Wp/rki/ရခိုင်လျှောက်ထုံး(၅၇)

ရခိုင်ပြည်၌ တရားမစီာင့်ရေမင်းတိအကြောင်းလျှောက်ထုံး

တစ်ရံရောအခါ၌ ပြည့်သျှင်မင်းကြီးမေးတော်မူရေကား-ဤရက္ခပူရ တိုင်း ပြည်တွင် တရားမစီာင့်ရေ ဝိလုပ္ပန္နော လုယက်ဖျက်ဆီးတတ်ရေ ဇိနင်္ဂလအမျိုး မင်းြုပဘူးခလီသလော မေးတော်မူလီရာ-အမတ်ကြီး မဟာပညာကျော် လျှောက်ထုံး ကေကား-

အသျှင်မင်းမြတ်။ ဝေသာလီြုမို့၌ ဗြဟ္မဏရာဇာမင်းမျိုးတစ်ဆယ့် ခြောက်ဆက် အဆုံး ဗြဟ္မသိဒ္ဓိမင်းလက်ထက်မင်းနန့် အမတ် တရားလွတ်ကြလီရေ။ ယင်းချင့်ကြောင့် ပြည်သူရို့လည်း ရုန်းကြမ်းဆိုးသွမ်းလျက် အဓမ္မအမှုကိုသာ ြုပုကြရေတိလီရေ။ နတ်မိစ ္ဆာဆိုး၊ ယက္ခဘီလူးမျိုးရို့ ဝင်ရောက်ဖျက်ဆီးကြရေဖြစ်၍ လူအတိ သေကြေ ပျက်စီးကြရာ၊ ြုမို့ရွာပျက်ဘူးပါရေ။

ယင်းရေ့နီာက် ဓညဝတီြုမို့တော် မာရယုမင်းအမျိုး ငါးဆယ့်လေးဆက် အ ဆုံး မင်းငယ်ပျော်လှစည်သူလည်း အမတ်ယုတ်ရို့ဧမှားယွင်းရေ စကားကို နာယူ လိုက်နာမိလီရေကြောင့် တရားပျက်လီ၍ တိုင်းပြည်မသာယာဟိဘူးပါရေ။ ဇိနဂ္င်္ဂလအမျိုး ဝိလုပ္ပန္နော-လုယက်ဖျက်ဆီးတတ်ရေ ဟိန္နဇာဂံ ယုတ်နွမ်းရေ အကျင့်အကြံအြုပုအမူဟိရေ အမျိုးကိုးဆက်မင်းမူရေအခါ တိုင်းတစ်ပါးသို့လည်း မိတ်ဆွေမဝင်၊ ရန်တင်လျက်သာြုပရေကြောင့် ထိုမင်းရို့လက်ထက် ဥတုရာသီမမှန်၊ ဓါတ်လေးပါးမညီ၍ ကောင်းကင်၌ နီလနက္ခတ် တာယာမဖြောင့်လီရာ၊ ဝသန္တဥတု ချုပ်လီ၍ အစာရှားပါး၊ခိုးသားဓါးပြရို့ကြောင့် တိုင်းပြည်ပျက်ချေရေ။

ရေနီာက် ဘေးတော် ကံရာဇာကြီးမင်း ဆက်စိုးတော်မူရေမှ အသျှင်မင်းမြတ် တိုင် သာကီဝင်မင်းမျိုးတစ်ဆယ့်ငါးဆက်ရို့တွင်လည်း၊ ဝိလုပ္ပန္နေ- လုယက်ဖျက်ဆီး တတ်ရေ နိဇင်္ဂလ-အမျိုးငါးဆက် အကြား၊အကြားဝင်၍ ဖြစ်ဘူးပါရေ။ ထိုမင်း ရို့လက်ထက် သာသနာတော်ကွယ်၍ တရားမဟိမင်းနန့် အမတ်ပြည်သူရို့ ကတိလေး ပါးလိုက်စားကြ၍ သူမိုက်သူယုတ် စည်ကားဘူးပါရေ။

အသျှင်မင်းမြတ်။ ဘုရားသခင် ဆုံးမတော်မူရေ သာသနာတော်ရေ ခေါက်ရှာ ငှက်ပျံသကဲ့သို့ ဘုန်းပညာကျက်သရေနန့် ပြည့်စုံရေမင်း လက်ထက်ဖြစ်ကေ သန့်စင် ဆေးတော်မူ၍ အလဇ္ဇိကျင့်ရေရဟန်း၊ အလဇ္ဇိကျင့်ရေလူမဟိခြင်းကြောင့် သာသနာ တော်ထွန်းလင်းပါရေ။ အလိမ္မာမဟိ၊တရား မသိရေမင်း၊ ရာဇသုံညလက်ထက်ဖြစ် ကေ အလဇ္ဇိရဟန်း၊ သူသွမ်းသူမိုက် ထွန်းကားလီရာ သာသနာတော်ကွယ်ရေပင်။ အသျှင်မင်းမြတ်။ ။ ဘုရားသခင်တုံကေလည်း၊ မင်းကိုအမှီြုပုလျက်၊ သာသနာ တော်ကိုထားရကြောင်း ထုံးဟောင်းကျမ်းဂန်ထွက်ဟိပါရေ။ ဒေချင့်ပိုင် အမတ်ကြီးလျှောက် လီကေ ပြည့်သျှင်မင်းတရားကြီး ြုကိုက်တော်မူလီရေ။