Wp/rki/ရခိုင်လျှောက်ထုံး(၃၄)

ငွေအိုးတွိ့ရာ အဝေမညီမှု ဖြတ်ထုံး

တရံရောအခါ လူတစ်ဦးရေ ငွေအိုးဟိရေ စာညွှန်းကိုရရေ။ မိမိ မလား၊ တစ်ယောက်ကို လွှတ်လီရေ။ ထိုသူရေလည်း လူတစ်ဦးအား ငါးသပြာပီးမည် ဆေးမြစ်တူးရန် လိုက်ခပြော၍ ခေါ်လားလီရေ။ စာညွှန်းရာအရပ်သို့ရောက်ရေအ ခါ လူငှားကို တူးစေရေ။ ထိုအခါ ငွေသပြာသုံးထောင်ပါဟိရေငွေအိုးကို ရလီရေ။ ထိုသူသုံးဦးရို့ ငွေသုံးထောင်ကိုခွဲဝေယူရန် မညီမညွတ်ဖြစ်ကြလီရေ။ ထိုပုစ ္ဆာမှုနန့် မင်းထံရောက်ကြလီကေ ပြည့်သျှင်မင်းက မဟာပညာကျော်သို့အပ်၍ စီရင်စေရာ အမတ်ကြီးစီရင်ရေထုံးကေကား-

ရေပိုင်မြေပိုင်တွင် ရသမျှဥစ္စာ မင်းဘဏ္ဍာနန့်မကင်း။ ဆယ်ဘို့တစ်ဘို့ မင်းနန့်ထိုက် ရေ။ ရရေသပြာ ၃၀ဝ၀ မှ ၃၀ဝ-အသပြာကို မင်းဘဏ္ဍာ ဆက်သွင်းသင့်ရေ။ ထိုမှကျန်ရေအသပြာရို့မှာမူကား-မည်ရေ့အရပ်မှာဟိရေ ညွှန်ရေသူရေ အမိ အဘနန့်တူရေ။ ငါးသပြာလိုခင်လိုက်ရေသူမှာ ကျွန်နန့်တူရေ။ ထိုသူတစ်ကိုယ်ဖိုး ငါးသပြာရသင့်ရေ။ ညွှန်ရေသူနန့်လားရေသူရို့မှာ ဆိုးတူကောင်းဖက်၊ မကွဲသင့်။ အညီအမျှခွဲဝေယူကြစေ။ ဤသို့စီရင်လီကေ ကနက္တဒန်ထီးဖြူ အလိုလိုပွင့်ရေ။ ထို အကြောင်းကို ပြည့်သျှင်မင်းကြီးသိလီရာ အမတ်ကြီးကို မယားအတွက် မိဖုရားလတ် အဆောင်အရွက် တရားဆုပီးပြန်လီရေ။