Wp/rki/ရခိုင်လျှောက်ထုံး(၂၂)

မင်းဖလောင်းလက်ထက်မြို့သစ်ပြောင်းသင့်၊ မပြောင်းသင့် လျှောက်ထုံး

မင်းပါကြီးလွန်ပြီးနောက် မင်းလေးဆက်မြောက်၊ သက္ကရာဇ်(၉၃၃)ခုနှစ်ရောက် ရေအခါ မင်းပါကြီးဧသားတော် ချစ်နှောင်းမင်းဖလောင်းရေ မိဖုရားသျှင်လတ်နန့်အ တူ ထီးမွေနန်းမွေ ဆက်ခံစိုးစံတော်မူရရေ။

ထိုရောအခါတစ်နိတွင် ပြည့်သျှင်သာကီဝင်မင်းဖလောင်းကို ဟူးရာဖြူ၊ ဟူးရား ညိုရို့က လျှောက်ထားကြရေ။ အသျှင်မင်းမြတ် မြောက်ဦးြုမို့ရေ ြုမို့သက်ကုန်ပြီ၊ ဓ ညဝတီမြို့ဟောင်းကို တည်တော်မူသင့်ကြောင်း လျှောက်ထားရေကို ပြည့်သျှင်မင်း ကပြောင်းကေ မည်သို့အကျိုးအပြစ်ရှိမည်ကို မှူးမတ်က လျှောက်ထားရမည်။ အမိန့်တော် ဟိလီရေ။ ယင်းရေအခါ အမတ်ကြီး မဟာပညာကျော်လျှောက်ထုံးတင်ရေကား-

အသျှင်မင်းမြတ်။ ရှေးပညာဟိရို့ဆိုခရေ ထီးနန်းစိုက်ရာ ပဋိရူပကျရေ စက်လေးပါးညီရေ အောင်မြေမင်္ဂလာအရပ်၌ ြုမို့တည်၍ ထီးနန်းစိုက်ရလီကေ၊ မြတ်စွာဘုရား ဓါတ်တော်မွေတော်၊ ပိဋကတ်တော်ကျမ်းဂန်၊ သီလဝန်၊ ဂုဏဝန်၊ ဆရာ မွန်၊ ဆရာမြတ်၊ မှူးမတ်ကောင်းပြည့်စုံ၍ သာသနာထွန်းလင်းခြင်း ပြည်သျှင်မင်းဘုန်း ကြက်သရေတိုးခြင်း၊ ကာဠာဝက၊ ဂင်္ဂေယျ၊ တမ္ဗ၊ မိင်္ဂလ-စရေ ဆင်ဆယ်မျိုးထက် တန်ခိုးလွန်ရေ ဆဒ္ဒန်ဆင်ဖြူရောက်တော်မူခြင်း၊ ခုနှစ်ပြည်ထောင်ရေမင်းရို့ ဝပ်စင်းကြည်ညို၍ သမီးရတနာဆက်သရောက်ရှိခြင်း၊ ရွှေငွေကျောက်သံပတ္တမြား ပွားတိခြင်း၊ ရန်သူမျိုးငါးပါးရို့ မဖျက်ဆီးနိုင်ရာ၊ ရန်မာန်တကာရို့ကို အောင်မြင်ခြင်း၊ ပညာဟိရို့မှာရေ စကားထုံးပုံအရ။ ပတဝိကုမ္ဓိမင်္ဂလ စကုမဟာလာဘဟု ကျမ်း၆၇ ဂန်၌လည်း ထွက်ရှိပါရေ။ မြောက်ဦးမြို့တည်စကရေ ယခုတိုင် ရန်သူဖျက်ဆီးနိုင် ဘူးရေ မရှိပါ။ ထိုမင်္ဂလာလေးပါးပြည့်စုံစွာနန့် တိုင်းပြည်သာယာ သတ္တဝါရို့ငြိမ်းချမ်း၊ ဥတုရာသီ ပြောင်းညီ၍ သာသနာတော်ထွန်းလင်းလျှက်ပင် ဖြစ်ပါရေ။ သတ္တဝါရို့ တ ရားလွတ်လီ၍ မင်းမသမာ စိုးလာရေမြို့ရွာကို ပြောင်းရေမူလျက် သာယာမြဲမ ဟုတ်။ မြို့ပြောင်းတိကေ ပြည်သူရို့ မီးသို့ပူရေသာ ရှေးသူဟောင်းအဆဟိပါရေ။ ငြိမ်းချမ်းသာယာစွာ ပြည်သူရို့အား ရင်တော်သားကဲ့သို့ အုပ်စိုးစံတော်မူပါ။

တစ်ကြောင်းမှာလည်း အာကာမိုးလတ်၊ နက္ခတ်နေလ၊ နဝတာရာ၊ ရှစ်ဖြာြုဂိုလ် လား၊ ြုဂိုဟ်စား၊ ြုဂိုဟ်စု၊ ဥတုသုံးလီ၊ ရာသီသုံးရပ်၊ နေကြပ်လပုတ်၊ မြေလှုပ်တော်လဲ၊ နတ်ပွဲအမြောက်၊ ပစ်ဖောက်အသံ၊ ဥပါပျံနန့်၊ ရေးထန်မိုးစွေ၊ နေလည်းနှစ်စင်း၊ လ တွင်းကြယ်လား၊ နဂါးစက်နတ်၊ တောင့်ခတ်ဖီလာ၊ ယတြာနန့် ဇာတာစန်းလက်၊ ြုဂိုဟ် ပျက်ငှက်ယုတ်၊ စုန်းဘုတ်တစေ ္ဆ၊ ဖွတ်ေြွမပျားစွဲ၊ မြေကွဲတိမ်ခို၊ မိုးြုကိုးလောင်မီး၊ ရေ စီးညာဆန်၊ မြတ်မွန်ပုထိုး၊ အခိုးရောင်ခြည်၊ ထွက်ရေထုံးဟောင်း၊ နိမိတ်ပေါင်းမှာ၊ လောကီသာတည်း၊ ပညာဝေဖန်၊ အမြင်သန်မှ၊ သုတကဝိ၊ အသိမြောက်မြား၊ တရားကို သာ၊ လိမ္မာနိစ္စ၊ သာမိနဇာတ်၊ ထုံးမှတ်သင့်စွ၊ သီလဝမင်း၊ နှလုံးသွင်းသို့၊ ရန်တင်းပယ် ေြွခ၊ ပျောက်ရလီရေ၊ မှန်ပေမုချ၊ ယွင်းမခွဆိုရေ စကားဟိပါရေ။ လောကီမှုဆိုသမျှ၊ သူတော်ကောင်းကို အပြစ်မြုပနိုင်ပါဟု အမတ်မဟာပညာ ကျော်လျှောက်လီရာ ပြည်သျှင်မင်းကြီးလည်း အလွန်ြုကိုက်တော်မူလီရေ။ အမတ်ကြီး သို့ စားကျေးတစ်ြုမို့ ရမ်းဗြဲငယ်ကို ထပ်၍ပီးတော်မူရေ။