော်ရေ ဗုဒ္ဓမြတ်စွာဘုရား ထိုင်းနီရေပုံစံ ဖြစ်ရေ။ လက်ချောင်းတိရေ ဒူးခေါင်းပေါ်သို့ တင်ထားရေ။ ပခုံးတိရေ ၂၈ မီတာ ကျယ်ရေ။ အငယ်ဆုံးခြေရေးရေ ထိုင်းနီရေလူတစ်ယောက် အလွယ်တကူ ဝင်ဆံ့ရေ။

ရုပ်ပုံတိ

• 
  မြစ်ထဲကတ် မြင်ရရေ ရုပ်ပွားတော်
• 
  ရုပ်ပွားတော် ဘယ်ဘက် ကျောက်ချောက်ကမ်းပါး
• 
  အောက်ခြီမြေပြင်မှ မြင်ရရေ ရုပ်ပွားတော်
• 
  ရုပ်ပွားတော်ကို အထက်စီးမှ မြင်ရရေ ပုံစံ
• 
  ဦးခေါင်းတော်ကို လှေကားထက်မှ မြင်ရပုံ
• 
  ရုပ်ပွားတော်သို့လားရာ ကွေ့ကောက်ရေ လမ်း