Wp/rki/မျက်လှည့်ပညာ
မျက်လှည့်ပညာရေ မဖြစ်နိုင်ရေ အရာ ယပိုင်မဟုတ်ကေ သဘာဝလွန် အရာရို့ကို ပရိသတ်အား လှည့်စားမှု ပြုခြင်း ယပိုင်မဟုတ်ကေ ထင်ယောင်ထင်မှား ဖြစ်အောင် ပြုလုပ်ခြင်းနန့် ဖျော်ဖြေရေ ပညာရပ် တစ်ခုဖြစ်ရေ။ ယင်းပိုင့်ရေ လှည့်စားမှု ပြုခြင်းနန့် ဖျော်ဖြေသူကို မျက်လှည့်ဆရာ ဟု ခေါ်ရေ။ ယင်းပညာရပ်ကို လိမ်လည်ခြင်းလို့လည်း မဆိုသာ အမှန်တရားလို့လည်းမပြောနိုင် ဉာဏ် ဟိပိုင် ပရိပ်သတ်တိအားလှည်းစားခြင်းရာဖြစ်ရေ။
မျက်လှည့်အတတ်[edit | edit source]
ကြည့်သူရို့ဧ မျက်စိကို လှည့်စားခြင်းနန့် မဟုတ်ရေကို အဟုတ်ထင်စီနိုင်ရေကြောင့် မျက်လှည့်အတတ်ဟု ခေါ်ရေ အတတ်ပညာ တစ်မျိုးရေ ကမ္ဘာအနှံ့အပြားဟိ နိုင်ငံရို့တွင် အနည်းနန့်အများ ခေတ်စားလျက် ဟိလီရေ။ မျက်လှည့်ဆရာဟု အဖို့ခံသူ တစ်ယောက်ရေ စိတ်ပညာကို အတော်အသင့် ခေါက်မိရဖို့အပြင် လက်ဧ ကျွမ်းကျင်မူဖြစ်ရေ ပဉ္စလက်နည်း ပရိယာယ် အသွယ်သွယ်ရို့ကိုလည်း ကောင်းစွာ နားလည်ထားရဖို့ဖြစ်ရေ။ ယင်းမျှသာမကသိမ်း၊ ပရိသတ်ဧ စိတ်ကို ဆွဲငင်နိုင်လောက်အောင် ကရားရေလွှတ် အချက်ကျကျပြောဆိုတတ်ရေ အရည်အခြင်းဟိရန်လည်း ကကောင်းပင်လိုရေ။
မျက်လှည့်ရို့ဆိုစာမှာလည်းကကောင်း လျှို့ဝှက်ပနာ အသိခက်ရေ အရာတိကိုပြသနိုင်မှရာ ကြည့်သူ ပရိသတ်ဧ အံ့ဩ ချီးမွမ်းခြင်းကို ခံရတတ်ရေအတွက်နန့်မျက်လှည့်ဆရာရို့ရေ မိမိရို့ဧ နည်းပရိယာယ်ရို့ကို လူမသိအောင် လျှို့ဝှက်ပနာထားလေ့ဟိကတ်လီရေ။
အချို့ရေ လှည့်စားမှုတိမှာ ကကောင်းပင် အံ့ဘနန်း ဟိလှရေအတွက်နန့် မျက်လှည့်ဆရာဧ အစွမ်းတစ်ခုတည်း နန့်သာ မဟုတ်ဘဲ၊ အစိမ်းတိုက်သဘော သက်ဝင် လီလားဟူပနာ အတော်အတန်ခေတ်မှီသူ အချို့ ရို့ပင်ကေ ယုံမှားသံသယဖြစ်ကတ်ရလီရေ။ ယင်းယုံမှားမှုရေပင် မျက်လှည့်ဆရာကို ပိုပနာအထင်ကြီး စီကာ လူကြိုက်တိအောင် ဖန်တီးပေးတတ်ရေ ကြောင့် အချို့ရေ မျက်လှည့်ဆရာတိရေ မျက်လှည့်ပြနိန်ချိန်တွင် မျက်လှည့်စင်ပေါ်၌ ယုတ္တိတန်ရေ ၊ မတန်ရေကို အပထားလျက် ၊ လူဦးခေါင်းခွံ တစ်ခုနန့် လူရိုး တစ်ချောင်းနှစ်ချောင်းကို တင်ပနာပြသထားလေ့ဟိကတ်လီရေ။
မျက်လှည့်အတတ်ရေ မှော်အတတ်ပိုင်ပင် ကကောင်းရှေးကျရေ လောကီပညာရပ်တစ်ခု ဖြစ်လီရာ၊ ယင်းအတတ်နှစ်ရပ်ရေ တစ်ခုနန့်တစ်ခု အလွန်နီးစပ်ခရေအတွက်နန့် မျက်လှည့်အတတ်ရေ အစိမ်းတစ္ဆေ စရေ ဝိညာဉ်ရို့နန့် ထွီးရောရှက်တင် ဖြစ်ခရေဟု ရှေးက ယူဆခကတ်လီရေ။ ယကေလည်း များရေအားဖြင့် ဂုခေတ်အခါ ပြသလေ့ဟိကတ်ရေ မျက်လှည့်တိတွင်ကားမှော်အတတ်ဧ အကူအညီ ပါဝင်ခရေ တဖဲ့ချေမျှသာ ပါဝင်ပနာကျင့်သားရကျွမ်းကျင်နီရေ လက်ဖြင့် လှည့်စားခြင်း၊ အထူးစီမံထားရေ ကိရိယာ တန်ဆာပလာ ရို့ဖြင့် လှည့်စားခြင်းရို့သာ တိလီရေ။
မျက်လှည့်အတတ်တွင် လက်လှည့်၊ မျက်လှည့်ဟူပနာနှစ်မျိုးဟိဧ။ လက်လှည့်ဆိုရေမှာ လက်ထဲဟိ ပိုက်ဆံကို ရုတ်တရက် ပျောက်လားစီခြင်း၊ ဖဲချပ်ဝှပ်ခြင်းစသည့် လက်ဖြင့် ကျင့်သားရအောင် လိ့ကျင့်ထားရရေ လှည့်စားခြင်း အတတ်ဖြစ်ပနာ၊ မျက်လှည့် ဆိုရေမှာ မျက်စိကို ထင်ရောင် ထင်မှားဖြစ်စီခြင်း (ဝါ) ကြည့်သူရို့ဧ စိတ်ကို လှည့်စားခြင်းပင် ဖြစ်လီရေ။
ပထမ အမျိုးအစား ဖြစ်သည့် လက်လှည့်အတတ်ကို လမ်းဆုံလမ်းဝ လမ်းလေးခွရို့နန့် လူစည်ကားသည့် နီရာရို့တွင် တွိ့ဟိရတတ်ရေ သာမန် မျက်လှည့်ပြပွဲတိ၌ တွိ့မြင်နိုင်ပနာ၊ ဒုတိယ အမျိုးအစားဖြစ်သည့် အထက်တန်း မျက်လှည့် အတတ်ကိုကားကမ္ဘာအရပ်ရပ်သို့ လှည့်လည်ပနာရုံတင်ပြသရေ နာဖို့ကျော် မျက်လှည့်ဝိဇ္ဇာရို့ဧ ပြပွဲတိတွင်သာ တွိ့မြင်နိုင်လီရေ။
မျက်လှည့်ပြရာ၌ အသုံးပြုလေ့ဟိရေ ကရိယာတိမှာ (၁) အမှန်အမှား ပြုလုပ်ထားရေ ပစ္စည်း၊ (၂) နဂိုပုံသဏ္ဌာန်ကို မပျက်စေဘဲ လှည့်စား ရန်အတွက်သာ စီမံပြုလုပ်ထားသည့်ပစ္စည်းနန့် (၃) ကြည့်သူတိ မသိမမြင်နိုင်အောင် ပြုလုပ်ထားရေပစ္စည်းဆိုပနာ သုံးမျိုးသုံးစားဟိလီရေ။ အချို့ရေလှည့်စားမှုတိတွင် ပစ္စည်းတစ်မျိုးတည်းဖြင့်ပင် ပြုလုပ်နိုင်ကေလည်း ပစ္စည်းသုံးမျိုးစလုံးကို ပေါင်းစပ်ပြုလုပ်မှရရေ လှည့်စားမှု တိလည်း ဟိလေသိမ်းရေ။ လှည့်စားမှု အမျိုးမျိုးဟိရေတွင် လှည့်စားမှုတစ်ခု အထမြောက် အောင်မြင်ရန်အတွက် ၈ဝ ရာခိုင်နှုန်းလောက်မှာ မျက်လှည့်ဆရာဧ စိတ်ပညာ နိုင်နင်းမှုပေါ်တွင် တည်ပနာ၁ဝ ရာခိုင်နှုန်းလောက်မှာ သရုပ်ပါပါ အမူအရာကောင်းကောင်းနန့် ကျွမ်းကျင်စွာ ကိုင်တွယ် ပြသနိုင်မှုပေါ်တွင် တည်ဟိပြီးကေ ကျန် ၁ဝ ရာခိုင်နှုန်းမှာ ကောင်းမွန်ရေ ပစ္စည်းတိကိ အသုံးပြုမှုပေါ်တွင် တည်နေလီရေ။
ဖြစ်နိုင်ဖွယ်ရာမဟိရေ လှည့်စားမှုမျိုးကို ပြုလုပ်ပြသခြင်းရေ ကြည့်သူ ပရိသတ်အား ရင်သပ်အံ့ဩ ထူးကဲရေအာရုံကို ခံစားစီနိုင်ရေ သာမက လူမျိုးခြားပရိသတ်ပင် ဖြစ်စီကာမူ သဘောပေါက်ကာ စွဲလမ်းလားစီနိုင်လီရေ။ ဒေပိုင် မျက်လှည့် အတတ်ရေ လူမျိုးတိုင်း လိ့လာပြသ ကြည့်ရှုနိုင်ရေ သဘင်အတတ်တစ်ရပ် ဖြစ်ရေဟုဆိုနိုင်လီရေ။
ရှေးဟောင်း သမားရိုးကျဖြစ်ရေ မျက်လှည့်အတတ်များစွာရို့မှာ တကျောင်းတဂါထာ တရွာတပုဒ်ဆန်းဟူရေနန့် အညီတစ်နိုင်ငံနန့် တစ်နိုင်ငံ မသိမသာ ကွဲပြားခြားနားလျက်ဟိကေလည်း အခြီခံသဘောရို့၌ကား ထပ်တူထပ်မျှပင် ဖြစ်ကတ်ရေ။
ယင်းပိုင့် ဖြစ်ရခြင်းအကြောင်းမှာ ယင်းအခြီခံ အချက်အလက်များရေ တစ်နိုင်ငံမှတစ်နိုင်ငံသို့ တစ်ဆင့်ကူးပြောင်းရောက်ဟိလားကြခြင်းကြောင့် မဟုတ်ဘဲ၊ အလွယ်ဆုံး အရိုးဆုံးနည်းရို့ဖြင့်သာ လုပ်ကိုင်ပြသကတ်ရေကြောင့်ပင် ဖြစ်လီရေ။ နှစ်ပရိစ္ဆေဒကြာညောင်းရေအခါ၊ ကမ္ဘာအရပ်ရပ်ဟိ မျက်လှည့်ဝိဇ္ဇာများရေ တိုးတက်ခက်ခဲနက်နဲရေ ပြသမှုတိကို ကြံစည်တီထွင်လာလီရေ။ ယကေလည်း တစ်ဦးနန့် တစ်ဦး အတတ်ပညာချင်း ဖလှယ်ကတ်ရေအတွက် ၊ အရှေ့နိုင်ငံတိမှ မျက်လှည့်အတတ်ရေ အနောက်နိုင်ငံတိသို့ ရောက်ဟိလားပြီးကေ အနောက်နိုင်ငံ မျက်လှည့်အတတ်များရေလည်း အရှေ့နိုင်ငံရို့သို့ ပျံ့နှံ့ ရောက်ဟိလာကတ်လီရေ။
မျက်လှည့်ပညာကို အပျော်ထမ်း လိုက်စားလိုသူတိအဖို့ သိသင့်သိယင်း အချက်အလက် တဖဲ့ချေကို အောက်တွင်ရီးသားဖော်ပြထား လီရေ။
ပရိသတ်အား ဇာလုပ်ပြဖို့ အကြောင်းကို ဇာအခါမှ ကြိုတင်ပနာဖွင့်မပြောသင့်။ ဇာဖြစ်လာဖို့ကိုပရိသတ်က သူရို့ဖာသာ မှန်းဆ တွေးယူစီသင့်ဧ။ သာဓကပြရကေ လက်ထဲတွင်ဟိရေ ငါးမူးစေ့တစ်စေ့ကို သူရို့မျက်မှောက်တွင်ပင် ကွယ်ပျောက်လားအောင် ပြုလုပ်ပြသဖို့ဆိုကတ်ပါဖိ။ ဦးစွာပထမ ငါးမူးစေ့ကို အများမြင်သာအောင် ထောင်ပနာကိုင်ပြပါ။ ယင်းနောက်ပရိသတ် မသိအောင် ငါးမူးစေ့ကို ကျင်လျင်စွာ အရင်ဖျောက်လိုက်ပြီးကေ ငါးမူးစေ့ဟိရေဟု ထင်းနေကတ်ရေ လက်ပေါ်သို့ဆေးကြိမ်လုံး တစ်ချက် ဝင့်လိုက်ရုံမျှနန့် ငါးမူးစေ့ရေ လက်ထဲမှ ပျောက်လားဖို့အကြောင်းကို ပရိသတ်အား ဣန္ဒြေမပျက် ပြောပြနိုင်လီရေ။
အချို့ ကကောင်း ရှုပ်ထွီးရေ လှည့်စားမှုတိကိုပင် များစွာ မခဲယဉ်းဘဲ ပြုလုပ်ပြသနိုင်လီရေ။ လှည့်စားမှုတစ်ခုရေကောင်းစွာ အထမြောက် အောင်မြင်လားပြီးနောက် ပရိသတ်က သဘောကျပနာ ပြဦး ဟု တောင်းပန်ကတ်ကေလည်း မပြုလုပ်သင့်ပေ ။
ပထမအကြိမ်တွင် ချောမောစွာ အောင်မြင်လားကေလည်း ဒုတိယအကြိမ်တွင် အလိမ်ပေါ်လားဖို့ကို စိုးရလီရေ အကယ်ပနာပထမ အကြိမ်မှာပိုင် အောင်မြင်စွာ ပြုလုပ်ပြသနိုင်လိမ့်ဖို့ဟု မိမိကိုယ်ကို မိမိ ယုံကြည်စိတ်ချပါမူကား၊ တောင်းပန်ကတ်ရေ အခြား နည်းတစ်မျိုးနန့်သာ ထပ်မံပြုလုပ် ပြသသင့်လီရေ။ မျက်လှည့်တိကို ပရိသတ်ရှေ့တွင် မပြသမီ တစ်ယောက်တည်း မှန်ကြီးကြီး တစ်ချပ်ရှေ့တွင် လိ့ကျင့်ကြည့်သင့်ဧ။ မိမိဧ လက်များရေ မိမိဧ မျက်စိတိကိုပင် လှည့်စားနိုင်ရာဟု ယုံကြည်ရရေ အခါမှရာ အများရှေ့မှောက်တွင် ပြသသင့်လီရေ။ လှည့်စားမှုတိကို ပြသရေ အခါတွင် အလောတကြီး လျင်မြန်မှုကို ဂရုမစိုက်ဘဲ ဖျတ်လတ်ကျင်လျင်မှုကိုသာ ရည်ရွယ်သင့်လီရေ။ ကြည့်မကောင်းလောက်အောင် နှေးကွေးခြင်းကိုကား ရှောင်ကြဉ်သင့်ဧ။
မျက်လှည့်ဆရာကောင်း တစ်ယောက်ဖြစ်ရန် သူတကာထက် ထူးခြားရေ ကိုယ်ခန္ဓာ အနေအထားဟိရန်မလို။ ယကေလည်းပရိသတ်က မြင်လိုက်ကေ နှစ်သက်သဘောကျလားစီနိုင်ရေ အသွင်အပြင် ဟန် အမူအရာဟိရန်ကား လိုလီရေ။ မဖြစ်နိုင်ဟု ယူဆကတ်ရေ အရာတိကိုပြုလုပ် ပြသရဖို့ ဖြစ်ရေကြောင့် မျက်လှည့်ဆရာရေ မိမိကိုယ်ကို မိမိ ယုံကြည်မှု ထက်သန်ရဖို့ဖြစ်ရေ။
ကြည့်သူပရိသတ်အား ခင်မင်နှစ်လိုရေစိတ် ထားတတ်ရဖို့ပြင်၊ ပရိသတ်ဧ သဘောကိုလည်းနားလည်ရဖို့။ မျက်လှည့်အတတ် တွင် ကျွမ်းကျင်မှုမှာ အလိ့အကျင့်ပေါ်တွင် တည်ရေကိုလည်း သတိအမြဲချပ်အပ်လီရေ။ လှည့်စားနည်းအသစ်တိကို တီထွင်နေ ရန် မလိုချေ။ တီထွင်ထားပြီးနည်းတိ ထောင်သောင်းမက ဟိရေကိုသာ မိမိ သဘောကျ စီစဉ်ပြုလုပ် ပြသလားနိုင် လီရေ။ [1]
ကိုးကား[edit | edit source]
- ↑ မြန်မာ့စွယ်စုံကျမ်း၊ အတွဲ(၉)