Wp/rki/လေထီးဦးကျော်ရင်
လေထီး ဦးကျော်ရင် (အေဒီ၁၉၁၆ – ၁၉၆၆)၁၉၁၆ ခု၊ ဒီဇင်ဘာလ ၇ ရက်တွင် အဖ ဦးဖိုးဦး၊ အမိ ဒေါ်မြရင် ရို့ က ရခိုင်ပြည်နယ် ။ သံတွဲမြို့၌ မွေးဖွားခရေ။ တဦးတည်းရေ သားဖြစ်ရေ။ သံတွဲ အေဘီအမ် ကျောင်း၊ အစိုးရ အထက်တန်းကျောင်း၊ ရန်ကုန်တက္ကသိုလ်ရို့တွင် ပညာသင်ကြားခရေ။ ၁၉၅ဝတွင် ဝိဇ္ဇာ စာမေးပွဲ အောင်ခရေ။
ဒုတိယ ကမ္ဘာစစ်အတွင်း မန်းဝင်းမောင် (နောင် သမ္မတကြီး ဖြစ်လာခသူ)၊ ဦးအုန်းမောင်(လေထီး) ရို့နန့် အတူ အိန္ဒိယသို့ခြေကျင် သွားရောက်ပနာ ဖက်ဆစ် တော်လှန်ရေးအတွက် ကြိုးပမ်း ဆောင်ရွက်ခပြီး၊ ဖက်ဆစ် တော်လှန်ရေးကာလတွင် မြန်မာပြည်တွင်းသို့ လေထီးဖြင့် ခုန်ဆင်းကာပါဝင် ဆင်နွှဲခရေ။
စစ်ပြီးစ မန္တလေး မတပလ ဖွဲ့စည်းရေး အတွက် ဦးဆောင် ပါဝင်ခရေ။ ရန်ကုန် တက္ကသိုလ် သမဂ္ဂ အမှု ဆောင်၊ဗမာပြည် ကွန်မြူနစ်ပါတီ ဗဟိုကော်မတီဝင် (၁၉၄၅)၊ ဖဆပလ ဗဟိုဦးစီး အဖွဲ့ဝင်(၁၉၄၆)ရို့အဖြစ် နိုင်ငံရေး တာဝန်တိကို ထမ်းဆောင်ခရေ။
ရန်ကုန် တက္ကသိုလ် မြန်မာစာ ဌာန ကထိက (၁၉၅ဝ – ၁၉၆၃)၊ ပဲခူးဆောင် အဆောင်မှူး၊ မော်စကို တက္က သိုလ် မြန်မာစာ ဧည့်ပါမောက္ခ (၁၉၆၃ – ၆၅)၊ ရန်ကုန်တက္ကသိုလ် အုပ်ချုပ်ရေးမှူး၊ တက္ကသိုလ်တိ အုပ်ချုပ် ရေးအဖွဲ့ ဒုတိယ ညွှန်ကြားရေးမှူး၊ မန္ဈလေး ဝိဇ္ဇာသိပ္ပံ တက္ကသိုလ် ပါမောက္ခချုပ် (၁၉၆၅ နိုဝင်ဘာ – ၁၉၆၆ မတ်) အဖြစ် ဆောင်ရွက်ခရေ။
၁၉၆၅ (မြန်မာ သက္ကရာဇ် ၁၃၂၇) ခု၊ မန္တလေး ဓမ္မဗိမာန် စာဆိုတော်နိ့ အခမ်းအနားတွင်သဘာပတိအဖြစ် ဆောင်ရွက်ရင်း၊ “ဆင်သွားရင် လမ်းဖြစ်တယ်” ဟု ဆိုကာ စကားပြောဟန်ဖြင့် စာရေးနည်းသစ်ကို ထောက် ခံခရေ။
ဘာသာရပ်ဆိုင်ရာ ပါမောက္ခတိနန့် တိုင်ပင်ကာ မန္တလေး တက္ကသိုလ်တွင် သမိုင်းနန့် မြန်မာစာ ပါရဂူဘွဲ့ သင်တန်းတိ ဖွင့်လှစ်နိုင်ရန် ကြိုးပမ်းဆဲ ရန်ကုန် ပညာရေး သုတေသန ဆွေးနွေးပွဲကို တက်ရောက်နီခိုက် ၁၉၆၆ ခု၊ မတ်လ ၃ဝ ရက်တွင် ကွယ်လွန်ခရေ။ ကွယ်လွန်ချိန်တွင် ဇနီး ဒေါ်ဖြူဖြူနန့် သားသမီး ၂ ယောက် ကျန်ရစ်ခရေ။
ပါမောက္ခ ဦးကျော်ရင်ရေ ‘နယ်ချဲ့စစ်မှ လူထုစစ်သို့’ (၁၉၄၆) ဘာသာပြန် စာအုပ်နန့် ‘သာသနာတဝက် ငရဲခန်း’၊ ‘ဝိသာခါလေ မယ်ခါလော’ နန့် ‘မိဘဂုဏော အနန္တော’ ပြဇာတ်တိရို့ကို ရေးသားခပြီး၊ ‘ရခိုင်မင်း သမီး ဧချင်း’ နန့် ‘နေမိငရဲခန်းပျို့’ ရို့ကို တည်းဖြတ်ခရေ။
ကိုးကား
[edit | edit source]The Dream Crystals Publishing House က ၁၉၉၉ ခုနှစ်မှာ ထုတ်ဝေ ဖြန့်ချိခေရ နေထွတ်ဧ့ ‘မန္တလေး အဘိဓာန်’