Wp/rki/ရောဂါဗေဒ
ရောဂါဗေဒ (အင်္ဂလိပ်: Pathology) ရေ ရောဂါတိကို ကြောင်းကျိုးဆက်နွှယ်စွာ လေ့လာသည့် ဘာသာရပ်တစ်ခု ဖြစ်ပြီး ဆီးပညာနန့် ရောဂါယှာဖွီခြင်းရို့တွင် အဓိကပါဝင်ပတ်သက်နီရေ ပညာရပ်ဖြစ်ရေ။ ရောဂါဗေဒ ဆိုရေ စကားလုံးရေ ယေဘူယျအားဖြင့် ရောဂါတိကို လေ့လာခြင်းဖြစ်ပြီး ဇီဝသိပ္ပံ သုတေသနလုပ်ငန်းတိနန့် ကျန်းမာရီးဆိုင်ရာ လုပ်ငန်းတိတွင် ပူးပေါင်းပါဝင်လျက်ဟိရေ။
ရောဂဗေဒရေ သဘာဝသိပ္ပံပညာမှ ခွဲထွက်ရေပညာ ရပ် ဖြစ်ရေ။ ဒေပညာရပ်ရေ လူတိရစ္ဆာန်ရို့၌ ဖြစ်တတ် ရေ ရောဂါဟူသရွေ့ကို ယှာဖွီလေ့လာပြီးကေ ရောဂါဖြစ်ပေါ် ခြင်းဧ အကြောင်းရင်းနန့် မည်ပိုင်ရောဂါဖြစ်ပေါ်ခြင်းဧ အကြောင်းရင်းနန့် မည်ပိုင်ာဂါ ဖြစ်ပေါ်လာခရေကို သိပ္ပံနည်းနန့် လေ့လာရေ ပညာရပ်လည်း ဖြစ်ရေ။
မနုဿရောဂဗေဒရေ လူသားရို့၌ ဖြစ်တတ်ရေ ရောဂါဟူသရွေ့ကို ကာယဘေဒ၊ ဇီဝကိစ္စဗေဒနန့် ဇီဝဓာတုဗေဒ ရို့အပေါ်တွင် မူတည်ပနာ ယှာဖွီလေ့လာခြင်းကို ဆိုလိုလီရေ။ လူသားတိရေ ယဉ်ကျေးမှုတိုးတက်လာသည့်အချိန်မှစပနာ ရောဂါတိဧ အကြောင်းရင်းကို တဖြည်းဖြည်း စိတ်ပါဝင်စား လာကတ်ရေ။ သို့ရာတွင် ဂရိရို့ ကောင်းစားရေခေတ်၌ ဂရိသမားတော်ကြီး ဟစ်ပေါကရာတီ အသက်ထင်ရှားဟိနေစဉ် အချိန်မှစပနာ နောင်နှစ်ပေါင်း တစ်ထောင်ခန့် ရောဂဗေဒ မဖြစ် ပေါ် မထွန်းကားခပေ။ ဒေပိုင်ဖြစ်ရခြင်းအကြောင်းမှာ ဂရိ ဆီးပညာတွင် ကာယဘေဒနန့် ဇီဝကိစ္စဗေဒကို မထွန်းကား ခခြင်းကြောင့် ဖြစ်လီရေ။ ဂရိခေတ် ကုန်ဆုံးပြီးနောက် ဆီးပညာသျှင်တိရေ ကာယဘေဒနန့် ဇီဝ ကိစ္စဗေဒရို့ကို ပိုပြီးကေ လေ့လာကြခြင်းကြောင့် တဖြည်းဖြည်း ရောဂဗေဒပညာ ရုပ်လုံးပေါ်လာခလီရေ။
ခရစ် ၁၇၆၁ ခုနှစ်တွင် ဣတာလျံလူမျိုး သမားတော်ကြီး မော်ဂါညီရေ ရောဂဗေဒကို အမှီပြုပနာ ဆီးကျမ်းတစ်စောင် ရီးသားထုတ်ဝီခရေ။ ထိုအချိန်မှစပနာ သမားတော်တိရေ ရောဂါတိကို ယှာဖွီလေ့လာရာတွင် ရောဂါဖြစ်ပနာ ပြုပြင် ပြောင်းလဲခြင်း ခံရရေ လူ့ခန္ဓာကိုယ်ဧ အစိတ်အပိုင်းတိကို ရောဂါဧ ပြင်ပလက္ခဏာတိနန့် ယှဉ်တွဲကြည့်ကတ်ရေ။ ဒေပိုင်ရေ အလေ့အကျင့်တိကို ပြုလုပ်ရာတွင် သမား တော်တိရေ အသက်သျှင်နေသည့် လူတိတွင်သာမဟုတ်ဘဲ ရောဂါအမျိုးမျိုးနန့် သေဆုံးသူတိဧ အလောင်းတိကိုလည်း ခွဲစိတ်ကြည့်ရှု မှတ်သားလျက် ရောဂါနာမည်တိကို တိတိ ကျကျ ဖော်ပြကြလီရေ။
ယခုခေတ် ရောဂဗေဒပညာသျှင်တိရေ လူ့ခန္ဓာကိုယ် အစိတ်အပိုင်းတိဧ ပြောင်းလဲမှုတိကို မျက်မြင်နန့်သာ တင်းတိမ်မနေသေးဘဲ ယင်းသည့်အစိတ်အပိုင်းတိ အတွင်းဟိ ဓာတ်ဝတ္ထုတိ မည်ပိုင်ပြောင်းလဲမှု ဟိရေကို အသေအချာ သိလိုအတွက်နန့် အောက်ပါခေတ်ပေါ်နည်းတိကို အသုံးပြုပနာ သုတေသန ပြုကတ်လီသိမ်းရေ။ ပုံစံတိကား အဆင့်ဆင့် ဆန့်ကျင်ပုံ အဏုကြည့်မှန်ဖြင့် လေ့လာနည်း၊ ရောင်ပြောင်း တောက်ပုံ အဏုကြည့်မှန်ဖြင့် လေ့လာနည်း၊ အီလက်ထရွန် အဏုကြည့်မှန်ဖြင့် လေ့လာနည်း၊ ခွဲစိတ်ပနာ အဏုကြည့်မှန်ဖြင့် လေ့လာနည်း၊ တစ်သျှူးဓာတုဗေဒနည်း၊ အလွန်ပြင်းထန်ရေ အဟိန်ဖြင့် ဗဟိုခွာနည်း အစဟိရေရို့ ဖြစ်ရေ။ ထို့ပြင် ရေဒီယို အိုင်ဆိုတုပ်တိကို သုံးပနာ ရောဂါယှာဖွီ လေ့လာနိုင်ကြ အတွက်နန့် ရောဂဗေဒပညာရေ နှစ်တဖဲ့ချေအတွင်း အလွန် ကြီးပွား တိုးတက်လာရေ။
ရောဂဗေဒပညာရေ ဆီးပညာဧ အခြီခံပညာ ဖြစ် အတွက်နန့် ဓနသဟာယနိုင်ငံတိနန့် ပြည်ထောင်စု မြန်မာနိုင်ငံဟိ ဆီးသိပ္ပံကျောင်းတိတွင် တတိယနှစ်နန့် စတုတ္ထနှစ် ဆီး ကျောင်းသားတိအား မျက်မြင်ကိုယ်တွိ့ နှစ်နှစ်တိတိ သင် ကြားပီးလျက် ဟိလီရေ။ [1]
ကိုးကား[edit | edit source]
- ↑ မြန်မာ့စွယ်စုံကျမ်း၊ အတွဲ(၁၁)