Wp/rki/ရီဆေးခြယ်နည်း
ရီဆေးခြယ်နည်း
[edit | edit source]ပန်းချီဆေးရေးအတတ်တွင် နည်းစံနစ်အမျိုးမျိုးဟိရာ ရေ ဆေးနန့် ရေးဆွဲရေနည်းလည်း တစ်ခုအပါအဝင် ဖြစ်ဧ။ ယကေလည်းရေဆေးရေ ရေးဆွဲရာတွင် မြန်မြန် ခြောက်သွေ့ လွယ်သနန့် လိုနီရေ နီရာကို ပြုပြင်ရန် အခက်အခဲ တိ့ရလေရေ။ ထိုပြင် ရေဆေးဧ အခြားချွတ်ယွင်းချက် တစ်ခုဖို့ ဆီဆေးလောက် အရောင်မတောက်ရေပြင် မြန်မြန် မှိန်လွယ်ခြင်းပင် ဖြစ်ရေ။ ပန်းချီဆရာရေ ပန်းချီကားတွင် အလင်းရောင် တိတိသွင်းလိုရေအခါ ရေဆေးကို အသုံးပြုရ စမြဲ ဖြစ်ရေ။
ရေဆေးရေ ဆီဆေးလောက် သုံးရာ၌ မလွယ်ကူရေ် လည်း ပန်းချီပညာ သင်ခါစလူငယ်တိရေ ရေဆေးနန့် ရှေးဦးစွာ သင်ယူကတ်ရရေ။ အဘယ်ကြောင့်ဆိုရေ် ရေဆေး ရေ စရိတ်ကုန်သက်သာရေကြောင့် စုတ်တံနန့် ဆေးခြယ် ပီးရာတွင် အလေ့အကျင့်တိတိ လုပ်နိုင်ရေ။ စာသင် ကျောင်းတိတွင် ပုံဆွဲဆရာရို့က ကျောင်းသားကျောင်းသူတိ ကို ပုံဆွဲအတတ် သင်ပီးရေအခါ ရေဆေးကို အသုံးမခိုင်းမီ ရောင်စုံခဲတံ၊ ရောင်စုံမြေဖြူ စရေရို့ကို ရှေးဦးစွာ အသုံးပြု စေတတ်ကတ်ရေ။
ရေဆေးရေ တိရေအားနန့် အရည်မဟုတ်၊ အရောင် အမျိုးမျိုးဟိရေဆေးခဲတိဖြစ်ပနာ ဆေးရောင်မြဲစီရန် ကော်ရည် နန့် ရောစပ်ထားရေ။ ရေးဆွဲသူရေ စုတ်တံကို ရေထဲ၌ နှစ်ပြီးကေနောက် ရေကို အနည်းငယ် ခါချပြီးကေကေလိုရေ အရောင်ဟိရေ ဆေးခဲပေါ်တွင် သုတ်လိမ်းပနာ စက္ကူပေါ်တွင် ရေးခြယ်ရရေ။
ရေးဆေးရေ ရေးရခက်သနန့် ပန်းချီဆရာတိုင်း နိုင်နိုင် နင်းနင်း မရေးဆွဲနိုင်ကတ်ချေ။ အချို့ရေ ကမ္ဘာကျော် ပန်းချီ ကားကြီးတိဖို့ ရေဆေးနန့် ရေးခြယ်ထားရေ ပန်းချီကား တိပင် ဖြစ်ရေ။
အီဂျစ်၊ တရုတ်၊ ဂရိ စရေ ရှေးကျရေ နိုင်ငံတိတွင် ရေဆေးကို ရှေးပဝေဏီကပင် အသုံးပြုလာခကတ်ရေ်လည်း ၁၇ ရာစုနှစ်လောက်ဆီသို့ ရောက်မှသာ ဗြိတိန် အစဟိရေနိုင်ငံတိ တွင် အနှံ့အပြား အသုံးတိလာခလေရေ။ကမ္ဘာတွင် ထင်ရှား ခရေ ရေဆေးပန်းချီဆရာကြီးတိအနက် အချို့ရို့ဖို့ ရမ်း ဗရန့်၊ ရူးဗင်၊ ဒျူရာ၊ ဂီယာတင်၊ တားနား စရေရို့ ဖြစ်ကတ် လေရေ။[1]
ကိုးကား
[edit | edit source]- ↑ ရခိုင့်စွယ်စုံကျမ်း၊ အတွဲ(၁၁)