Wp/rki/ရခိုင့်ဇာနည် ဦးမြဝါ ဒုံးချင်း

“ရခိုင့်ဇာနည် ဉီးမြဝါ ဒုံးချင်း”

ရက္ခအောင်ချာမဏ္ဍလမှာ၊ မြို့ရာချမှတ် ထီးနန်းတည်၊ မြောက်ဉီးရွီပြည် အ့နီမြတ်က၊ မော်ကွန်းတင်မှတ်ဉီး မြဝါ၊ များလူတကာ နီရာနှံ့အောင်၊ နိညမပြတ် နာမည်ပြောင်၊ ရက္ခိုင်ပြည်ဘောင် လွန်ထင်ရှားရေ။ (ဉီးမြဝါဇာ နည်စင်စစ်) (ဇာနည်စင်စစ် ဉီးမြဝါ) သက္ကရာဇ်ကောဇာ သျှစ်ရာငါးဆယ်။ စွန်းထံလေးခု လဝါဆို၊ ပြည့်ပုဏ္ဏမီ ထိုသည်ခိုက် တွင်၊ မီးရှူးသန့်စင်၊ ဘွားမြင်လတ်ပြီ ဌာနဘုမ္မိရခိုင်မြီ (မြတ်အမြုတည် ရတနာခဲ) (ငယ်မည်နာမ မောင်မြဝါ) မဟာပညာကျော် မြတ်သာထွန်းနန့် ရာဇာမင်းဗာစောသီရိတို့ ငယ်ဆီရောင်းရင်း မှတ်တမ်းတင်၊ ပညာနို့ချိုစလို့စို့ရာ အဂွစိန္ဒေယျာ ဆရာမြတ်ထံ သုံးဆွီသက်နှံ၊ ခြောက်ဆယ်နှစ်ထိ (ကိုးမှတဆင့်မြင့်ပညာ) တက်လှမ်းခါ ဆည်းပူးအောင် ဗာရာဏသီ၊ ဘုမ္မိချက်ဝယ် ယောဂီကဝိတစ်ဆူဉာဏ် စိတ်နုမန္တာန် ငင်အတတ်ကို စံစီမွှီနှောက် ကျီလတ်လျှင် ကိုယ့်ပြည်ရပ်ခွင် ရွှီရခိုင်ဘက်သို့ မက်မက်မောမော ပြန်လတ်တေ ကဝိစိတ်ကျေ ဉီးမြဝါဟေ့ စံနန်းကွန့်မြူး မြို့မြောက်ဉီးမှာ ထွေီထူးမွှီဉာဏ် ဝိဇ၏ာဉာဏ် စိတ်မန္တာကျမ်းပြုပြီးစား ရက္ခသာ စည်မျိုးလေးပါးရို့ ထင်ရှားအီးချမ်းသာ ကြောင်းရည် ရက်ရောသာကြည် သက်ကိုစွန့်ကာ အဒွန်ရှည်ကြာ မျိုးပြည် ထွန်းအောင်၊ ဆောင်ရွက်ခဲ့ပြီ ..။