Wp/rki/ရခိုင်လျှောက်ထုံး(၄၆)

ထားဝယ်သား တစ်ထောင်ခန့်ခိုဝင်လာရာ၌ လျှောက်ထုံး

တစ်ရံရောအခါ ထားဝယ်စား အလောမှုတတ်ညွန့်ရေယောကျာ်း၊ မိန်းမ လူပေါင်းတစ်ထောင်မျှနန့် ဝင်ရောက်လာရေ။ ထိုရေအခါအမတ်ကြီး မဟာပညာ ကျော်လျှောက်ထားရေကား-

အသျှင်မင်းမြတ်။ ။ တတ်ညွန့်ရို့ရေ ရှေးဘေးတော်တိ လက်ထက် မရိမ်ချောင်း နီ ြုမုံကိုးခေါင်းအမျိုးသားရို့ ငြိမ်သက်စွာမနီ၊ ြုမို့ရွာကိုတိုက်ဖျက်၊ လုယက်ဆိုးသွမ်း ယုတ်ကြမ်းရေအကျင့်ကြောင့် ထိုအရပ်က သင်းတို့ကိုခေါ်၍ ဘီတော်ဒသရာဇာမင်းက မာန်အောင်ကျွန်းတွင် ချထားတော်မူရာတစ်နှစ်ခန့်ဟိရေအခါတွင် ထွက်လားလီ၍ ယိုးဒယားနန့် ပဲခူးနှစ်ပြည်အကြားတွင်နီလီရာ ြုမုံကိုထားဝယ်တွင်လီရေ။ ယင်းတို့ နန့်တူရေ ဇာတိရင်းဥပမာကေကား-တော၌ကြီးပြင်းရေ သတ္တဝါကို၊ လူယူ၍မွေး ထားလီကေ တစ်ပါးရေအကောင်ဖြစ်ကေ ယဉ်ကျေးပျော်ပိုက်ကြရေပင်၊ တော ကြက်အမျိုးရေကား လုံစွာထားမှနီပါရေ။ မလုံလွတ်ချေမူ၊ တောသို့သာလားလီ ရေ။

ထို့အတူ ြုမုံ၊ ထားဝယ်၊ ပသျှုး၊ လေးတူး၊ ချင်း၊ လင်းကဲ၊ ကချင် အမျိုးသားရို့ ရေ တောကြက်နန့်တူပါရေ။ တိုက်ယူလုယက်စားရေက် မြုပရကေ အရှည်နီမည့် လူမျိုးမဟုတ်ပါ။ လူနီြုမို့ရွာ အနီးအပါးထားချေမူ သင်းရို့ သွေးဆောင်ရာပါ၍ လူဆိုး ကြောင့် လူကောင်းပျက်တတ်ပါရေ။ သင်းရို့ချည်းတစ်စုတည်း အုန်းကျွန်းမှာချထား ၍ အုန်းသီးဘဏ္ဍာကိုသာ သင်းရို့က နှစ်စဉ်ဆက်သွင်းစီရမည်။ လျှောက်လီကေ ပြည့်သျှင်မင်းကြီးလည်း ြုကိုက်တော်မူရေ။ ြုမုံ၊ ထားဝယ်ရို့ကိုအုန်းကျွန်းမှာ ချထား လီရေ။