Wp/rki/လက်

Hand
The back (left) and front (right) of the two hands of a male human
X-ray of human hand
အသေးစိတ်
သွေးပြန်ကြော	Dorsal venous network of hand
အာရုံကြော	Ulnar, median, en:radial nerves
လက်တင်	Manus
Anatomical terminology [ဝီကီဒေတာ တည်းဖြတ်]

လူဧ စိတ်ဆန္ဒအရ အမျိုးမျိုး လှုပ်ရှားလုပ်ကိုင်နိုင်စွမ်းဟိရေ ကိုယ်ခန္ဓာဧ အလွန်အသုံးဝင်သည့် အစိတ်အပိုင်းမှာ လက်ဖြစ်ပါရေ။ လူရို့ဧ လက်နန့် တိရစ္ဆာန်ရို့ဧ လက်ရေ ကကောင်းကွာခြားပါရေ။ လူနန့် အတူဆုံး အနီးစပ်ဆုံးလို့ပြောကတ်ရေ လူဝံပင် လူပိုင်လက်ကို စိတ်လိုရာအသုံးပြုနိုင်ရေ ဂုဏ်သတ္တိမဟိပါ။ အပူ အအီး၊ နာကျင်မှု စရေ အာရုံရို့ကို အချေတိလောက်ပင် သိလွယ် ထိလွယ်ခြင်းမဟိပေ။ ယင်းပိုင်ဖြစ်ရခြင်းမှာ လူဧ ဦးနှောက်မှာ တိရစ္ဆာန်ဧဦးနှောက်ထက် အသိဉာဏ်အရာတွင် ပိုပနာကောင်းရေအတွက်ကြောင့်ဖြစ်ရေ။

လက်ဖဝါးအရီပြားအောက်တွင် အဖုမွှားတိဟိဧ။ ထိုအဖုမွှား တိတွင် ဦးနှောက်မှလာရေ နာဗ်ကြောတိသန်နီရေ။ လက်ရေ အလွန် အံ့ဩဖို့ကောင်းရေ အင်္ဂါအစိတ်အပိုင်းတစ်ခုဖြစ်ရေဆိုကေလည်းသော မမှားနိုင်ပါ။ လက်ဧ ဖွဲ့စည်းထားပုံနန့် အသုံးဝင်ပုံရို့မှာ အတော်ပင် ဆန်းကြယ်လီရေ။ ပခုံးနန့် လက်မောင်းရေ ဆုံလည်ဆက်သဘောမျိုးဖြင့် ဆက်နီရေ။ လက်မောင်းနန့် လက်ရုံးရေလည်း ပတ္တာဆက်ပိုင်ဆက်ထားရေ။ ထိုနီရာကို တံတောင်ဆစ်ဟုခေါ်ရေ။ လက်မောင်းတွင် အရိုးကြီး တစ်ချောင်းသာဟိကေလည်း လက်ရုံးတွင် လက်ဖျံရိုးကြီး၊ လက်ဖျံရိုးငယ်ဆိုပနာ အရိုးနှစ်ချောင်းဟိရေ။ လက်မောင်းရိုးကား အဖျားကြီးပနာ လုံးပြီးကေ တံတောင်ဆစ်ဖက်သို့ ကျရေအခါ တဖဲ့ချေ ပြားပနာနီရေ။ ထိုမှလွန်ကေ အရိုးလေးခုစီ နှစ်တန်းပေါင်း အရိုးရှစ်ခုဟိရေ လက်ကောက် ဝတ်ရိုးဟိရေ။ လက်ဖဝါးတွင်မူကား လက်ဖဝါးရိုး ငါးချောင်းဟိရေ။ ထိုအရိုးငါးချောင်းမှ လက်ချောင်းငါးချောင်း သွယ်ပနာဆင်းနီရေ။ ထိုလက်ချောင်း ငါးချောင်းရို့တွင်လည်း အရင်းဆစ်ရိုးငါးခု၊ အလယ်ဆစ်ရိုး လေးခုနန့် အဖျားဆစ်ရိုး ငါးခုဟူပနာ အဆစ်ရိုးကလေးပေါင်း ၁၄ ခု ဟိရေ။ လက်မတွင် အလယ်ဆစ်ရိုးမဟိချေ။ ထိုအဆစ်ကလေးတိရေ ပျော့ပျောင်းရေ အရွတ်တိနန့် ဆိုင်းလျက်ဟိရေ။ လက်မောင်းရိုး၊ လက်ဖျံရိုး၊ လက်ကောက်ဝတ်ရိုး၊ လက်ဖဝါးရိုးနန့် လက်ဆစ်ရိုးစရေရို့မှာ ပြွန်ပိုင်ခေါင်းပွဖြစ်ပနာ အတွင်း၌ ခြင်ဆီနန့် ပြည့်နေလီရေ။ လက်ကို လှုပ်ရှားစီနိုင်ရေ ကြွက်သားစိုင်ရို့ရေ တိရေအားဖြင့် လက်ရုံးတွင်ဟိကတ်ရေ။ ထိုကြွက်သားစိုင်ရို့ကို ခိုင်မာရေ ကြွက်သားကြောတိက လက်ရိုးတိဖြင့် ဆက်ပနာပီးထားရာ အကျွန်ရို့ဧ လက်ချောင်းတိကိုချိုးကြည့်ကေ ထိုကြွက်သားကြောတိအား မျက်စိနန့်လည်း မြင်နိုင်ပနာ လက်နန့်လည်း စမ်းသပ်တွိ့ဟိနိုင်ရေ။ လက်တိကို အထက် အောက်သို့လည်းကောင်း၊ ဝဲယာသို့လည်းကောင်း လှုပ်ရှားပီးရေအခါ လက်ပြင်ရိုးနန့် လက်မောင်းရိုးရို့ရေ ချွတ်ချော်တိမ်းပါးလားခြင်းမဟိချေ။ ဇာကြောင့်ဆိုကေ ထိုအရိုးနှစ်ခုမှာ ဆုံလည်ဆက် သဘောမျိုးဖြင့် ဆက်နေခြင်းကြောင့်တစ်ကြောင်း၊ ကြွက်သားကြောရို့ဖြင့် ဆိုင်းလျက်ဟိခြင်း ကြောင့်တစ်ကြောင်းဖြစ်ရေ။ အရိုးတစ်ခုနန့်တစ်ခု ပွတ်တိုက်ရာတွင် မပွန်းမပဲ့စေခြင်းငှါ အရိုးတိတွင် အရိုးနုတစ်ထပ် ခံလျက်ဟိလီရေ။ အရိုးအဆစ်တိုင်း၌လည်း အမြှေးတစ်ထပ် အုပ်လျက်ဟိရေ။ ယင်းအမြှေးတွင် အဆီဖြင့် ပြွမ်းလျက်ဟိဧ။ ထိုအဆီရေ အမြဲစွတ်စိုစေးချွဲနီရေ ကြောင့်လည်း လက်ကိုအမျိုးမျိုးလှုပ်ရှားရာတွင် ပိုပြီးကေပြေပြစ်စီရေ။ လက်တွင် လက်မအသုံးဝင်ပုံမှာ အတော်ပင် ဆန်းကြယ်ဧ။ လက်မရေ ကိုင်တွယ်ကောက်ယူရာ၌ ဇာလက်ချောင်းဖြင့် ကောက်ရေဖြစ်စီ သူကဖေးမပီးရရေ။ သူမဟိက ကိုင်တွယ်ပနာမဖြစ်နိုင်ချေ။