Wp/rki/ရခိုင်လျှောက်ထုံး(၈)

ဒသရာဇာမင်းလက်ထက်ပလင်တော်၌ ပျားစွဲရေ့အကြောင်း လျှောက်ထုံး=

ဒသရာဇာမင်းရေ ရှေးမင်းဘေးတော်၊ ခမည်းတော်ရို့နည်းအတိုင်း ဘိက်သိက်ပွဲသဘင်ကို ခမ်းနားပြည့်စုံစွာ ခင်းကျင်းခံယူတော်မူရေ။ ထိုသို့ ဘိက်သိက် ခံပြီး၍ငါးလရှိရေအခါ ပျားကြီးတစ်အုံရေ အနီာက်အရပ်ကပျံလာ၍ ရာဇပလ္လင်၌ မြောက်ဘက်နားက စွဲလီရေ။ ထိုပျားအရည် ရင့်လတ်ကေအရည်ကို စုထားခလျက် မြောက်သို့ပျံလီရေ။ ထိုနိမိတ်ကို အမတ် မောက်သူဇာြုမို့စား ကဝိကျော်လျှောက် ထုံးြုပရေကား-

အရှင်မင်းမြတ်။ ဘေးတော်စန္ဒသူရိယမင်းလက်ထက်ဘုရား မြတ်စွာမဇ္ဈိမဒေသ ကြွကလာတော်မူ၍ မဟာမုနိရုပ်ရှင်တော်ကို သွန်းလုပ်ပါရေ။ ကောဇာသက္ကရာဇ် ၄၆၅- တွင် ပုဂံပြည်မင်းအလောင်းစည်သူက ဘီတော်မင်းနန်ကို နန်းတင်လာပါရေ။ နန်း တင်ရာပါရေ ပျုတလိုင်းရို့ပင့်ဆောင်၍မရကေ ဖိုကျင်ထိုးလီရာ ရုပ်ရှင်တော်ကွယ် ခလီရေ။ မင်းငါးဆက်မြောက် ကွယ်ပျောက်လျက်ရှိပါရေ။ ယခုအရှင်မင်းမြတ်၊ ဘုန်းပညာကျက်သရေ၊ တရားသီလဂုဏ်တော်ကြောင့်ပျားရို့ရေ ပန်းဝတ်၌ရှိရေ အချိုအရသာမြတ်ကို ဆောင်ယူဆက်သ၍ မြောက်သို့ထိုပျားပျံလီရေမှာ ပျားညွှန်ရာ အရပ်သို့ ရုပ်ရှင်တော်မဟာမြတ်မုနိရှိရေ အမှန်ဖြစ်ပါရေ။ ဒေသို့လျှောက်လီ ကေပြည့်ရှင်က အမတ်ကြီးဆင်ကဲနန့် ဒါးပိုင်ကြီး နှစ်ယောက်ကိုစေတော်မူ၍ ရှာစေ ရေ။ ရုပ်ရှင်တော်ကို မြောက်အရပ်၌ပင်တွိ့လီ၍ ပင့်ဆောင်ယူခပြီးလျှင်အထက်၊ သူရိယမင်း ကိုးကွယ်တော်မူခရင်း အရပ်ကတညုတတောင်တွင်ကောင်းမွန်စွာ ရတနာ၂၆ ခုနှစ်ပါးဖြင့်ခြယ်၍ သိမ်တော်ဆောက်လုပ်ပြီး၊ နဝရတ်ကိုးပါးဖြင့်စီခြယ်ရေ ပလ္လင်တော် ၌တင်၍ ကိုးကွယ်တော်မူရေ။ အရံကျောင်းတစ်ရာ ဆောက်လုပ်တော်မူရေ။ ခေါင်း ဆေးတော်ကန်၊ လက်ဆေးတော်ကန်၊ မဟာရံတံတိုင်းသုံးထပ်၊ တံခါးလေးရပ်၊ အစောင့် အနီ၊ ဆွမ်းတင်စည်တီး၊ မျက်နှာတော်သုတ်တံခွန်ဆွဲ၊ တံမြက်ခတ်၊ ကျီးနှင်စာခြောက်၊ ပျူတစ်ထောင်၊ တလိုင်းငါးရာ၊ ကမ်းယံငါးရာ၊ ကုလားတစ်ထောင်၊ ြုမုံငါးရာ၊ ချင်းငါးရာ၊ လူပေါင်းလေးထောင်ကို အသီးသီးစား မြေနီမြေပီးချတော်မူ၍ မော်ကွန်းကျောက်စာ ထိုးလျှက် ရွှေကရားနန့် ရေစက်သွန်းချတော်မူရေ။