Wp/rki/ရခိုင်လျှောက်ထုံး(၅)
မဟာသူရိယစန္တရားမင်းဧသားတော်အိမ်ရှေ့မင်း သူရိယစန္တရားအတွက်အိမ်ရှေ့မိဖုရားရွေးချယ်ရန်လျှောက်ထုံး ( ၃၀၆-၂၄၉)[edit | edit source]
သက္ကရာဇ်(၂၄၉)ခုရောက်ရေအခါခမည်းတော် သူရိယကေတု နတ်ရွာစံတော် မူရေ။ သားတော်မဟာသူရိယစန္တရားမင်းရေ မိဖုရားသုပဘာဒေဝီနန့် ပြည်ကြီး စည်းစိမ်ကို အုပ်စိုးတော်မူလီရေ။ ၅၇-နှစ်နန်းစံခပြီးသက္ကရာဇ် ၃၀၆-ခုတွင် နတ်ရွာစံလီရေ။ ထိုမင်းကြီးဧသားတော်ကား သူရိယစန္တရား ဖြစ်လီရေ။ ထို မဟာသူရိယစန္တရားမင်းကြီးရေ သားတော်အိမ်ရှေ့မင်းနန့် ပီးမြားရန် မင်းသမီးကို မေးတော်မူလီရေ။
ထိုအခါ ပညာရှိအမတ် ရေင်းထီးစား ဥတ္တမသီရိကျော် လျှောက် ရေကား အရှင်မင်းမြတ်၊ ပတ္တမြားကျောက်ကောင်းရို့တွင် ဂေါပလ္လင်စရေအနာရှိ လျှင် မင်းမသုံးရ၊ စိန်ကျောက်ရို့တွင် ခလုတ်တောစာငယ်နာမစင်၊ တောကြောင် မွေးမှင်စရေအပြစ်မကင်းလျှင် မင်းမသုံးထိုက်၊ မျိုးစပါးရို့မှာလည်း အရောရောပါလျှင် အပင်အသီးမညီ၊ ရွှေ၌လည်း ကြေးနီ၊ သံ မလွတ်လျှင် အရည်အသွေးမပြောင်၊ ထို့အတူ သာကီဝင်မင်းရို့၌လည်း နွယ်တော်သန့်စင်မှ အမျိုးသန့်စွာစဉ်လာကြီးမြင့် အကျင့် မဖောက်စေလို၍ ရှေးဘေးလောင်းဘီတော်၊ ခမည်းတော်ထီးနန်း မင်းဆက်မောင်နှမရင်း ချာ ပီးမြားတော်မူခကြောင်း ထုံးဟောင်းနန့်ဖြစ်ပါရေ။ သားတော်နန့်သမီးတော် စော စန္ဒီကိုပီးမြားလျှင် သင့်မြတ်တော်မူပါရေ။ ဒေသို့လျှောက်လီကေ သူရိယစန္တရား နန့် သမီးတော်စောစန္ဒီကို မောင်နှမရင်းချာပီးမြားတော်မူလီရေ။ ပညာရှိအမတ်ကို ငွေအသပြာတစ်ရာ ဆုပီးသနားတော်မူရေ။ (ထိုသူရိယစန္ဒရားမင်းကြီးရေ သက္က၁၄ ရာဇ် ၃၀၆ နန်းတက်ပြီး၊ ၃၅၅ တွင်လွန်ရေ။)[1]
ဆွေးနွေးချက်[edit | edit source]
လျှောက်ထုံးအမှတ်(၄)၌ပြဆိုခရေသက္ကရာဇ် ၁၉၅-၂၄၉ ရေနဝ-ခ-ဆ (ဓနဉ္စကိန်း) ၆၀၉ ဖြင့်ဖြိုရန်သက္ကရာဇ်ဖြစ်ရေ။ စန္ဒသူရိယမင်းမှ ၁၆ဆက်မြောက် သူရိယစိတြမင်းရေ ဓနဉ္စကိန်းအရ၊ သက္ကရာဇ် (၆၀၉)ခုကိုြုဖိုခရေ။ အိန္ဒိယ သကမင်းလည်း ゞင်းသက္ကရာဇ် (၆၀၉)ခုကို နဝခဆကိန်းဟုြုဖိုရေ။ ထို့နီာက် စန္ဒသူရိယမင်းဧ အနွယ်တော် (၃၂)ဆက်မြောက်ဖြစ်ရေ (ဝေသာလီကျောက်လှေ ကားြုမို့) သီရိစန္ဒြားမင်းလက်ထက် ဥတ္တမကိန်းအရ၊ သက္ကရာဇ် (၅၆၀)ကိုြုဖိုရေ။ မြန်မာပြည် ပုပ္ပါးစောရဟန်းမင်းလည်း ゞင်းသက္ကရာဇ် (၅၆၀)ကိုြုဖိုရေ။ ထို့နီာက်ဖြစ်ရေ သက္ကရာဇ်ရေ ယခုသုံးနီရေ ကောဇာသက္ကရာဇ်ဖြစ် ရေ။
ကိုးကား[edit | edit source]
- ↑ ရခိုင်လျှောက်ထုံးများ၊ နန္ဒာထွန်း၊ ရခိုင်သားကြီးစာပေ၊ ရန်ကုန်၊ ဖေဖော်ဝါရီလ၊ ၂၀၀၃
ကျမ်းကိုးစာရင်း[edit source]
- ၁။ ဓညဝတီအရေးတော်ပုံ အသျှင်ကဝီသာရမထေရ်၊ သံတွဲမြို့ နန်းမြင့်စာပေ၊ ၂၂၅-ပန်းဆိုးတန်း၊ရန်ကုန်
- ၂။ မဟာပညာကျော်လျှောက်ထုံး အသျှင်ကတိသာရမထေရ်၊ သံတွဲမြို့။ ဟံသာဝတီပုံနှိပ်တိုက်၊ အမှတ်(၅၃) နတ်မောက်လမ်းသွယ်၊ ရန်ကုန်မြို့။
- ၃။ ရခိုင်ရာဇဝင်သစ်ကျမ်း ဦးစန္ဒာမာလာမင်္ကာရ၊ ရမ်းဗြဲမြို့တောင်(ပထမအုပ်) ကျောင်းဆရာတော်၊ ဟံသာဝတီပုံနှိပ်တိုက် မန္တလေး
- ၄။ ၎င်း-(ဒုတိယအုပ်) -၎င်း-
- ၅။ ဓညဝတီရာဇဝင်သစ်ကျမ်း အထက်ကျောင်းတော်ဆရာတော် ဦးဉာဏ (ပထမတွဲ) ရသေ့တောင်မြို့။
- ၆။ င/မည်ရာဇဝင် ပေမူမှတဆင့်ကူးလျက် ရေးမူ တက္ကသိုလ်များစာကြည့်တိုက်၊ ရန်ကုန်
- ၇။ မင်းရာဇာကြီးအရေးတော်ပုံ -၎င်း-
- ၈။ မဟာရာဇဝင်တော်ကြီး ဦးသာထွန်းအောင် ရခိုင်ပြည်သတင်းစာပုံနှိပ်တိုက်၊ စစ်တွေ
- ၉။ ဝိမလလျှောက်ထုံးများ ပေမူ၊ စာရေးသူထံတွင်ရှိ
- ၁၀။ ဦးဦးသာထွန်း၏ မှတ်စုများ လက်ရေးမူ
- ၁၁။ ဖားပြုတ်ကေရာဇဝင် ပေမူ၊ ဦးပညာစာရ၊
- ၁၂။ င/စည်ရာဇဝင် မဟာမုနိဗုဒ္ဓဝိဟာရကျောင်း၊ စစ်တွေ
- ၁၃။ ရခိုင်ကျမ်းနတ်ဓမ္မသတ် ဦးပညာစာရ၊ မဟာမုနိဗုဒ္ဓဝိဟာရ၊ စစ်တွေ၊ အမျိုးသားစာကြည့်တိုက်၊ ရန်ကုန်
- ၁၄။ သစ္စနိဒါန်းကျမ်း ပေမူ၊ အမျိုးသားစာကြည့်တိုက်၊ ရန်ကုန်
- ၁၅။ ဦးဒိုးဝေရာဇဝင် ပေမူ၊ မြို့မကျောင်းတိုက်၊ တောင်ကုတ်
- ၁၆။ မောင်ပုံရာဇဝင် ပေမူ
- ၁၇။ ကျောက်ရိုးရာဇဝင် လက်ရေးမူ၊ စာရေးသူထံရှိ