Wp/rki/ရခိုင်လျှောက်ထုံး(၃၀)

ပြည်သူဆင်းရဲသားရို့အမွေကို မင်းရို့ ခံသင့်၊မခံသင့်လျှောက်ထုံး

မင်းဖလောင်းကြီးလက်ထက်တော် တရံရေအခါမူလည်း၊ စစ်တကောင်းြုမို့တွင် သူဌေးဦးစီရာလီ သေလွန်လီရေ။ ထိုရေအခါ စစ်တကောင်းြုမို့စားလာရောက်ပြီး၊ ဦးစီးရာလီတွင် အမွေခံသားမြေးမရှိကြောင်း လျှောက်ထားလီရေ။ ပြည့်သျှင်မင်းကြီးက ပြည်သူဆင်းရဲသားရို့အမွေကို မင်းခံစားသင့်ရေ၊ မခံစားသင့်ရေကို အမတ်ကြီးအား မေးတော်မူလီရေ။ ထိုအခါ အမတ်ကြီးမဟာပညာကျော် လျှောက်ထုံးကေကား-

အရှင်မင်းမြတ်။ ဘုရားလောင်းမင်းကောင်း၊ မင်းမြတ်၊ သာကီဝင် နွယ်တော်စဉ် လာအကြောင်း ထုံးဟောင်းကျမ်းဂန်၌ရှိပါရေ။ ပြည်သူရို့လုပ်ခွန်ထွက် ဆယ်ဘို့တစ် ဘို့ကိုသာ မင်းရို့ဘဏ္ဍာခံထိုက်ကြောင်း ရှေးအမှာရှိပါရေ။ ပြည်သူရို့ သာမိက ခတ္တိယ အစိုးရရေမြေရှင်ဖြစ်လျက် မင်းမျိုးမဟုတ်ရေသူရို့ဧအမွေကို ခံယူထုံးမရှိပါ။ ရေမြေ ပိုင်မင်းဖြစ်လျက်ဆင်းရဲသားရို့ အမွေကိုခံယူချေကေ၊ ဝိလုပ္ပန္န-လုယက်ဖျက်ဆီး၍ မင်းမူရေမင်းမျိုးရို့ ခံယူရေထုံးလည်း ကျမ်းဂန်တွင်ဆိုလျက်ရှိပါရေ လျှောက်လီ ကေ ပြည့်သျှင်မင်းမြတ်အမိန့်တော်ရှိရေကား-ငါရို့မှာလည်းသားမြေးမရှိ မင်းဆွေ မင်းမျိုးရို့ မင်းရိုးမပျက် ထီးနန်းတက်ရရေ။ ဆင်းရဲသားရို့မှာလည်း ယင်းပိုင်းအလျောက် သားမြေးမရှိမူ၊ ဆွေမျိုးအမွေခံရာရေ။ သူဌေးဦးစီရာလီ အမွေကိုဆွေမျိုးရို့က ခံယူစေ အမိန့်တော်ရှိလီကေ ရာဇပလ္လင်ပေါ်၌စိုက်ရေ ကနက္ကဒန်ထီးဖြူ ပွင့်လီရေ။