Wp/rki/ရခိုင်လျှောက်ထုံး(၅၃)

အတွင်းသင်းမှူးချစ်သူကို သားတော်ထွေးဧ အကြီးတော်ခန့်သင့်၊မခန့်သင့် လျှောက်ထုံး

တစ်ရံရောအခါ၌ကား သားတော်အထွေး စီာနှောင်ခင်ကို ကျေးစား မာဂဓရာဇ် ြုမို့၊ ကထူး၊ ဟယ်၊ ြုမုံရို့နီရေအရပ်ကို ပီးတော်မူရေအတွင်း သင်းမှူးချစ်သူကို သားတော်အား အထိန်းအအုပ်၊အကြီးြုပုရန် ခန့်တော်မူမည်ဟိရာ အမတ်ကြီး မဟာပညာ ကျော်လျှောက်ထုံးကေကား-

အသျှင်မင်းမြတ်။ ။ရှေးရေအခါ သီလ၊သမာဓိဟိရေ ရဟန်းတစ်ဦးရေ နိဂုံးရွာ တွင် ရောက်ဟိနီထိုင်လီရေ။ ထိုရွာနီလူရို့ရေ မိမိရို့ဧ မိရိုးဖလာ ကိုးကွယ်လီ့ ဟိရေ မှားရေစရိုက်ဟိရေ့ အလဇ္ဇီရဟန်းရို့ကို ကိုးကွယ်ဆည်းကပ် လှူဒါန်းတိ စွာြုပလျက် နီထိုင်ကြရေမှာ ရှည်ကြာလှလီပြီ။ နီာက်မှ ရောက်လာရေသီလ၊ သမာဓိဟိသူ ရဟန်းက ထိုရွာသားရို့အား-မသမ္မာရေအကျင့်အယူ အသိတရားကို ကြည်ညိုချေက သံသရာရှည်လျက် အပါယ်ဘုံ၌သာ လူးလာဖြစ်ရာရေ။ ဒေချင့်ပိုင်ကေ တရားတော်နန့်လျှော်စွာ ဟောပြောပြသလီရေ။ ရွာသားရို့ရေ ရဟန်းတရားကို သဘောမြုကိုက် မနှစ်လိုဟိကြရေ။ ယင်းချင့်ကြောင့် ထိုရဟန်းထံ တစ်စုံတစ်ဦးမျှ အရောက် အပေါက် အလှူအတန်းမဟိ နီကြလီရေ။ ရဟန်းလည်း အနီအစား ခေါင်းပါးလီရ အား မင်္ဂလာတရားမစီာင့် အသေဝနာစ ဗာလာနံ သူယုတ်ရို့နန့် ပေါင်းဖက်နီလီရာ သီလ၊သမာဓိဟိရေ ရဟန်းမြတ်ဖြစ်လျှက် ပျက်စီးရလီရေ။သူယုတ်ရို့အလိုက် စရိုက်တူ ဖြစ်ရလီရေကြောင့် မောဟဖုံးလွှမ်းရေ အကုသိုလ်တရားရို့ကြောင့် ထို ရဟန်း အပါယ်သို့လားရကြောင်း ထုံးဟောင်းကျမ်းဂန်ပါရေ။

တစ်ကြောင်းတုံလည်း အနိန္ဒမပြည့်သျှင်မင်းနန့် သင်္ဂဟပြည့်သျှင်မင်းရို့ နှစ်ဦးသား ချစ်ကျွမ်းဝင်ကြလီရေကြောင့် သရက်ချိုပင်ဟိရေ သင်္ဂဟမင်း ဥယျာဉ်တော်တွင် ဥပုသ်အတူ စီာင့်ကြလီရေ။ ဥပုသ်စီာင့်ရာတွင် သရက်ချိုသီးကို စားကြရေအခါ အလွန်ချိုလှရေကြောင့် အရိန္ဒမမင်းက မျိုးစီ့ပီးရန် တောင်းလီရေ။ သင်္ဂဟ မင်းလည်း သဝန်တိုလျက် မျိုးစီ့မပီးဟိလီရေ။

အရိန္ဒမင်းလည်း မကျေမနပ်ဟိရေနန့်အရီး၌ လိမ္မာရေမင်းစီ တစ်ယောက် ကို ထိုသရက်ချိုပင်အား အရသာပျက်အောင် ဖျက်ခရမည်ဟု မင်းမိန့်ထား၍ လွှတ်လီ ရေ။ ထိုသူရေ သင်္ဂဟပြည်သို့လား၍ ရောက်လီကေ ထိုသရက်ချိုပင်ဟိရေ ဥယျာဉ်မှူးထံ အစီခံြုပု၍ နီလီရေ။ ထိုသူလည်း အလုပ်ကိုကောင်းစွာလုံ့လြုပု၍ လုပ်ချေကေ ထိုဥယျာဉ်၌ဟိရေ သူရို့ထက် စိုက်ပျိုးရာတွင် ပို၍ကျွမ်းကျင်လီရေ။ ထိုသူဧ အရည်အသွေးကို ဥယျာဉ်မှူးမြင်သိလီရာ ဥယျာဉ်တော်ဟိအပင်ရို့ကို ကောင်းစွာ ြုပစုစီာင့်ရှောက်ရန် တာဝန်အပ်နှံလီရေ။

ထိုသူရေ အပင်ရို့ကိုြုပစုရာ၌ သရက်ချိုပင်အနီးပတ်လည်ရို့၌ ခါးတတ်ရေ အပင်၊ ချဉ်တတ်ရေအပင်၊ ဖန်တတ်ရေအပင်၊ စပ်တတ်ရေ အပင်ရို့ကို စိုက်ပျိုးလီရေ။ ထိုသရက်ချိုပင်၌ကား မဲဒါးရေကိုသာလောင်းလီရေ။ သရက်ပင် သီးချိန်ရောက်၍ သီးလီရေအခါရှေးနန့်မတူ ချို၊ ချဉ်၊ ဖန်၊ စပ်ဟိလီရေ။ ထိုသူ ရေ ဥယျာဉ်မှထွက်လီပြီး၊ မိမိအသျှင် အရိန္ဒမင်းထံလားလီရေ။ သရက်သီး အရသာ ပျက်လီပြီအကြောင်း လျှောက်ထားလီရေ။ ထိုမျှ နတ်မင်းစားရေ အဗဗ္ဘန္တရ သရက်သီးကဲ့သို့ချိုရေ အရသာဟိရေသရက်ပင်တုံမှလည်း သူမကောင်းအောင် ဖျက်ကေပျက်စီးရကြောင်း ဇာတ်နိပါတ်သက်သေ ထွက်ပါရေ။

သင်းတော်မှူးချစ်သူ အုပ်ထိန်းလီသမျှရေအမှုထမ်း၊ ကိုယ်ရံတော်၊ သင်းတော် သားဟူသမျှရို့ရေ လူကြမ်းစုချည်းသာ ဖြစ်ကြလီရေ။ သင်းတော်မှူး ချစ်သူရေ လည်းကြမ်းတမ်းရေ အကျင့်ဟိသူသာဖြစ်ပါရေ။ သားတော်ကို ချစ်သူထံအပ်၍ ထိန်းစီကေသားတော်လည်း ကြမ်းတမ်းခက်ထန်ရေ သဘောသာဟိပါမည်။ သို့ရာတွင် ရှေးပညာဟိသူတော်ကောင်းစကား၌ သူကောင်းသား ယဉ်ပါးရေ။ သူယုတ်သားကား ရမ်းကားရေ။ ဒေချင့်ပိုင်စကားကိုထောက်ကေ အသျှင်ဧကရာဇ် သားတော်သမီးရို့ရေ သူနုတ်ကဲ့သို့မဟုတ်ပါချေ။ သိမ်မွေ့ယဉ်ကျေးမှသာ ကျက်သရေ ထွန်း၍ ပညာဟိရို့အချီးအမွမ်းကို အရှည်ခံရပါမည်။ ထိုသို့အမတ်ကြီးလျှောက်လီကေ ပြည့်သျှင်မင်းကြီးလည်းြုကိုက်တော်မူ၍ သင်းမှူးချစ်သူကို အထိန်းအအုပ် မခန့်မထား။ လေး၁၅၃ ြုမို့စားကို အပ်တော်မူလီရေ။

ထိုလေးြုမို့စားအမတ်မူကား စိန္ဒကဝံမြောက်ရေ အမတ်မျိုးဖြစ်ခြင်းကြောင့် သားတော်ရေလည်း ပညာဟိနည်းနာရလီရေ။ ဒေချင့်ပိုင်ရရေဖြစ်ခြင်းကြောင့် သက် တော် ခုနှစ်နှစ်သားအရွယ်ကပင် သိမ်မွေ့ရေ နှလုံးစွဲလျက် သဒ္ဒါ၊ သီလစရေ သူတော် ကောင်းဥစ္စာခုနှစ်ပါးနန့်ပြည့်စုံပြီး၊ ပဉ္စသီလ တရားငါးပါးကို စွဲမြဲဆောက်တည်တော် မူလီရေ။