Wp/rki/ရခိုင်လျှောက်ထုံး(၂၇)

အကျင့်ပျက်မိဖုရား ရှင်နှောင်းအရေးတွင်ကယ်မရေ လျှောက်ထုံး

တရံရောအခါမူလည်း မြောက်မိဖုရားရှင်နှောင်းရေ မိန်းမစိုးမော်လိပ် ကုလား တစ်ယောက်ကိုဆေးပီး၍ အင်္ဂါစုံအခါ ယဉ်ပါးကြလီရေ။ ထိုအခါ မိစ ္ဆာနတ် နန်းသို့ဝင် ၍ခြောက်လှန့်ရေ။ လင်ကောင်ပိုးငှက်ဆိုးရေ မင်းစက်တော်ခေါ်ရေ အဆောင်သို့ဝင် ၍ မြည်ရေ။ မင်းသုံးမင်းဆောင် ကျိုးပျက်ရေ။ ထိုအကြောင်းကို မင်းကြီးမေးတော်မူ ရာ အမတ်ကြီးမဟာပညာကျော် လျှောက်ထုံးကေကား-

အရှင်မင်းမြတ်။ ။ဘေးတော်ရာဇိန္ဒမင်းရေ ဥယျာဉ်သို့ထွက်တော်မူရာ၊ ရထား တော် ဝင်ရိုးကျိုးလီရေ။ ထိုအကြောင်းကို အမတ်ကြီးစိတ္တဝရ လျှောက်လီရေ့ထုံး ၌ အဆိုကေကား-

ရာဇာဒေဝီ- မင်းမိဖုရားရို့ရေလည်းကောင်း၊ ရာဇပုတ္တိ- မင်းဧ သားသမီးတော် ရို့ရေလည်းကောင်း၊ ဟိနေန- ယုတ်ရေ၊ ကုလေန- အမျိုးနန့်၊ သံခါသေတိရောယှက်ပေါင်းဖေါ်မိအံ့။ ရညော- မင်းဧ၊ ပရိဘောဂေါ- အသုံးအဆောင်ရေ၊ ဘိဇ္ဇတိကျိုးပျက်ယွင်းယိုတတ်ဧ။ မိစ ္ဆာဒေဝါဒယော- မသမာရေ မိစ ္ဆာနတ်ဆိုး၊ လင်ကောင် ပိုးငှက်ဆိုး စရေရို့ရေ၊ ရာဇနိဝေသနံ- မင်းဧနေရာ နန်းတော်တိုက်ခန်းသို့၊ ပဝီ သတိ- ဝင်ရောက်တတ်ဧ။

ဒေပိုင်လျှောက်လီမူ ထိုမင်းကြီးရာဇိန္ဒရေ မည်သို့မဆိုနေတော်မူ၍ မင်းဧ ပရိယာယ်ဖြင့် စူးစမ်းတော်မူရာ သမီးတော်သုဝဏ္ဏကုမ္မာရီရေ စောင်းသမားနန့်ယဉ် ပါးကြောင်း သိတော်မူလီရေ။

ဒေပိုင်ထုံးဟောင်းလာရေကိုထောက်ကေ ယခုလည်း အကြောင်းထင်လာပြန် ရေ။ နန်းသူရို့သိက္ခာ မထိန်းဆိုရန်ရှိချေပြီထင်ပါရေဟု လျှောက်လီကေ မင်းကြီး လည်း ခပ်မဆိက်နေတော်မူရေ။ အကြောင်းကို စုံစမ်းတော်မူရေအခါ မိဖုရားနန့် ကုလား မှားကြောင်းသိတော်မူလီရေ။ ထိုအကြောင်းကို အမတ်ကြီးသို့ ပြန်ဆိုတော် မူရာ အမတ်ကြီးလျှောက်ရေ ထုံးမူကား-

ဘုန်းကျက်သရေ ကြီးမြတ်တော်မူရေအရှင်မင်းကြီး။ ရှေးပညာရှိရို့ ဆိုခရေ ကျမ်းဂန်၌လာရှိရေမှာ-

ဣတ္တိ-မိန်းမရို့ရေ၊ ဝါမောရာဂေါဒ-ရာဂကိုလုံ့လထုတ်ခြင်း၌၊ ပူရိရေယောကျာ်းထတ်၊ ဒွေဂုဏံ- နှစ်ဆလွန်ဧ။ ပဒုရာပိ-စဉ်းလဲခြင်း ကောက်ရေဉာဏ်၌ ကား၊ စတုဂုဏော-လေးဆလွန်ဧ။ ခလေခလဿ- ြုပတတ်ရေအမှုရို့၌ကား၊ ဆ ဂုဏော-ခြောက်ဆလွန်ဧ။ ကာမဂုဏော-ကာမဂုဏ်၌တပ်မက်ခြင်းဖြစ်ရေကား၊ အဌ ဂုဏော-ရှစ်ဆလွန်ဧ။ သဗ္ဗနဒီ- ခပ်သိမ်းရေမြစ်ရို့ရေ၊ ဝင်္က-ကောက်ကွေ့လျက် သာရှိရေဧ၊ သဗ္ဗဝနာ-ခပ်သိမ်းရေတောသို့၌၊ ကုဿ-သစ်ပင်ရို့ရေ၊ ဝင်္ကကောက်ကွေ့ဧ။ သဗ္ဗေ-ခပ်သိမ်းကုန်ရေ၊ ဣတ္တိ-မိန်းမရို့ရေ၊ ဧကနေဝ-မိမိအလို ရှိရာ တစ်ယောက်ရေသူနန့်တွိ့ကေ၊ ဝင်င်္က ံ-ကောက်ကွေ့ ဖောက်ပြန်တတ်ဧ။ ယင်းသို့ ကျမ်းဂန်လာပါရေ။ တရားတော်မှာလည်း သစ္စာလေးပါးတွင် သမု ဒယသစ္စာရေ တဏှာအမြစ်၊ ထိုသမုဒယသစ္စာတဏှာဧအမြစ်ကို မဖြတ်နိုင်ကြ၍ သတ္တဝါ ရို့ သံသရာရှည်ရေ။ ယင်းပိုင်းမိုက်မှားလျှက် အစဉ်လာခရေ-အဝိဇ္ဇာနန့်တဏှာ မူလ သဘာဝရို့ကြောင့်ြုပုကြရေ ထိုသူရို့အပြစ်ကို ထိုသူရို့နန့် ပျောက်စေရပါမည်။ တရား ၌လိမ္မာရေ၊ ပညာရှိရေ သူတော်ကောင်းမည်ရေ သူတစ်ထူးြုပုရေအပြစ်ကို သိကေလည်း ပြန်၍ြုပပြင်ခြင်းမရှိ၊ သူ့ထိုက်သူသာ ရှိသင့်ပါရေ လျှောက်လီကေပြည့်သျှင်မင်းကြီးလည်း ထိုသူနှစ်ဦးကိုမည်သို့အပြစ်မပီး၊ မ ိဖုရားနန့်ကုလားကို မာန် အောင်သို့ ပို့ထားရုံမျှသာ ြုပုတော်မူလီရေ။